Лиски, галеби и корморани се најзастапените дојрански водни птици, кои ја задржале бројноста во последните пет години - Канал 5

Живот

Лиски, галеби и корморани се најзастапените дојрански водни птици, кои ја задржале бројноста во последните пет години

 За приближно 2.000 единки, во споредба со минатата година, нараснал бројот на водни птици, чие редовно живеалиште преку зимата им е Дојранското Езеро.

Лиски, галеби и корморани се најзастапените дојрански водни птици, кои ја задржале бројноста во последните пет години

За приближно 2.000 единки, во споредба со минатата година, нараснал бројот на водни птици, чие редовно живеалиште преку зимата им е Дојранското Езеро, покажаа резултатите од годинешниот зимски попис на птици изработен под водство на Македонското еколошко друштво (МЕД).

Од таму додаваат дека вкупно 6.209 водни птици се избројани во Дојран, а како и во изминатите години, најзастапени се лиските, галебите и кормораните и по нив по бројност следуваат разни видови нуркачи и патки.

Зимскиот цензус или пребројувањето на водните птици, што се спроведува на меѓународно ниво, секоја година се реализира на трите природни езера во Македонија - Дојранското, Преспанското и Охридското Езеро.

- Македонското еколошко друштво го координира и спроведува пребројувањето во земјата од 2010 година наваму, а ова беше 17-то по ред во Македонија како дел од глобалната програма, што веќе 60 години се реализира во 189 земји и територии - вели за МИА, Данка Узунова, орнитолог и проектен координатор во Македонското еколошко друштво.

Во процесот учествуваат и соработници од Националниот парк „Галичица“, Паркот на природата „Езерани“, Друштвото за заштита и зачувување на природната средина од Албанија (PPNEA), Друштвото за заштита на Преспа (SPP) и Националниот парк „Езеро Керкини“ од Грција.

Во последните пет години бројката и застапеноста на видовите птици што презимуваат на Дојранското Езеро варирала со послаб интензитет за разлика од другите две езера, а најчести фактори поради кои се случуваат промените, според сознанијата на еколозите од МЕД, се промени на нивото на водата, присуството на ловџии на водни птици, како и наглите локални климатски промени.

- При годинешното пребројување, како и во претходните години, повторно забележавме промени во крајбрежјето на северозападниот дел од Дојранското Езеро. Таму се случува зафаќање на земјиштето во непосредната близина на водата, кое потоа се претвора во земјоделска површина. Овие активности најчесто подразбираат сечење на трската покрај крајбрежјето, која служи за засолниште и гнездилиште за многу видови птици и за други животни, што може да влијае на водните живеалишта - вели Узунова.

Оваа година пребројувањето го извршиле десетмина научници и орнитолози, како и волонтери и членови на Македонското еколошко друштво. Интересот за учество од година на година расте, што е охрабрувачки и важен показател дека оваа теренска работа се препознава и вреднува - смета Узунова.

- Оваа активност на меѓународно ниво во својата суштина е волонтерска и претставува добар пример за граѓанска наука. Иако станува збор за стандардизирана научна методологија, нејзиното спроведување во голема мера се потпира и на вклученоста на волонтери и луѓе што сакаат активно да придонесат. Во текот на овој процес работевме поделени во два тима, така што искусните членови ги водеа набљудувањата и идентификацијата на видовите, а другите активно учествуваа во бележењето и поддршката на работата. Тоа создава динамика во која секој учи, но и придонесува - нагласува Узунова.

Годинава на овие три езера беа попишани над 35.300 единки од 44 разни видови водни птици. Важноста на пописот на водните птици, според еколозите, е во тоа што претставува корисна алатка за да се детектираат промени во состојбата на водните подрачја поради губење живеалишта, промена во водните режими, загадување и климатски промени за да може да се даде рано предупредување за влошување на состојбата на водните живеалишта, а со тоа и на биодиверзитетот.

Тагови: Дојранското Езеро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Зеленски за прв пат доаѓа во Србија

Украинанскиот претседател Володимир Зеленски треба да пристигне во Србија на 8 август на својата прва посета.

Зеленски за прв пат доаѓа во Србија

Оваа информација беше потврдена за Киев Индепендент од висок украински функционер, пишува Киев Индепендент.

Посетата се смета за симболично важна бидејќи Србија традиционално одржува блиски односи со Русија. Од почетокот на руската инвазија на Украина во 2022 година, Белград се обидува да ги балансира своите врски со Москва и односите со Западот.

Дипломатски односи

Русија историски е еден од клучните дипломатски сојузници на Србија, а земјата е исто така во голема мера зависна од рускиот природен гас. Српскиот претседател Александар Вучиќ присуствуваше на воената парада за Денот на победата во Москва минатата година, но оваа година не присуствуваше на церемонијата.

Во исто време, Вучиќ ја оствари својата прва официјална посета на Украина во јуни 2025 година и учествуваше на самитот Украина-Југоисточна Европа во Одеса. Тој повторно беше во Киев на 15 јули оваа година како дел од делегација на европски лидери по повод Денот на државноста на Украина.

Според некои извештаи, Србија индиректно ја снабдувала со оружје Украина, но Вучиќ јавно ги негираше овие тврдења во мај 2025 година.

Извор: Индекс.хр

Тагови: Володимир Зеленски Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Заборавете ги џиновските екрани и вештачката интелигенција – возачите го сакаат ова

Што најмногу сакаат купувачите кај нов автомобил? Греењето на седиштата е на прво место.

Заборавете ги џиновските екрани и вештачката интелигенција – возачите го сакаат ова

Производителите на автомобили сè повеќе инвестираат во напредни технологии и дигитални системи, но истражувањето на „AutoPacific“ покажува дека купувачите сè уште најмногу ги ценат практичните карактеристики што ги користат секој ден.

Во анкета спроведена меѓу повеќе од 19.000 возачи кои планираат да купат автомобил во следните три години, дури 47 проценти од испитаниците рекле дека греењето на седиштата е нивната најпосакувана опрема во ново возило, пишува „Motor1“.

Веднаш зад него се предните и задните сензори за паркирање (45%) и автоматското сопирање при возење наназад (44%).

Исто така, голем интерес постои за електрично прилагодливи предни седишта, помош при промена на лента, адаптивен темпомат со одржување на лента, предупредување за возила што се приближуваат од страна при излегување од паркинг место, безжично полнење на телефон и вградена камера.

На листата на најбарани опции се наоѓа и погон на сите тркала, што е важно за 39 проценти од испитаниците.

Анкетата, исто така, покажа дека возачите сè повеќе им веруваат на напредните системи за помош. Дури 62 проценти од испитаниците изјавиле дека немаат проблем да го остават својот автомобил да извршува одредени задачи, како што се задржување на возилото во лента или автоматско паркирање. Ова е повеќе отколку во претходните години, што покажува дека довербата во современите безбедносни технологии продолжува да расте.

Извор: Б92

Фото: ВИ

Тагови: греење на седишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија воведува ограничувања: Стотици населби под највисоко ниво на предупредување

Екстремната топлина и ниското ниво на водата на Дунав предизвикаа проблеми со водоснабдувањето во Унгарија. Ограничувања на водата се воведени во повеќе од 600 населби.

Унгарија воведува ограничувања: Стотици населби под највисоко ниво на предупредување

Екстремна суша и долготраен топлотен бран сè повеќе ја погодуваат Унгарија, каде што ограничувања на водата за пиење се воведени во стотици населби. Властите предупредуваат дека последиците од високите температури не влијаат само на водоснабдувањето, туку и на енергетската инфраструктура.

Според унгарската влада, мерки од прво ниво се воведени во 465 населби, мерки од второ ниво на 151 место, додека најстрогите ограничувања се на сила во 13 населби.

Ниското ниво на водата на Дунав е особено загрижувачко. Нивото на реката во Пакш се спушти на само 135 сантиметри, поради што властите преземаат дополнителни мерки за да обезбедат стабилно работење на нуклеарната централа Пакш.

Дополнителни лебдечки пумпи се инсталирани на пумпните станици, додека резервни единици се распоредени во пристаништето и на копно за да се обезбеди непречено ладење на објектите.

Работната група за одбрана ја разгледува состојбата со снабдувањето со енергија и последиците од недостигот на вода, додека метеоролозите предвидуваат дека екстремните температури ќе продолжат.

Највисокото предупредување за топлотен бран, ниво три, би можело да остане на сила, а нов бран на екстремна топлина се очекува од 6 до 11 август.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер