Македонија

Љутков: Културната дипломатија не е монолог, туку разговор меѓу идентитети

Министерот за култура и туризам Зоран Љутков денеска се обрати на третиот Форум за културна дипломатија, што се одржува во Музејот на македонската борба под покровителство на поранешниот македонски претседател, Ѓорге Иванов.

Четвртата сесија во рамките на Форумот, чиј домаќин беше министерот за култура и туризам Зоран Љутков, носи наслов „Уметноста како алатка за дипломатија: Градење мостови преку култура/Оспособување на креативните индустрии за одржлив раст и меѓународен дијалог“. Говорници во дебатата беа Абдулазис Отман Алтваиџри, генерален директор на ИСЕСКО; Бенедето Закироли, претседател на Европската коалиција на градови против расизмот; Пенг Гуан, основач на Меѓународното азиско културно друштво и Мелпомени Корнети, заменик-министер за култура во периодот 2002 – 2006 година.

Во своето обраќање, министерот Љутков посочи дека во свет во кој политиката сè почесто се соочува со ограничувања, а економските интереси се менуваат во зависност од глобалните кризи, културата останува таа тивка, но моќна сила што ги обединува луѓето.

„Културната дипломатија ja претставува најфината форма на меѓународна комуникација – мост што се протега преку различностите, надминува граници и создава нови можности за разбирање, соработка и трајно пријателство меѓу народите. Таа не зборува преку декларации и договори, туку преку симфонии, уметнички дела, поетски гласови и културни гестови што ја допираат душата“, рече Љутков.

Тој нагласи дека македонската култура е богата не само по своето историско наследство, туку и по својата современа виталност.

„Културната дипломатија е суптилен и заемен процес на размена – процес во кој автентичноста не се губи, туку, напротив, станува мост кон подобро разбирање. Културната дипломатија не упатува на самопромоција, туку кон споделување на суштината на идентитетот, креативноста и визијата на еден народ“, рече Љутков.

Министерот потсети дека Македонија низ годините остави препознатлив културен печат на меѓународната сцена, преку блиска соработка со УНЕСКО, Советот на Европа и други релевантни организации, како: Франкофонијата, Форумот на словенските култури и Алијансата на цивилизациите.

„Од Биеналето во Венеција, преку интернационалните саеми на книгата во Франкфурт, Париз и во Лајпциг, до настапите на Националната опера, Националната филхармонија, театрите, ансамблите за народни песни и игри, нашата култура зборува јазици на уметноста што ги разбира целиот свет. Преку манифестации, како Денови на македонската култура, во реномирани европски центри, па сѐ до трајното одбележување на ’Македонија во чест на Св. Кирил‘, нашата држава се позиционира како активен учесник во креирањето на европската културна иднина“, подвлече министерот за култура и туризам.

Љутков порача културната дипломатија да не биде маргинален концепт, туку централна компонента на нашата надворешна политика.

„Културната дипломатија не е монолог. Таа е разговор меѓу идентитети. И кога се води со искреност и почит, таа не само што гради мостови – таа ги руши ѕидовите на незнаењето и стереотипите. Затоа културната дипломатија не треба да биде маргинален концепт, туку централна компонента на нашата надворешна политика“, рече Љутков.

Тагови: Љутков

Свет

ИДФ тврди дека значително е оштетен објектот за збогатување ураниум во Натанц

Израелските одбранбени сили (ИДФ) соопштија дека во денешниот нападот значително е оштетени иранскиот објект за збогатување ураниум во Натанц.

Според ИДФ, постројката за збогатување ураниум во Фродо, како и нуклеарните објекти во Исфахан и Бушеир не биле цел на напади.

ИДФ тврди дека при нападот врз Натанц уништен е подземниот дел, каде биле сместени центрифуги, електрични простории и друга придружна инфраструктура.

Според ИДФ во нападот е уништена и критична инфраструктура за унапредување на проектот за нуклеарно оружје на иранскиот режим.

Нападите, исто така, уништија „критична инфраструктура што овозможува продолжување на операцијата на локацијата и унапредување на проектот за нуклеарно оружје на иранскиот режим“.

Иранските власти соопштија дека при израелскиот напад „оштетени се неколку делови“ од Натанц, но оти не е зголемено нивото на радијација.

Тагови: ИДФ

Македонија

Вкупниот промет во индустријата зголемен за 6 проценти во април на годишно ниво

Во април годинава во однос на март годинава, вкупниот промет во индустријата, бележи пад од 7,9 проценти, додека во периодот јануари – април годинава во однос на истиот период лани има зголемување од 3,6 проценти.

Прометот во индустријата, вкупно, во април годинава во однос на април лани е зголемен за 6 проценти. Податоците што ги објави денеска Државниот завод за статистика (ДЗС) покажуваат дека има раст од 8,2 проценти кај Производство на прехранбени производи, од 18,7 проценти кај Производство на електрична опрема и од 94,7 проценти кај Производство на моторни возила, приколки и полуприколки.

- Прометот во индустријата, вкупно, во април 2025 година во однос на април 2024 година, според главните индустриски групи, бележи пораст кај Интермедијарни производи, освен енергија за 4.0 проценти, Капитални производи за 11.6 проценти, Трајни производи за широка потрошувачка за 5.3 проценти и Нетрајни производи за широка потрошувачка за 0.5 проценти, објави ДЗС.

Во април годинава во однос на март годинава, вкупниот промет во индустријата, бележи пад од 7,9 проценти, додека во периодот јануари – април годинава во однос на истиот период лани има зголемување од 3,6 проценти.

Според податоците на ДЗС, прометот во индустријата на домашниот пазар во април годинава во однос на април минатата година, е намален за1,7 отсто, а во периодот јануари – април 2025 година, во однос на истиот период од минатата година за 3,7 отсто. На странските пазарипрометот во индустријата во април годинава во однос на април минатата година, е зголемен за 7,2 отсто, а во првите четири месеци од годинава споредено со истиот период од минатата година за 4,8 проценти.

Тагови: индустријата

Свет

Седница на СБ на ОН посветена на ситуацијата во Иран

Советот за безбедност на Обединети нации денеска ќе одржи седница посветена на ситуацијата во Иран по нападот од Израел.

Во меѓувреме, кабинетот на израелскиот премиер Бенјамин Нетанјаху соопшти дека тој денеска телефонски ќе разговара со американскиот и рускиот претседател Доналд Трамп и Владимир Путин.

Според американските медиуми Трамп веќе разговарал со францускиот колега Емануел Макрон.

Претходно, портпаролот на германската Влада изјави дека канцеларот Фридрих Мерц телефонски разговарале со Макрон и со британскиот премиер Кир Стармер. Тројцата лидери се согласиле „да останат во близок контакт“ за понатамошните чекори.

Тагови: Израел Иран ОН