Литературна вечер посветена на академик Влада Урошевиќ приредена од Олга Панкина - Канал 5

Култура

Литературна вечер посветена на академик Влада Урошевиќ приредена од Олга Панкина

 Во организација на поетесата Олга Панкина - позната руска македонистка и преведувачка, во Москва, Русија, се одржа литературна вечер посветена на академик Влада Урошевиќ во рамки на нејзиниот отворен проект „Читаj jа Македониjа!”.

Литературна вечер посветена на академик Влада Урошевиќ приредена од Олга Панкина

Проектот што доследно го реализира од 2014 година, се покажал како многу успешен, појаснува Олга Панкина, која има преведено и препеано на руски околу 300 македонски автори – поетски, прозни, драмски, критичко-есеистички творби презентирани во рамките на антологиски избори, панорами и одделни објави.

-Ми се појави идеја да ги презентирам во Русија редовно, системски, во рамки на еден литературен проект. Го насловив „Читај ја Македонија!” Под тоа мото одржав многу литературни настани – промоции, книжевни разговори, омажи и изложби на книги, претставувајќи ја современата македонска литература како богата и разнолика – жанровски, стилски, тематски, генерациски. Во изминатите десет години jа претставив на разни терени и разни градови – најмногу секако во Москва и на најблиското подрачjе Подмосковjе, но и во градовите Внуково, Зеленоград, Долгопрудниј, подалеку – во Твер, Санкт-Петербург, Пjатигорск, Ханти-Мансијск, како и на помали места – на пример во станицата „Новопесковска” на Краснодарската покраина, вели Панкина која е посветена на популаризација на македонската култура во Русија.

Низ цела година таа одржува литературни и културни настани, а оваа година, вели, му е посветена на академик Влада Урошевиќ по повод неговото прогласување за добитник на „Златен венец” на Струшките вечери на поезијата за 2023 година и 90-годишнината од раѓањето.

На настанот Олга Панкина го претстави Влада Урошевиќ како поет, прозен автор, критичар, есеист, антологичар и преведувач. Неговото богатото творештвото, додава таа, им е познато на руските читатели благодарение на романите „Невестата на змеjот”, „Дива лига” и „Маџун”, на расказите „Сабја”, „Кукла”, „Вишнов ликер” и други.

Посебно во своето излагање таа се задржа на поетската збирка „Пејач во кулата” за која во 2017 година Влада Урошевиќ jа доби највисоката руска награда за поезија “Златен витез” и на поновата, насловена „Jужна sвезда”, која лани ја објави Центарот за книга „Рудомино”. Двете поетски книги се проследени со исклучителни колажи на авторот.

Олга Панкина го презентира и мартовскиот број на најреномираното руско списание „Иностранаја литература” чие мото е изреката “Запознај ги утрешните класици!” каде се објавени песни на Влада Урошевиќ во нејзин препев. Панкина напиша и кратка белешка за него како поет, изразувајќи надеж дека читателите и преку превод ќе jа почувствуваат убавината на поетскиот израз на овој голем македонски автор.

Таа најави дека во јунскиот број на „Иностранаја литература” ќе бидат претставени низа раскази на Влада Урошевиќ, а на есен исто така во нејзин превод ќе излезе од печат нова книга – избор раскази на Влада Урошевиќ. Таа го наслови „Дирижабл над поле со пченки”. Книгата, вели таа, ќе биде подарок на Влада Урошевиќ за роденденот, но пред се – на руските читатели кои високо го ценат неговото извонредно творештво.

Артисти на театарот „Город” на литературна вечер посветена на академик Урошевиќ рецитираа песни и извадоци од негвоите романи на македонски и на руски јазик.

Присутните на настанот му испратија на Влада Урошевиќ видеоснимката со честитки за јубилејот, наведува Панкина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Арсенал договори трансфер со англиски репрезентативец за 60 милиони евра

Арсенал се договори за трансферот на дефанзивецот на Астон Вила, Езри Конса, за околу 60 милиони евра, на што ќе бидат додадени бонуси. 

Арсенал договори трансфер со англиски репрезентативец за 60 милиони евра

Конса се збогуваше со своите соиграчи во среда, а во четврток треба да помине лекарски преглед. Клубот од Лондон бараше засилувања во одбраната поради повредите на Вилијам Салиба и Јуриен Тимбер.

Во понеделник, Конса се врати на подготовките на Вила по продолжениот одмор по Светското првенство. Арсенал, како што напиша „Атлетик“ минатиот петок, разгледуваше други опции во одбраната, а меѓу нив беше и дефанзивецот на Баер Леверкузен, Џарел Куанса. Конси има уште две години од договорот со Вила, кој го потпиша во септември 2023 година за пет години.

Тој игра за Англија

Дефанзивецот беше важен член на англиската репрезентација која стигна до полуфиналето на Светското првенство ова лето. Тој ги започна сите натпревари до полуфиналниот пораз од Аргентина (2:1), а во тој натпревар влезе во игра во 72-та минута. Тој играше главно во средината на одбраната, но ја покриваше и позицијата десен бек по суспензијата на Кванса, улога што ја играше и во Вила.

Со години, Конса беше клучен играч во тимот на Унаи Емери, кој редовно се натпреваруваше на врвот на Премиер лигата и во европските натпреварувања. Минатата сезона одигра 48 настапи, а Вила ја освои Лигата на Европа и заврши на четвртото место во првенството.

Во сезоната 2024/25 беше во почетниот состав за речиси сите натпревари на Вила во Лигата на шампионите, каде што клубот стигна до четвртфиналето и беше елиминиран од евентуалните победници Пари Сен Жермен. Откако пристигна од Брентфорд во 2019 година, тој одигра 286 натпревари за клубот.

Пораката на Артета за борбата за титулата

Потегот на Арсенал по повредата на грбот на Вилијам Салиба ја покажува намерата на Микел Артета да има доволно квалитетни опции на сите позиции за сезоната 2026/27. Менаџерот на Арсенал би можел да ги користи Кристијан Москера и Бен Вајт како замени за Салиба, но побавното закрепнување на Јуриен Тимбер од повредата на препоните веројатно ќе ја направи одбраната приоритет.

„Сакаме да го подобриме тимот и дополнително да го развиеме. Идентификувавме области каде што можеме да се зајакнеме и работиме на тоа“, рече Артета пред победата во Комјунити Шилд против Манчестер Сити.

Веста за интересот за Конса предизвика дискусија за тоа дали 28-годишниот стопер е потребен по таа цена, особено затоа што клубот бараше различни профили на дефанзивци на почетокот на преодниот рок. Сепак, инсистирањето на Конса покажува колку сериозно Артета ја сфаќа одбраната на титулата. Наместо помлад играч, тој избра друг искусен фудбалер од Премиер лигата кој лесно би требало да се вклопи во неговиот систем.

Тагови: Арсенал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Медведев збесна во Синсинати- настрада екранот со реклами (ВИДЕО)

Данил Медведев (30) отпадна од Мастерсот во Синсинати по драматичниот натпревар против Брендон Накашима. 

Медведев збесна во Синсинати- настрада екранот со реклами (ВИДЕО)

Американецот, 22-риот носител во светот, го победи четвртиот носител со 6-7(3), 7-6(4), 6-1 по два часа и 51 минута игра, иако спаси три последователни меч топки во вториот сет.

Мечот беше обележан со неколку испади од Медведев. Првиот се случи во првиот сет. По сервисот на Накашима, Русинот не успеа да ја фати топката, која се одби од LED рекламниот ѕид зад него и го удри во главата. Потоа Медведев го фрли својот рекет кон рекламниот екран, оштетувајќи го.

Го изгуби трпението по три промашени меч топки

Медведев успеа да се смири потоа. Накашима водеше со 5-2 во првиот сет и имаше четири сет топки, но Русинот се врати и го освои сетот во тај-брејк. Во вториот сет, Медведев водеше со 5:4 и 0:40 на сервисот на Американецот и стигна до три нерешени меч топки.

Накашима ги спаси сите. Првиот го реши со одење кон мрежата, вториот по промена од 18 шута, а третиот со сервис-волеј игра. Потоа Американецот го доби тај-брејкот со 7:4 и го одведе мечот до одлучувачкиот сет. Медведев повторно го изгуби трпението. Ги погоди рекламните екрани зад основната линија, а во еден момент ги преврте микрофоните до теренот.

Во третиот сет повеќе немаше неизвесност. Накашима двапати му го одзеде сервисот на Медведев и го комплетираше големиот пресврт со 6:1. Тоа беше негова прва победа над Русинот во нивната четврта средба.

Накашима игра одлично ова лето

„Кога се најдов на меч-поените, само си реков да продолжам да се борам за секој поен. Многу сум задоволен од нивото што го покажав во третиот сет“, рече Накашима по победата.

Американецот го игра најдобриот тенис во својата кариера. Тој пристигна во Синсинати по првото финале на Мастерс 1000 во кариерата, кое го освои во Монтреал, а претходно играше во полуфиналето во Вашингтон. Тој моментално е на најдобриот ранг во кариерата, 22-ро место, и има резултат од 10:2 на летната турнеја на тврда подлога во Северна Америка.

Во осминафиналето во Синсинати, тој ќе игра против Португалецот Нуно Борхес, кој го нокаутира Андреј Рубљов со 6:3, 6:4.

Тагови: Данил Медведев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Расте бројот на загинати во страшната сообраќајка во Бразил- камион преминал во спритивната лента и удрил во минибус (ВИДЕО)

Најмалку 23 лица загинаа, а четворица се повредени во челен судир меѓу минибус и камион на автопатот BR-373 во бразилската држава Парана, соопшти денеска операторот на патиштата Виа Араукарија во објава на социјалната мрежа X.

Расте бројот на загинати во страшната сообраќајка во Бразил- камион преминал во спритивната лента и удрил во минибус (ВИДЕО)

Сите жртви биле патници во минибусот, додаде Виа Араукарија.

Патот бил целосно блокиран по несреќата и немало проценка кога сообраќајот ќе се врати во нормала, соопшти операторот на патиштата.

Според прелиминарниот извештај од Федералната сообраќајна полиција на Бразил, повеќето од жртвите биле патници во минибусот, кој припаѓа на здравствената служба на општината Имбитува, град во истата област. Возачот на камионот, исто така, загинал во несреќата. Пет повредени лица биле спасени и однесени во болниците во Понта Гроса, објавува CNN Brasil.

Според првичните информации, камионот преминал во спротивната лента и се судрил челно со минибусот. Екипите во моментов го истражуваат местото на настанот и ги отстрануваат возилата за да соберат докази и да ги утврдат точните околности и текот на несреќата.

Камионот се движел од Карамбеј до Прудентонополис, додека минибусот се движел од Имбитува до болниците во пошироката област Куритиба. Според информациите од Федералната сообраќајна полиција, камионот имал регистарски таблички од градот Ересао, на север од државата Рио Гранде до Сул.

На местото на несреќата интервенираат припадници на Цивилната полиција, Федералната сообраќајна полиција, службата за итни случаи SAMU, форензичката полиција, противпожарната служба, како и екипи од концесионерот што управува со патот.

Тагови: Бразил камион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер