Лион избегна исклучување од Лигата на Европа поради финансиски проблеми - Канал 5

Фудбал

Лион избегна исклучување од Лигата на Европа поради финансиски проблеми

Францускиот фудбалски прволигаш Лион избегна исфрлање од Лигата на Европа. УЕФА официјално објави дека условната дисквалификација изречена поради финансиските проблеми на клубот е укината. 

Лион избегна исклучување од Лигата на Европа поради финансиски проблеми

Лион, кој го освои шестото место по групната фаза и избори директен пласман во осминафиналето во Лига Европа, можеше да биде дисквалификуван од понатамошното учество на турнирот.

- Во декември 2024 година, поради неусогласеност на финансиските извештаи беше одлучено да се исклучи Лион од клупските натпреварувања на УЕФА за сезоната 2024/25, доколку клубот не ги среди проблемите до 30 јануари 2025 година.

Лион ги презеде потребните мерки и ги исполни наведените услови во наведената временска рамка. Како резултат на тоа, избегна дисквалификација. Лион и натаму ќе биде подложен на темелно следење на неговата усогласеност со барањата за финансиска одржливост во согласност со УЕФА за лиценцирање клубови и регулативи за финансиска одржливост, се вели во соопштението на УЕФА.

За потсетување, во ноември минатата година се дозна дека Лион се соочува со исклучување од Лига 1 поради долг од 505,1 милиони евра доколку седумкратниот француски шампион не ја поправи ситуацијата до лето./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Охридско лето“ со четири џез-вечери отвора ново музичко поглавје

Прекрасна музичка вечер исполнета со раскошен звук, енергија и препознатливиот македонски музички сензибилитет донесе настапот на Националниот џез оркестар во рамките на 66. издание на фестивалот „Охридско лето“.

„Охридско лето“ со четири џез-вечери отвора ново музичко поглавје

На сцената Долни Сарај, оркестарот ги претстави новите аранжмани на македонски народни песни, како и оригинални авторски композиции инспирирани од македонската фолклорна традиција. Концертот „Македонски сновиденија“, под диригентство на Владимир Николов, беше енергична фузија на традиционалниот македонски фолклор и современиот џез, а специјален гостин беше врвниот трубач Питер Сомуа од Гана.

Посебно место во програмата имаше новиот аранжман на познатата македонска народна песна „Билјана платно белеше“, изработен по иницијатива на компанијата А1 Македонија, генерален спонзор на „Охридско лето“. Аранжманот е на пијанистот Гордан Спасовски, а нејзината нова џез-верзија беше уште еден впечатлив пример за современо интерпретирање и оживување на македонското музичко наследство.

Директорот на НУ „Охридско лето“, Ѓорѓи Цуцковски, истакна дека воведувањето на програмата „OH JAZZ“ претставува природно проширување на фестивалската понуда и одговор на интересот на публиката за различни музички жанрови.

-Сакавме да внесеме дополнителна динамика во програмата и да отвориме простор за современи музички изрази и нова публика, без притоа да го нарушиме основниот концепт и идентитет на „Охридско лето“. Новитет годинава е блокот од четири џез-вечери, на кои настапуваат и светски музичари. Големиот интерес на публиката, за дел од концертите и барањето карта повеќе, ни покажуваат дека „Охридско лето“ има простор да се развива, без да го изгуби својот препознатлив уметнички израз. Во иднина планираме понатамошно развивање и надградување на оваа програма, со гостувања на врвни светски имиња од џез-уметноста“, рече Цуцковски.

Според директорот на Националниот џез оркестар, Гоце Стевковски, присуството на различни музички жанрови дополнително го збогатува значењето и уметничкиот квалитет на фестивалот.

-„Охридско лето“ не е само најголемиот фестивал во Македонија, туку има поинакво реноме и во регионот. Затоа е важно џезот да биде присутен на овој фестивал. Со поголемата застапеност на џез-музиката само се зголемува шаренилото на различни жанрови во музиката“, вели Стевковски.

Националниот џез оркестар, еден од водечките биг-бенд состави во регионот, обединува врвни домашни џез-музичари и меѓународно признати гости-уметници. Со иновативната програма и бројните распродадени настапи, оркестарот изгради препознатливост како национален џез-бренд.

Ден претходно џез-програмата на „Охридско лето“ започна со концертната премиера на „Orthodoxia Kai Thanatos“ на Крсте Роџевски, реализирана во црквата „Света Софија“. Македонскиот пејач, гитарист и композитор, кој повеќе од две децении е дел од авангардната њујоршка „даунтаун“ сцена, пред охридската публика го претстави своето најново музичко остварување, засновано на византиско пеење и збогатено со експериментални и фри-џез елементи.

Со Роџевски настапија Христијан Моневски и Дамјан Палоски на вокален исон, како и Андреа Мирческа и Оливер Јосифовски на контрабас – инструментален исон.

Творештвото на Роџевски е препознаено од најзначајните имиња на њујоршката експериментална и импро-џез сцена, со соработки со Бил Ласвел, Томика Рид, Крис Дејвис, Икуе Мори, Мери Халворсон, Ингрид Лауброк, Џеф Паркер, Никол Мичел, Кен Вандермарк и други. Неговите албуми добиваат одлични критики во реномирани музички изданија, а „The Rabbit and the Fallen Sycamore“ беше вброен меѓу најдобрите албуми на 2018 година според списанието DownBeat.

Во рамките на новата програма „Џез вечери“ настапија и „Дине Донеф трио“ со проектот „Storytales“, имагинарна песнарка од балади, приспивни песни, приказни и обредни мотиви, инспирирани од македонското народно поетско наследство, а фестивалската публика ќе има можност да ужива и во настапите на Нубаја Гарсија, Питер Сомуа и бендот Kiioto.

Со четирите џез-вечери, „Охридско лето“ оваа година отвори ново музичко поглавје, создавајќи простор за нови уметнички соработки, различни музички искуства и нова фестивалска публика.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност и температури до 35 степени

Времето денес според Управата за хидрометеоролошки работи ќе биде сончево со мала до умерена локална облачност.

Сончево со мала до умерена локална облачност и температури до 35 степени

Во јужните делови наместа ќе има зголемена облачност и услови за краткотраен пороен дожд и појава на ретки грмежи. Ќе дува слаб до умерен ветер од североисточен правец. Максималната температура ќе биде во интервал од 28 до 35 степени.

Во Скопје, сончево со мала облачност. Ќе дува слаб до умерен ветер од северен правец. Максималната температура ќе достигне до 34 степени.

КОЛИЧИНА НА ВРНЕЖИ за изминатите 24 часа до 08 часот во (l/m2)

12 Претор, 3 Демир Капија, 2 Берово, 1 Битола, Гевгелија.

-Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Разорен земјотрес од 7,7 степени го погоди источниот дел од Индонезија, десетици загинати

Најмалку 20 луѓе загинаа, шест се повредени, а две лица се водат како исчезнати по силниот земјотрес со магнитуда од 7,7 степени што утрово ја погоди источна Индонезија.

Видео: Разорен земјотрес од 7,7 степени го погоди источниот дел од Индонезија, десетици загинати

Земјотресот го погоди подрачјето во близина на островот Флорес во 5:58 часот по локално време, на длабочина од околу 10 километри, а епицентарот беше 68 километри северозападно од градот Енда во покраината Источна Нуса Тенгара.

По главниот удар, регистрирани се неколку последователни потреси, вклучувајќи еден со интензитет од 6,1 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер