Лиза Мари Присли месечно трошела 400.000 долари на одвикнување од зависности

Лиза Мари Присли починала поради срцев удар, а долго време се борела со зависноста.

Како и нејзиниот татко Елвис Присли, Лиза Мари се борела од зависност од лекови против болки. Извор изјавил за Marca дека „Лиза Мари рече дека ќе умре ако не добие помош“ во 2016 година, откако се разделила од нејзиниот четврти сопруг Мајкл Локвуд, кога се пријавила на рехабилитација.

„Таа има приватен тим за детоксикација за 400.000 долари месечно, а сите лекари доаѓаат во нејзината соба“, рекол друг извор, пренесува Marca.

Присила Присли била преокупирана со битката на нејзината ќерка со зависноста и „неколку пати ја посетувала“, а изворите тврдат дека нејзината зависност од лекови против болки започнала пред да се раздели од Мајкл Џексон. Таа тврдеше дека има „измачувачка болка во грбот“.

Други тврдат дека „страшниот скандал“ со нејзиниот сопруг Мајкл Локвуд, кој ги злоупотребил нејзините финансии, „и ѝ го отежнал животот “, а упатените тврдат дека Лиза Мари доживеала „целосен емотивен слом и само што излегла од контрола“. Лиза Мари Присли почнала да се дрогира на 13 години, до 17 години редовно ги консумирала, а подоцна во животот им се вратила.

„Правев сè освен печурки, хероин и крек“, рече еднаш Лиза Мари, која исто така се пријавила во програмата за рехабилитација на Скиентолошката црква откако се забавувала 72 часа.

„Кокаин, седативи, трева и алкохол - сето тоа во исто време. Не знам како го преживеав. Еден ден се разбудив со еден куп луѓе на подот. Возев до Скиентолошката црква и реков: Некој веднаш да ми помогне“, изјавила Лиза Мари.

Уставен донесе одлука граѓаните со попреченост над 65 год. да добијат надоместок согласно Закон

Уставен донесе одлука граѓаните со попреченост над 65 години да добијат надоместок согласно Законот за финансиска поддршка на социјално ранливи категории на граѓани.

Уставниот суд го поништи член 3 став 1 точка 2 во делот „најмногу до 65 годишна возраст” од Законот за финансиска поддршка на социјално ранливи категории на граѓани со што граѓаните со попреченост над 65 години кои не добиле надоместок, сега имаат можност да побараат да им се исплати надоместокот во изминатиот период, од кога Законот е влезен во правна сила.

Според член 3 став 1 точка 2 од Законот „корисници на правото на надоместок заради попреченост” се лица со навршена 26 годишна возраст, а најмногу до 65 годишна возраст, со тешка или длабока интелектуална попреченост, со најтешка телесна попреченост, потполно слепо лице и потполно глуво лице, согласно со податоците од евиденцијата на центрите за социјална работа.

Од содржината на погоре наведениот член од Законот произлегува дека во групата корисници на правото на надоместок заради попреченост, не спаѓаат лицата над 65-годишна возраст, а со тоа овие лица се исклучени од финансиската поддршка согласно со Законот за финансиска поддршка на социјално ранливи категории на граѓани.

Судот оценил дека со таа одредба e нарушенa темелната вредност на владеење на правото од член 8 став 1 алинеја 3 од Уставот и принципот на правната сигурност на граѓаните во остварувањето на правата од социјалната сфера.

- Со исклучувањето на овие лица од единствената категорија корисници на правото на надоместок заради попреченост, според Судот, создава и нееднаков третман помеѓу лицата кои се наоѓаат во иста правна положба (сите се корисници на правото на надоместок заради попреченост), но едни можат да остварат право на финансиска поддршка, а други не можат, исклучиво заради возраста, стои во соопштението од Уставен суд.

Во декември 2022 година Уставниот суд го укина став 2 од членот 44 од Законот за социјална заштита, кој оневозможуваше лицата со попреченост над 65 години да остварат право на надоместок поради попреченост.

МИА претходно пишуваше за Законот за социјална заштита, конкретно за горенаведениот ограничувачки став за пристап и остварување на правото на надоместок заради попреченост кој содржеше нееднаквост, односно дискриминирачка одредба кон останатите лица кои го остваруваа ова право.

Се зголемува „Европскиот фронт“ на ДУИ

Се зголемнува Европскиот фронт на Ахмети.

. Денес Интергративците портпишаа договор за заеднички настап на изборите и со Движење на Турците за правда и демократија. Настанот кој се уште трае го следи Ивана Стојановска.

Што беше кажано на настанот?

Алонсо: Останувам во Леверкузен, тоа е вистинското место за мене

Чаби Алонсо ја потврди својата одлука да остане на чело на Баер Леверкузен. Така, тој ја пропушта можноста да ги преземе Ливерпул или Баерн Минхен, кои уште од летото го посакуваа во своите редови и влегоа во преговори со него.

Тој во принцип има договор со „аспирините“ до крајот на сезоната 2025/26. Според информациите во летото 2025 година во неговиот договор ќе биде активирана клаузула според која тој ќе може да замине како слободен агент.

Шпанецот моментално го води Баер до титулата во Бундеслигата, со солидна предност од 10 бода пред второпласираниот Баерн на осум кола до крајот. Одделно, тимот е во четвртфиналето на Лига Европа и е во полуфиналето на Купот на Германија.

Чаби Алонсо го води Леверкузен од октомври 2022 година.

притисни ентер