Љутков: Негрижата донесе застој на проектите, продолжуваме со изградба на „Плаошник“ - Канал 5

Култура

Љутков: Негрижата донесе застој на проектите, продолжуваме со изградба на „Плаошник“

Министерот за култура и туризам, Зоран Љутков, при денешната посета на локалитетот „Плаошник“ во Охрид изјави дека градежните активности на ова наше духовно светилиште мора колку што е можно поскоро да продолжат.

Љутков: Негрижата донесе застој на проектите, продолжуваме со изградба на „Плаошник“

Министерот за култура и туризам, Зоран Љутков, при денешната посета на локалитетот „Плаошник“ во Охрид изјави дека градежните активности на ова наше духовно светилиште мора колку што е можно поскоро да продолжат од причина што објектите веќе почнуваат да се оштетуваат од разни временски услови.

„Поради досегашната скромна финансиска поддршка, неопходно е да се обезбедат средства за изработка на проект за конзерваторско-реставраторски работи и партерно уредување на целиот археолошки локалитет. Со тоа ќе се обезбеди континуитет во активностите и целосно согледување на археолошкиот локалитет“, рече министерот Љутков.

При денешната посета на „Плаошник“, на која беа присутни и претседателот на Советот на Општина Охрид, Перчо Божновски, и в. д. директорите на Управата за заштита на културното наследство и на Заводот за заштита на спомениците на културата и музеј од Охрид, Весела Честоева и Горан Патчев, беше констатирано дека културното наследство со кое располагаме е загрозено бидејќи државата во изминативе години не издвојувала доволно средства за негова заштита.

„Токму недоволната грижа може да остави трајни последици на дел од културно-историските споменици и археолошки локалитети“, истакна Љутков, кој ја посети и Куќата на Момирови, лоцирана над Античкиот театар во Охрид, за која беше констатирано дека е во исклучително лоша состојба, со нарушена статичка стабилност, и претставува опасност за минувачите.

„Во НУ Завод и музеј Охрид веќе е изработен основен проект за конзерваторско-реставраторски работи, ревитализација и адаптација на Куќата во музејски простор каде што би биле презентирани музејските предмети откриени при археолошките истражувања на Античкиот театар во Охрид“, изјави Љутков, кој посочи на проблемите поради кои не се реализира овој проект и додаде дека се работи на нивно надминување.

За целосно продолжување на реализацијата на проектите во Охрид, надлежни се и други министерства и институции и во тој контекст министерот Љутков изјави дека во најкус период ќе иницира одржување заеднички состанок меѓу сите субјекти надлежни за разрешување на реалниот проблем и изнаоѓање соодветно решение, со што ќе започне реализацијата на голем број проекти.

Министерот Љутков претходно одржа работен состанок со градоначалникот на општина Охрид Кирил Пецаков со кој разговараа за повеќе важни прашања.

На состанокот стана збор за отпочнување со изработка на 19 детални урбанистички планови во старото градско јадро. Беше дискутирано и Законот за управување со светското културно наследство кој е во работна верзија и за Планот за управување со Охридскиот Регион, за што општината ќе поднесе барање за одредени измени и усогласување со Законот за заштита на културното наследство, Законот за градење, Законот за урбанистичко планирање и Законот на Охридскиот Регион, соопштуваат од Министерството за култура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Татко и син пронашле заб, што му припаѓал на огромно чудовиште старо 3,6 милиони години (ВИДЕО)

Прошетката по плажата во Њу Џерси се претвори во неверојатна авантура за Мајкл Бауерс (42) и неговиот 11-годишен син, Бум.

Татко и син пронашле заб, што му припаѓал на огромно чудовиште старо 3,6 милиони години (ВИДЕО)

Тие случајно пронајдоа огромен заб од чудовиште и сфатија дека мора веднаш да им го покажат на експертите, објавува Њујорк пост.

Заглавени во тесен отвор

„Никогаш ни во милион години не би помислил дека ќе најдеме нешто вакво. Мојот син беше без зборови“, рече подоцна Бауерс.

Таткото и синот одеа по карпест насип кога го забележаа забот - заглавен во тесен отвор. Бауерс не можеше да ја протне раката низ пукнатината и да го извади, но неговиот син го стори тоа без поголеми проблеми.

„Колената ми се тресеа“, рече Бауерс, објаснувајќи дека експертите подоцна потврдија дека станува збор за заб од мегалодон, огромна праисториска ајкула.

Овој морски предатор можел да порасне до 18 метри и изумрел пред повеќе од 3,6 милиони години.

YouTube video

Особено значајно откритие

Фосилите од ова праисториско суштество се многу ретки во Њу Џерси. Според Државниот музеј, во таа држава се пронајдени помалку од пет мегалодонски заби.

Тоа го прави откритието на семејството Бауерс особено значајно.

Истражувачите веруваат дека забот веројатно бил исфрлен на брегот за време на проект за рекултивација и реставрација на плажата што го спроведе американската армија во јули.

За време на таквата работа, песок се носи од области далеку од брегот и се користи за проширување или реставрација на плажата. Доколку материјалот бил земен неколку километри од брегот, фосилниот заб можеби бил транспортиран со него.

Тагови: чудовиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со мала до умерена локална облачност

И утре ќе се задржи сончево и топло време со мала до умерена локална облачност, информираат од УХМР.

Сончево и топло со мала до умерена локална облачност

МАКСИМАЛНА ТЕМПЕРАТУРА

20 Попова Шапка, 26 Крушево, 30 Маврови Анови, Претор, Берово, 32 Крива Паланка, Прилеп, Охрид, 33 Битола, 34 Виница, Тетово, Штип, 35 Велес, 36 Зајчев Рид, Струмица, Кавадарци, 37 Демир Капија, 38 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево со мала до умерена локална облачност. Дуваше слаб до умерен ветер од северен правец. До крајот на денот ќе има мала до умерена облачност. Наместа ќе има услови за локална појава на нестабилност со пороен дожд, грмежи и засилен ветер.

ВРЕМЕТО УТРЕ

Сончево и топло со мала до умерена локална облачност. Попладне во планинските региони ќе има зголемена облачност и услови за краткотраен дожд и појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 12 до 20, а максималната ќе достигне од 30 до 38 степени.

Во Скопје, сончево и топло со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 17, а максималната ќе достигне до 37 степени.

ВРЕМЕТО ВО НАРЕДНИТЕ ДЕНОВИ

Од четврток следува период на претежно стабилно и многу топло време. Во сабота наместа ќе има нестабилност проследена со засилен ветер, пороен дожд и грмежи. Во деновите од викендот дневната температура наместа се очекува да надмине 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Салма Хајек стана баба и го откри името на внукот (ВИДЕО)

Салма Хајек (59) стана баба. Нејзиниот посинок Франсоа Пино помладиот и неговата сопруга Лара Козима Хенкел фон Донерсмарк го добија своето прво дете, син кого го крстија Франсоа.

Салма Хајек стана баба и го откри името на внукот (ВИДЕО)

Хајек е во брак со Франсоа-Анри Пино (64), со кого има 18-годишна ќерка, Валентина, и е маќеа на неговите деца од претходни врски - Франсоа (38), Матилда (25) и Огистен (19).

Откри како ќе се вика внукот

Во неделата, актерката сподели видео на Инстаграм во кое го држи внукот во раце и му зборува на шпански. Таа откри дека момчето се вика Франсоа, со што ја продолжува семејната традиција, но и дека веќе му го дала својот прекар - Панчито.

„Благословени сме што ја пречекуваме четвртата генерација во семејството што ќе го носи името Франсоа. Сепак, ќе го викам Панчито. Се чини дека му се допаѓа и не би можела да го сакам повеќе од мене“, напиша Хајек.

Објавени се и првите семејни фотографии.

Мајката на момчето, Лара, објави неколку фотографии од својот син минатата недела, а Салма Хаек со нејзиниот внук е на една од нив.

„Мојот сопруг (најкул Франсоа на светот) и нашиот син (најслаткиот Франсоа на светот)... нашиот прв месец како родители“, напиша Лара покрај фотографиите.

„Секогаш сакав да имам многу деца“

Хаек стана маќеа откако се омажи за Франсоа-Анри Пино во 2009 година. Нивната ќерка Валентина се роди две години претходно, во 2007 година. Со текот на годините, актерката често зборуваше за тоа колку ѝ значи големо семејство.

„Отсекогаш сакав да имам многу деца, но не можев. Чудо е што успеав да родам едно дете. Голем благослов е што мојот сопруг има уште три деца. Значи, јас имам четири и сите се сосема различни“, изјави таа за списанието „Ред“ во 2017 година.

Сега малиот Франсоа, или Панчито, како што Хајек одлучи да го нарече, се придружи на нивното големо семејство.

Тагови: Салма Хајек

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер