Лидерски состанок на Коалицијата на подготвените за поддршка на Украина во Париз - Канал 5

Европа

Лидерски состанок на Коалицијата на подготвените за поддршка на Украина во Париз

Во најавата на состанокот, Елисејската палата посочи дека Франција конкретно ја поддржува Украина за зајакнување на нејзината отпорност и за да се подготви за својата иднина во Европа.

Лидерски состанок на Коалицијата на подготвените за поддршка на Украина во Париз

Францускиот претседател Емануел Макрон и британскиот премиер Кир Стармер денеска во Париз ќе бидат кодомаќини на средба на лидерите на земјите членки на Коалицијата на подготвените за поддршка на Украина, на кој главна тема ќе бидат безбедносните гаранции за Киев, како „неопходен услов за секој траен мир“.

Во најавата на состанокот, Елисејската палата посочи дека Франција конкретно ја поддржува Украина за зајакнување на нејзината отпорност и за да се подготви за својата иднина во Европа.

- Ја потврдуваме нашата посветеност на праведен, целосен и траен мир во Украина. Предуслов за овој мир мора да бидат цврсти безбедносни гаранции, обезбедени од членовите на Коалицијата, се наведува во најавата.

Европскиот совет, пак, соопшти дека на состанокот ќе бидат разгледани тековните напори за воспоставување рамка за праведен и траен мир во Украина, за унапредување на безбедносните гаранции и за утврдување на следните чекори за понатамошна поддршка на земјата.

Минатиот месец Европскиот совет се согласи да обезбеди заем од 90 милијарди евра за Украина за покривање на нејзините финансиски потреби за 2026 и 2027 година, која позајмица ќе биде вратена само откако Русија ќе му исплати на Киев компензации за штетата предизвикана од нејзината агресија.

На состанокот во Париз, меѓу останатите лидери ќе учествуваат и претседателот на Европскиот совет, Антонио Кошта, претседателката на Европската комисија, Урсула фон дер Лајен и генералниот секретар на НАТО, Марк Руте.

Како што информира главната портпаролка на Европската комисија, Паула Пињо на денешната средба ќе бидат разгледаат резултатите од состанокот на советниците за национална безбедност на членките на Коалицијата на подготвените, што минатиот викенд се одржа во Украина.

- Работата ќе продолжи особено во врска со безбедносните гаранции. Тие ќе бидат претставени и лидерите ќе дискутираат по нив. Немам што повеќе да кажам во врска со ова, но сигурно е дека има напредок, рече Пињо на вчерашната прес-конференција во Европската комисија.

Запрашана дали ЕУ планира да го следи примерот на САД и да даде посебни безбедносни гаранции на Украина или ќе се приклучи кон гаранциите на Коалицијата на подготвените, Пињо рече дека не е тајна оти Унијата секогаш и дава безбедносни гаранции на земјата.

- Постои една многу јасна безбедносна гаранција, а тоа е перспективата за пристапување на Украина во ЕУ. Тоа е понуда независно од она што го нуди Коалицијата, додаде Пињо.

Коалицијата на подготвените обединува 35 држави кои работата на поддршка на Украина, ставање крај на војната и враќање на мирот. Цел на Коалицијата е да се обезбеди континуирана воена помош за Украина, да се гарантира нејзиниот суверенитет во секој иден мировен договор и да се зајакнат украинските одбранбени способности во време на мир.

Тагови: ЕУ украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарите се шират на југот на Франција, стотици пожарникари на терен

Пожарите и натаму се шират во неколку француски департмани, особено на југот од земјата, каде што стотици пожарникари продолжуваат да се борат со огнената стихија.

Пожарите се шират на југот на Франција, стотици пожарникари на терен

Во департманот Буш Ди Рон околу 150 пожарникари и денес интервенираат на повеќе локации, а противпожарната служба предупреди дека ризикот од нови пожари останува исклучително висок.

Поради сериозната опасност, властите целосно го забранија пристапот, движењето и работата во 11 шумски подрачја. Префектот на регионот Прованса-Алпи-Азурен Брег соопшти дека мерката е воведена поради „многу висок ризик“ од избувнување и ширење на пожари.

Ситуацијата дополнително ја отежнува силниот ветер, кој во областите Алпи, Камарг и Кро достигнува брзина до 65 километри на час

Францускиот министер за внатрешни работи, Лоран Нунјез, изрази сериозна загриженост, истакнувајќи дека сезоната на пожари започнала околу еден месец порано од вообичаено.

Тагови: пожари Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Пејачката Тејлор Свифт официјално му кажа „да“ на Тревис Келси, а целиот настан беше организиран во најголема тајност.

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Селена Гомез, Џиџи Хадид и Бредли Купер беа меѓу последните гости што ја напуштија церемонијата на двојката во Медисон Сквер Гарден околу 1 часот по полноќ, објавува Page Six.

Најблиските пријатели на пејачката - вклучувајќи ја нејзината најдобра пријателка од детството Абигејл Андерсон, Селена Гомез, Џиџи Хадид и Ед Ширан - исто така беа дел од овој гламурозен настан.

Познатите личности го напуштаа „Медисон Сквер Гарден“ во различни периоди во текот на вечерта. Том Брејди беше еден од првите славни гости што си заминаа порано, а по него замина и Џорџ Стефанопулос.

Една од најголемите мистерии поврзани со свадбата на Тејлор Свифт и Тревис Келси беше разрешена веднаш откако тие го кажаа судбоносното „да“, а таа се однесуваше на изборот на венчаницата и костумите за младенците.

Списанието „Пипл“ дознава дека и невестата и младоженецот носеле уникатни креации од модната куќа „Кристијан Диор Хаутр“ за нивниот голем ден.

Нивните свадбени фустани биле дизајнирани од Џонатан Андерсон, кој тесно соработувал со двојката на нивниот изглед.

Венчаницата на Тејлор е особено значајна бидејќи претставува прва високомодна венчаница што Андерсон ја создал за светски позната ѕвезда.

Своите свадбени комбинации ги заокружија со чевли изработени по мерка од модната куќа „Кристијан Лубутен“, додека Тејлор го комплетираше изгледот со накит од куќата „Картије“. Иако обожавателите со месеци шпекулираа каква венчаница ќе носи Тејлор, одговорот конечно пристигна од една од најпрестижните модни куќи во светот, преку уникатна креација на „Диор“, изработена специјално за најочекуваниот моден момент во нејзиниот живот.

Тагови: Тејлор Свифт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Побезбедни и поуредени населби – се обновуваат детските и спортските игралишта во Општина Аеродром

Општина Аеродром продолжува со засилено темпо да ги обновува детските и спортските игралишта низ сите населби, со што се добиваат безбедни, уредени и современи простори за игра, рекреација и дружење.

Побезбедни и поуредени населби – се обновуваат детските и спортските игралишта во Општина Аеродром

Паралелно со санацијата на игралиштата, се реализира и обнова на урбаната опрема, со што јавните површини стануваат пофункционални, поуредени и попријатни за користење од страна на сите генерации.

Со секој реализиран проект, Општина Аеродром создава подобри услови за секојдневниот живот на граѓаните, инвестирајќи во јавна инфраструктура што придонесува за поквалитетно и побезбедно урбано живеење.

Целта е Аеродром да биде општина во која децата безгрижно играат, младите активно спортуваат, а семејствата уживаат во чиста, уредена и современа животна средина.

Општина Аеродром останува посветена на континуирано унапредување на јавниот простор и ќе продолжи со реализација на вакви проекти во секоја населба, затоа што грижата за јавниот простор претставува инвестиција во квалитетот на животот на сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер