Љубовната приказна на Ненси (86) и Стен (91) од Единбург би можела да послужи како сценарио за филм. Тие се запознале многу млади, но нивните родители не ја одобрувале нивната љубов, а тоа било само почеток на нивната необична приказна. После 30 години се сретнале во дом за стари лица.

Средба во старски дом

Како што изјавила нивната внука за Дејли меил, и покрај противењето на нивните родители, Ненси и Стен се венчале во 1957 година и ја добиле ќерката Карен, но нивниот брак се распаднал кога Ненси во своите 50-ти години доживеала мозочен удар. Бидјеќи Стен не можел да се справи со последиците на тешката болест на неговата сопруга, решил да се разведе и да замине.

- Дедо ми повторно се оженил и ги прекинал контактите со баба ми. Тие не се виделе 30 години. И додека таа живеела сама не сакајќи друг маж во нејзиниот живот, тој имал нова сопруга. Меѓутоа, таа го оставила кога дедо ми добил деменција бидејќи не можела да се справи со неговата болест. На некој начин, ја доживеал судбината на неговата поранешна сопруга Ненси – изјавила нивната внука Сара.

Но, судбината си поиграла со поранешните сопружници кога дошле во подоцнежни години. Сега и двајцата се болни и имаат деменција, па ќерката ги сместила во истиот дом за стари лица.

Во видеото, снимено од нивната внука, поранешните сопружници се сретнуваат за прв пат после 30 години во домот за стари лица. На видеото се гледа како еден дедо седи во фотелја и изненадено гледа во бабата што се појавува на вратата. Тој боледува од деменција, често заборава на сè, па понекогаш не ја препознава ни сопствената ќерка, но Ненси веднаш ја препознал. Судејќи по нејзината реакција, Ненси сè уште има чувства кон него.

- Добро ли си? Сега си стар, мора да се грижиш за себе - се слуша како зборува бабата додека се наведнува кон збунетиот дедо. А, тој не ја симнува насмевката од лицето откако ќе сфати дека таа повторно е покрај него.

И двајцата се согласиле заедно да испијат чај и да се присетат на убавите заеднички моменти, што е многу невообичаено особено за пациентите со деменција. Но, се чини дека ниту тешката болест не ги спречила да се сетат еден на друг и на големата љубов што некогаш ја имале.

Оваа трогателна средба на поранешните сопружници во старечкиот дом многумина ги потсети на познатиот филм „The Notebook“, иако многумина признаа дека оваа приказна од реалниот живот е уште подраматична и поромантична. Видеото од нивната прва средба после три децении, беше објавено на Tикток од нивната внука и за кратко време стана вирално и освои речиси 3 милиони прегледи.

Судејќи по бројните коментари, многумина навиваат да бидат повторно заедно, барем сега во старечкиот дом.

- Љубовта никогаш не умира! Погледнете како бабата сè уште е грижлива кон него иако ја повредил.

- Љубовта и спомените имаат моќ да ги надминат и најтешките животни околности.

- Ова е поромантично од „The Notebook“ и доказ дека љубовта е неуништлива – беа само дел од коментарите.

Стен го поминал својот живот во војска и напишал мемоари за својот живот и љубовта кон Ненси со желба засекогаш да го зачува споменот на нивната навидум безвременска љубов.

@sarahashleighflorals They both have dementia and have ended up in the same care home after 30 years apart 💔 we were so worried how this would go! It's so good to see them be friends again. Grandad still asks for his sweetheart back home and she is still very much a part of the family, she misses him a lot. Love might not be the same kind of love forever, it is a shape shifter 💖 but it never leaves 🥹 Video is filmed by my wonderful mum (their daughter) for anyone confused! #dementia #alzheimer #romanempire #Scottish #dementia #alzheimer #romanempire #Scottish ♬ original sound - Flower Preservation

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.