Љутков: Преку интегрирани методологии со научни знаења, практики и современи технологии до заштита на културното наследство - Канал 5

Култура

Љутков: Преку интегрирани методологии со научни знаења, практики и современи технологии до заштита на културното наследство

 Културното наследство, како материјален и нематеријален ресурс, бара внимателно и одговорно управување. 

Љутков: Преку интегрирани методологии со научни знаења, практики и современи технологии до заштита на културното наследство

Во средините во кои се евидентни климатските промени, деградацијата на просторот и притисокот од масовниот туризам, станува неопходно да се применат интегрирани методологии кои ги поврзуваат научните знаења и практиките и современите технологии. Заштитата на наследството во таа смисла е чин на стратешко планирање, но и чин на одговорност кон идните генерации. Тоа го истакна министерот за култура и туризам, Зоран Љутков, во обраќањето пред учесниците на министерската конференција на „Советот на министри за култура од ЈИЕ – јакнење на културата во функција на одржливиот развој“ што се одржа во Охрид.

Министерот во обраќањето посочи дека од климатските ризици до социоекономските нарушувања, видливо е дека културата не може да остане на маргините на општествениот и цивилизацискиот развој. Регионалната стратегија за културна соработка во Југоисточна Европа усвоена во Охрид во 2014 година, ги постави темелите на соработката во областа на кулутрата во регионот, но како што посочи, денес е очигледно дека формалниот избор на приоритетите мора да се прошири со функционални механизми и со зацврстена меѓусебна доверба. Културните политики се најуспешни тогаш кога се втемелени и на институционална рамка и на човечка интеракција, нивната сила произлегува истовремено од визијата и од луѓето што ја реализираат.

- Во оваа рамка, дигиталната трансформација не е само инструментализација на нови технологии, туку и создавање дисперзирани, креативни модели во пристапот, видливоста и учеството во културата. Преку дигитализацијата ја прошируваме можноста културата да стане достапна без просторни и социјални ограничувања. Таа истовремено го засилува потенцијалот на културните и креативните индустрии, како значаен сегмент од современите економии, рече тој.

Министерот уште ја нагласи знајачната улога што во тој контекст ја имаат локалните заедници, за кои рече дека не се само носители на традицијата, туку клучни актери кои ја одржуваат културата како жив процес.

- Кога граѓаните се вклучени во креирањето, интерпретацијата и заштитата на културните практики, се создава стабилна основа за долгорочна одржливост и автентичен развој. Во оваа смисла нашата заедничка иницијатива за воспоставување Регионален фонд за културна соработка може да биде важен институционален чекор кој има потенцијал да обезбеди стабилност, предвидливост и професионализација на регионалните активности, рече меѓу другото Љутков.

Свое обраќање пред учесниците на собирот имаше и и директорката на Регионалното биро на УНЕСКО за наука и култура во Европа, со седиште во Венеција, Магдалена Ландри, која истакна дека регионот на ЈИЕ претставува простор со исклучителна културна разновидност и долг континуитет на креативност и отпорност, а УНЕСКО повеќе од три децении ги поддржува напорите за негово зачувување и унапредување.

- Ваквите средби и документите што произлегуват од нив се потврда на вашата визија да ја интегрирате културата како двигател на развојот, зајакнувајќи ги институциите, креативните сектори и регионалната соработка. Вашата работа силно се совпаѓа со приоритетите на MONDIACULT 2025—од унапредување на културните права и вградување на културата во образованието, до развој на културната економија, промоција на мирот, зајакнување на отпорноста на наследството и етичка употреба на дигиталните технологии и вештачката интелигенција. Посветеноста на земјите од регионот кон заштита на наследството, одржлив туризам и справување со современи закани ја истакнува клучната улога на културата во создавање инклузивни и отпорни општества, рече таа.

Директората на Регионалното биро на УНЕСКО рече дека уживала во можноста да го разгледа Охрид, како културно-историско богатство заштитено од УНЕСКО, да ужива во она што го видела.

- Видов голем број археолошки локалитети, споменици на прекрасно културно и религиско наследство. Мора да се признае дека се гледаат напорите спроведени за нивна заштита. Она што навистина е очигледно е длабочината и испреплетеноста на различните нации, наследства втемелени во една прекрасна комплетна слика, рече Ландри.

На министерскиот состанок во Охрид беше усвоена и Декларацијата „Одржливи културни модели за иднината“, за кој беше истакнато дека не е само обичен документ, туку важен чекор во создавање единствен простор на културни стандарди, развој и меѓусебна координација, во насока на создавање и креирање регион што ќе биде стабилен, инклузивен и способен да го користи сопствениот културен потенцијал како двигател на развојот.

Тагови: Љутков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Шведска остана без премиер- Кристерсон поднесе оставка по изборниот пораз

Шведскиот премиер Улф Кристерсон поднесе оставка откако конечните резултати од парламентарните избори го потврдија поразот на неговиот десничарски блок.

Шведска остана без премиер- Кристерсон поднесе оставка по изборниот пораз

Четири левоцентристички партии, предводени од социјалдемократите на поранешната премиерка Магдалена Андерсон, ги добија изборите со 50.359 гласови повеќе од десничарскиот блок, покажаа конечните резултати од гласањето минатата недела, објави Ројтерс.

Левичарските партии ќе имаат вкупно 176 места во новиот парламент, додека трипартитната коалиција на Кристерсон, заедно со крајно десничарските Шведски демократи, ќе има 173 места.

Шведските демократи, за кои се очекуваше да формираат влада по изборите, беа дел од десничарскиот политички блок познат како блок Тиде.

Оставката на Кристерсон го отвора патот за разговори за формирање нова влада.

Тагови: Шведска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски пред Атлантскиот совет: Треба да се применува пристап заснован на заслуги, но не е така во нашиот случај

Македонија ги исполнува условите, но останува пред вратите на Европската Унија поради билатерални прашања. 

Мицкоски пред Атлантскиот совет: Треба да се применува пристап заснован на заслуги, но не е така во нашиот случај

Македонија ги исполнува условите, но останува пред вратите на Европската Унија поради билатерални прашања. Ова е пораката на премиерот Христијан Мицкоски од Вашингтон, кој во интервју за Атлантскиот совет повторно го отвори прашањето за македонскиот застој на европскиот пат.

Запрашан дали верува дека проширувањето на ЕУ навистина се темели на заслуги и дали Македонија ја завршила својата работа, а сепак останала зад вратата, Мицкоски рече дека токму таков треба да биде процесот, но дека македонскиот случај со години е оптоварен со билатерални услови.

„Се претпоставува дека треба да се применува пристап заснован на заслуги. За жал, ако го анализирате нашиот случај. Тажно, но вистина е дека тој воопшто не е блиску до пристапот заснован на заслуги. Затоа што во текот на целиот овој пат се соочуваме со таканаречени билатерални прашања. За жал, ние ги исполнуваме сите услови кога станува збор за пристапот заснован на заслуги, но потоа секогаш се соочуваме со вештачки наметнати пречки пред нас. Прво беше промената на нашето уставно име — не треба да ве потсетувам, знаете што се случи во тој период. А сега повторно имаме дополнителен услов — повторно промена на нашиот Устав. И она што најмногу ме загрижува е фактот што, практично, овој процес никогаш не завршува. Мислам, никој не може да ви гарантира дека ова е последното барање. Затоа, нашиот случај е посебен случај.“, изјави премиерот Мицскоски.

Во фокусот на настапот на Мицкоски беа и односите со САД, а премиерот порача дека стратегиското партнерство со Вашингтон треба дополнително да се продлабочува.

„Стоењето рамо до рамо со стратегиските партнери, еднаш избрани, треба да трае засекогаш. Ако го менувате мислењето во зависност од дневната политика, тогаш никој нема да ви верува и никој нема да има доверба во вас како иден партнер. Така беше во минатото и така ќе биде во иднината само може да ја продлабочиме стратегиската соработка со САД – Изјави Мицкоски.

Во своето излагање во Атлантскиот совет, Мицкоски меѓу другото се осврна и на можностите за нови американски инвестиции, изградбата на дата центри, енергетското поврзување со Грција и потенцијалот за експлоатација на критични минерали. Зборуваше и за зголемувањето на издвојувањата за одбраната во рамки на НАТО.

Премиерот посетата на Вашингтон ја искористи и за средби со претставници на американските институции, Конгресот и бизнис секторот, со порака дека стратегиското партнерство со САД треба да добие и посилна економска димензија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Мета работи на паметни очила без камера

Meta, според новите информации, развива нова генерација паметни очила кои треба да се разликуваат од претходните модели во еден важен детал. 

Мета работи на паметни очила без камера

Имено, тие нема да имаат вградена камера. Таквиот уред би бил наменет за корисници кои не сакаат можност за фотографирање и снимање видеа, но сепак се заинтересирани за функции на вештачка интелигенција, гласовна контрола и поврзување со содржина на нивниот телефон. Се очекува моделот да се вика Luna, пишува GSMArena.

Презентација и почеток на продажбата

Официјалната презентација на очилата Luna треба да се одржи на годишната конференција за развивачи на Meta, закажана за 23 и 24 септември. Доколку информациите се покажат како точни, Mета нема да чека долго со пуштањето на уредот на пазарот - продажбата наводно треба да започне во октомври.

Фокус на вештачката интелигенција и звукот

Отсуството на камера не значи дека очилата ќе бидат технолошки едноставни. Според достапните информации, тие треба да имаат дури шест микрофони и звучници насочени кон ушите на корисникот, па затоа голем дел од искуството ќе биде фокусиран на гласовни команди и звук.

Централната улога ќе ја игра асистентот Meta AI, со кој корисниците ќе можат да разговараат без да посегнуваат по телефонот. Исто така, треба да има посебно копче од страната на рамката за брзо стартување на асистентот. Ова би можело да ја позиционира Luna како подискретна алтернатива на постојните паметни очила, особено за оние кои сметаат дека помошта од AI е покорисна од камерата.

Тагови: Мета паметни очила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер