Македонија

Љупчо Димовски со народни пари плаќал во златари, цвеќари , туристички агенции, хотели со пет ѕвезди

Луксузни хотели , ресторани низ светот и земјава, цвеќари и продавници за накит. Поранешниот министер за земјоделство, Љупчо Димовски – трошел за се и сешто од службената картичка, објави ТВ 24 вести .

Димовски со државни пари платил 11 илјади денари во скопска продавница за накит. А со народни пари трошел и во цвеќара, каде платил нешто помалку од 50 евра. Службената картичка не ја штедел ниту за плаќање на телефонски сметки и полнење гориво. Во неколку наврати плаќал и во туристички агенции. Само во една туристичките агенции платил 90 илјади денари.

Но, со службената картичка, во март 2010 година Димовски потрошил приближно 15.000 денари кои ги уплатил во агенција за недвижности Импул во Капиштец. Често го посетувал ресторанот Оливе 1976 каде што сметките почнувале од 10.000 денари и достигнувале и до 18.000 денари.

Посетувал луксузни хотели. Во Радисон блу Ројал Хот потрошил 1.000 евра. Најчесто патувал за Русија и го посетува Голден ринг, каде плаќал од 1.600 до евра 3.000 евра за неколку ноќевања. Во хотел во Стокхолм платил скоро 1.100 евра, и уште 380 во друг хотел.

Екс министерот во повеќе наврати бил во позната пивница во Берлин, каде за само еден ден потрошил 110 евра. Но во истата пивница одел повеќе пати.
Димовски не сакал за ова да зборува за 24 вести . Во телефонски разговор рекол дека службената картичка не ја користел за купување во продавници за накит и во цвеќарници и дека не сака да коментира.

Министерството за земјоделство го тресат скандали, пишува ТВ 24 вести . Неодамна беа објавени информациите за трошењата на поранешниот министер за земјоделство Михаил Цветков и неговиот заменик Ванчо Костадиновски кои осен што се луксузирале по хотели и ресторани си купувале и облека од државна сметка. Против овие двајца функционери неодамна винарската визба Повардарие поднесе кривични пријави до ОЈО обвинувајќи ги дека правеле злоупотреби и притисоци за време на пред изборието лани.

Сепак, функционерите од Министерството за земјоделство не се единствени во луксузирањето на државна сметка. Во јавноста беа обелоденети и трошењата од службените картички на екс функционери од МВР, одбрана и Министерство за труд и социјална политика.

Засега од Основното јавно обвинителство нема информација дали се започнати постапки за евентуални злоупотреби на службените картички, дали некоја институција доставила документи, или пак можеби самото обвинителство отворило истраги по допрен глас. / ТВ 24 Вести .

Шоу биз

Фото: Атрактивна актерка и модел со гола фотка го прослави влегувањето во седмата деценија!

Британската актерка и модел Елизабет Харли на специфичен начин одлучи да го прослави својот 60 роденден и влегувањето во седмата деценија од животот.

Популарната Лиз сподели фотографија на својот Инстаграм профил на која позира целосно гола, славејќи го не само својот роденден, туку и бројни животни достигнувања и нова љубов со музичарот Били Реј Сајрус.

Познатата британска актерка Елизабет Харли одлучи да го прослави својот 60-ти роденден со стил, објавувајќи провокативна фотографија која ги остави нејзините обожаватели без здив.

Таа сподели уметничка фотографија на Инстаграм на која позира целосно гола на ливада, носејќи само дискретен ѓердан. Со рацете стратешки завиткани околу колената и широка насмевка на лицето, Харли ја покажа својата завидна фигура, а со објавата хумористично напиша:

- Фотографијата е направена денес попладне... во мојата роденденска облека - се пошегува таа.

Атрактивната актерка и модел инаку никогаш немала проблем да објави свои фотографии во бикини. Најверојатно бидејќи знае дека има става на која и завидуваат и тројно помладите девојки.

Тагови: елизабет харли

Формула

Видео:Доминација на Мерцедес во Монтреал

Возачот на Мерцедес, Џорџ Расел, е победник на трката за Големата награда на Канада,од Формула 1 првенството која вечерва се одржа во Монтреал.За Британецот од тимот на Мерцедес ова е прв триумф сезонава во Ф1.

На подиумот по Гран прито во Монтреал се искачија и актуелниот светски шампион, возачот на Ред Бул, Макс Верстапен и големото изнадување, клупскиот колега на победникот Расел, вториот пилот на Мерцедес, Кими Антонели.Ова е пвиот подиум во кариерата за Антонели.

Лидерот во Генералниот пласман, возачот на Мекларен , Оскар Пјастри стигна до четвртатата позиција со што ја зголеми својата предност на врвот на листата на возачи.

Трагичар на трката во Канада е возачот на Мекларен,Ландо Норис. При крајот на трката, тој во директен дуел со клупскиот другар Оскар Пјастри, погреши и се удри во ѕидот и заврши без поени.

Así ha sido el toque de Norris y Piastri

Error de Norrispic.twitter.com/rll7bXbn1m
— ElReyGuiri (@ElReyGuiri) June 15, 2025

Лидер во светскиот шампионат во Формила 1 е Оскар Пјастри со 198 бода, 22 повеќе од клупскиот другар Норис. Верстапен од Ред Бул е трет со 155 бода, а зад него е победникот на Голмата награда на Канада,, Расел, со 136 бода.

Тагови: Формула 1

Забава

Фото: Старлетата Деми Роуз повторно провоцира

Провокативната инфлуенсерка и старлета Деми Роуз со провокативни фотки по подолг период се појави на социјалните мрежи.

Познатата ѕвезда на социјалните медиуми Деми Роуз со месеци не објавуваше ништо на Инстаграм и „отстранила“ од следење бројни контакти.

Обожавателите на Инстаграм на секој начин сакала да ја контактираат, дури ѝ оставале загржувачки пораки но Деми останала недостапна.

Сега британските медиуми пишуваат дека бујната Роуз сепак била активна но на друга социјална платформа, на уште еден популарен канал само за претплатници и на Снепчет.

Провокативната Деми сега ги изненадила фановите со неколку секси Инста строиња. На кои како и секогаш на радост на фановите во преден план се нејзините природни бујни облини во секси минијатурни бикини.