Литературна манифестација „Денови на македонска литература за деца 2023“во КИЦ на РСМ во Загреб - Канал 5

Култура

Литературна манифестација „Денови на македонска литература за деца 2023“во КИЦ на РСМ во Загреб

Во Културно информативниот центар на Македонија во Загреб денеска ќе се одржи литературната манифестација „Денови на македонска литература за деца 2023“.

Литературна манифестација „Денови на македонска литература за деца 2023“во КИЦ на РСМ во Загреб

На манифестацијата ќе биде презентирана монографијата и литературата за деца како императив во десетгодишното работење на „ЕДУКА МАК“, а ќе бидат промовирани неколку понови книги за деца. Како што е најавено, обраќање ќе има директорката на КИЦ на РСМ во Загреб, Наталија Поповска и програмскиот уредник на проектот, Ели Маказлиева.

Книгата за деца „Во светот на децата“ избрана на конкурсот за наградата „ Пишувалки – Патувалки“ ќе биде промовирана од страна на дел од членовите на жири комисијата присутни на настанот, а на авторката Марија Богатиновска ќе ѝ биде врачена плакета. На другите учесници и соработници во проектот ќе им бидат доделени признанија и благодарници.

Програмата за оваа манифестација е богата со настани и програмски активности што ќе се реализираат и во текот на наредниот ден на 1о.11.2023.

Во рамки на манифестацијата, која ќе трае до 11 ноември, меѓу другото учесниците ќе посетат една детска градинка и ќе разменат искуства за користење на литературата за деца, ќе го посетат Македонското културно друштво „Охридски бисер“ и ќе разменат искуства како и ќе остварат средби со хрватски издавачки куќи на Меѓународниот саем на книгата „Интерлибер“, каде ќе реализираат меѓусебни договори за размена и превод на книги за деца.

Како што соопштија организаторите, преку проектот „Денови на македонска литература за деца 2023“ во КИЦ на РМ во Загреб се афирмира домашното литературно творештво и се придонесува за збогатувањето на културната размена меѓу Македонија и Хрватска. За таа цел планирано е да се потпише Меморандум за меѓусебна соработка до цел размена на лиценци и превод на книги за деца на хрватски и македонски јазик.

Проектот е поддржан од македонското Министерство за култура и од издавачката куќа ЕДУКА МАК од Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски дрон погоди мост на реката Днепар во Запорожје

Пет лица се повредени, а сообраќајот беше привремено запрен по рускиот напад врз мост на реката Днепар во Запорожје.

Руски дрон погоди мост на реката Днепар во Запорожје

Оваа информација на „Телеграм“ ја соопшти Михајло Семикин, вршител на должноста началник на Регионалната воена управа на Запорожје.

Според најновите информации, во нападот се повредени две жени на возраст од 24 и 59 години и тројца мажи на возраст од 36, 43 и 54 години. Двајца од мажите – на возраст од 43 и 54 години – се вработени во Црвениот крст кои биле нападнати додека оделе на работа.

Првичните извештаи укажуваат дека тие биле хоспитализирани со полесни повреди. Сите повредени добиваат медицинска помош.

Семикин потврди дека сообраќајот на мостот е ограничен. „Непријателот нападна еден од мостовите преку реката Днепар во Запорожје.

Поради нападот, сообраќајот на мостот е привремено ограничен“, се наведува во соопштението. Жителите на Запорожје се повикани да ги прилагодат своите планови за патување со оглед на сообраќајните ограничувања и да ги следат официјалните соопштенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нов случај „Лотарија“: Две вработени уапсени за проневера од 1,3 милиони евра

Две вработени во Државна лотарија вчера се приведени под сомнение за проневера на околу 80 милиони денари или околу 1,3 милиони евра.

Нов случај „Лотарија“: Две вработени уапсени за проневера од 1,3 милиони евра

Двете вработени неофицијално биле во секторот финансии, а сомнежите се однесуваат на начинот на кој биле евидентирани и движени парите од уплатните места за игри на среќа.

Парите од уплатните места требало да бидат евидентирани и уплатени како дневен промет, но сомнежот е дека дел од средствата фактички ги немало, иако сметководствено состојбите биле затворани.

Се истражува дали со фиктивна документација биле прикажувани исплати и добивки, како и дали пари биле префрлани од една на друга сметка за финансиски да се затвораат обврските.

Дејствијата што се истражуваат започнале од 1 јануари 2024 година. Повеќе информации од обвинителството се очекуваат во текот на денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски ќе се обрати на презентацијата на новиот извештај на Светска банка „Македонија: Излез од стапицата на среден доход“

Премиерот Христијан Мицкоски денеска ќе присуствува и ќе има обраќање на презентацијата на новиот извештај на Светска банка „Македонија: Излез од стапицата на среден доход“.

Мицкоски ќе се обрати на презентацијата на новиот извештај на Светска банка „Македонија: Излез од стапицата на среден доход“

Овој документ на Светска банка се однесува на економските предизвици и можностите за забрзување на економскиот раст, спроведувањето на потребните реформи, со акцент на подобрување на управувањето и конкурентноста, поттикнување на инвестициите, технологијата и иновациите, како и развој на вештините и подобро искористување на работната сила.извештајот вчера беше презентиран пред пратениците во собранието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер