Лидерите на партиите во ЕП бараат конкретна и опиплива поддршка од ЕУ за Гренланд и Данска - Канал 5

Македонија

Лидерите на партиите во ЕП бараат конкретна и опиплива поддршка од ЕУ за Гренланд и Данска

Европскиот парламент стои цврсто во поддршка на мултилатерализмот и меѓународниот поредок заснован на правила и секој обид за поткопување на суверенитетот и територијалниот интегритет на Данска и Гренланд го смета за кршење на меѓународното право.

Лидерите на партиите во ЕП бараат конкретна и опиплива поддршка од ЕУ за Гренланд и Данска

Европскиот парламент стои цврсто во поддршка на мултилатерализмот и меѓународниот поредок заснован на правила и секој обид за поткопување на суверенитетот и територијалниот интегритет на Данска и Гренланд го смета за кршење на меѓународното право и Повелбата на Обединетите нации, се наведува во заедничката изјава на Конференцијата на претседатели на ЕП.

- Европскиот парламент ги повикува Европската комисија и Европскиот совет да дефинираат конкретна и опиплива поддршка за Гренланд и Данска, почитувајќи ги принципите и правото на ЕУ, меѓународното право и Повелбата на НАТО, се додава во изјавата на Конференцијата на претседатели, што ја сочинуваат претседателката на Европскиот парламент, Роберта Мецола и лидерите на осумте пратенички групи во ЕП.

Првите луѓе на групите во Европскиот парламент нагласуваат дека „недвосмислено ги осудуваат изјавите“ дадени од Администрацијата на американскиот претседател Доналд Трамп во врска со Гренланд, кои претставуваат „очигледен предизвик за меѓународното право, за принципите на Повелбата на ОН и за суверенитетот и територијалниот интегритет на сојузник на НАТО“.

- Ваквите изјави се неприфатливи и немаат место во односите меѓу демократските партнери, се нагласува во изјавата изададена по синоќешниот состанок на Конференцијата на претседатели на кој присуствуваше и високата претставничка на ЕУ за недворешни работи и безбедносна политика Каја Калас.

Во изјавата се додава дека безбедноста на Арктикот е стратешки приоритет за Европската Унија и Европарламентот е цврсто посветени на нејзина заштита.

- Арктичката стратегија на ЕУ оди подалеку од обични безбедносни грижи и нашата посветеност да го зајакнеме одржливиот развој и соработката со граѓаните на регионот е непоколеблива. Кралството Данска, вклучувајќи го и Гренланд, е членка на НАТО и е целосно покриена со колективните безбедносни гаранции на Алијансата. Европскиот парламент ќе продолжи да ги зајакнува европските одбранбени капацитети и да обезбеди земјите членки на ЕУ да ги почитуваат своите обврски кон НАТО, вклучително и преку одржливи инвестиции во одбраната и силно присуство во арктичкиот регион, посочуваат лидерите на ЕП.

Тие додаваат дека безбедноста на Арктикот е гарантирана во рамките на НАТО, а Данска има договори со клучните партнери, вклучувајќи ги и САД, за заштита на регионот.

- Одлуките што се однесуваат на Данска и Гренланд им припаѓаат само на Данска и Гренланд, во согласност со релевантните уставни аранжмани и договори меѓу Данска и Гренланд, се вели во изјавата.

Во неа се потсетува дека во 1916 година, САД преку договор со Данска го потврдија целосниот дански суверенитет над Гренланд.

- Со овој договор, САД признаа дека целиот Гренланд со право претставува данска територија. Надворешните обиди за промена на статусот кво се неприфатливи, се додава во изјавата на Конференцијата на претседателите на ЕП.

Тагови: Гренланд ЕП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Секси мајка: Дилет изгледа неверојатно по породувањето

Една од најибавите телевизиски водителки на светот, атрактивната Италијанка, Дилета Леота го официјализираше враќањето кон својот препознатлив провокативен изглед на својот Инстаграм профил.

Секси мајка: Дилет изгледа неверојатно по породувањето

Нејзините следбеници беа изненадени и не можеа да поверуваат дека таа се врати во топ форма толку брзо по породувањето.

Една од најибавите телевизиски водителки на светот, атрактивната Италијанка, Дилета Леота го официјализираше враќањето кон својот препознатлив провокативен изглед на својот Инстаграм профил.

Италијанската спортска водителка се породи пред три недели и донесе син на свет. Таа веќе има ќерка со сопругот, германскиот голман Лорис Кариус.

Дилета, која многумина ја сметаат за една од најатрактивните жени во светот, објави фотографија на која лежи на кауч во црна облека.

Носеше облека што личи на костим за капење. Нејзините следбеници беа изненадени и не можеа да поверуваат дека толку брзо се вратила во врвна форма по породувањето.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ирина Шајк зрачи со сексипил

Познатата руска манекенка, Ирина Шајк, повторно ги излуди сите на социјалните мрежи. 

Фото: Ирина Шајк зрачи со сексипил

Како да не беше доволно нејзиното претходно појавување на Мет Гала кога се појави речиси гола и ви го одзеде здивот.

Овој пат, убавата Русинка објави серија фотографии од разни настани, меѓу кои се издвои онаа на која Ирина позира во едноставно бикини.

Сè почесто кога ја гледаме во вакви публикации, имаме и можност да се увериме дека моделот обожава едноставност.

А сега се одлучи за „обично“ бикини, но доволно мало и провокативно за повторно сите да зборуваат за нејзиното тело, наместо за моделот.

„Кралица“, „Ти си најубавата жена на светот“, „Гориш“, „Толку едноставна и единствена“, „Сјаеш, жено“, беа само дел од коментарите.

Тагови: ирина шајк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Македонско еколошко друштво: Во полн ек се теренските истражувања на дивиот свет во Преспа

Преспанскиот Регион претставува вистинска лабораторија на отворено, што јасно го потврдуваат и тековните теренски истражувања на биолошката разновидност кои Македонското еколошко друштво ги спроведува во соработка со локалните заштитени подрачја.

Македонско еколошко друштво: Во полн ек се теренските истражувања на дивиот свет во Преспа

Преспанскиот Регион претставува вистинска лабораторија на отворено, што јасно го потврдуваат и тековните теренски истражувања на биолошката разновидност кои Македонското еколошко друштво ги спроведува во соработка со локалните заштитени подрачја како дел од проектот „Иницијатива за зелена и сина Преспа“, финансиран од Европската Унија во рамки на програмата „ЕУ за Преспа“.

Долж крајбрежјето на Преспанското Езеро е веќе отпочнат мониторингот на повеќе видови птици, вклучувајќи ги големиот северен нуркач, белиот пеликан и секако кадроглавиот пеликан - како еден од најрепрезентативните симболи на Преспа. Овие истражувања овозможуваат континуирано следење на состојбата со нивните популации и навремено препознавање на потенцијалните закани со кои се соочува живиот свет во езерскиот екосистем.

Особено внимание се посветува и на влажните живеалишта и нивните жители. Во фокусот на истражувањата се македонскиот мрморец, жолтиот мукач и блатната желка - клучни видови чиј мониторинг дава значајни информации за состојбата со влажните екосистеми, кои сè почесто се изложени на притисоци од климатските промени и човековитеактивности.

Островот Голем Град продолжува да го привлекува вниманието на меѓународната научна јавност. Здружен тим на истражувачи од Македонија, Србија, Грција и Франција учествуваа во годишните студии на неколку видови влекачи, меѓу кои змиите- рибарки, поскокот и шумската желка. „Овогодинешните истражувања укажуваат на позитивните ефекти на необично влажната пролет, видливи не само во нивото на езерската вода и во снежните покривки на високите падини на Галичица и Пелистер, туку и во големиот број на заловени и обележани животни на Голем Град (>500). Меѓу другото, за прв пат по многу години успеавме да обележиме голем број на бебиња и млади шумски желки. Тие се поактивни од вообичаено заради обилната храна во интензивната зелена пролетна покривка на островот. Ова навидум нуди надеж за оваа популација на која и се ближи истребување, но сепак, најверојатно е само резултат на влажната пролет, додека пак малиот број на јајца забележани во островските женки, во споредба со оние од копното, нѐ потсетува на трагичната судбина на оваа популација. Можеби следната година ќе сведочиме подобра ситуација потпомогната од наталожените резерви од оваа година, но генералните климатски проекции ни укажуваат дека оваа година е само исклучок во една многу сушна иднина“ - објаснува д-р Драган Арсовски од Македонското еколошко друштво.

Собраните податоци од сите овие истражувања, заедно со истражувањата на ренџерските служби на Паркот на природата „Езерани“ при Општина Ресен и националните паркови „Галичица“ и „Пелистер“, ќе бидат интегрирани во единствена дигитална платформа којана различните засегнати страни ќе им овозможи сеопфатен увид во состојбата и трендовите со биолошката разновидност во регионот.

„Спроведувањето континуирани и систематски истражувања е неопходно за обезбедување релевантни податоци за состојбата со дивата флора и фауна во Преспа, како предуслов за паметно планирање на мерките за заштита, зачувување и одржливо управување со природното наследство на еден од најубавите и најуникатни прекугранични региони во Европа“ - посочува м-р Даниела Заец, раководител на канцеларијата на Македонското еколошко друштво во Ресен.

Активностите за мониторинг на биолошката разновидност во Преспа се реализираат во рамки на проектот „Иницијатива за зелена и сина Преспа - Зајакнување на заштитата преку истражување, едукација и комуникација“, финансиран од Европската Унија (ЕУ) во рамки на програмата „ЕУ за Преспа“ и кофинансиран преку Фондот за природа „Преспа - Охрид“ (ПОНТ). Покрај Македонско еколошко друштво, партнери во имплементацијата на проектот се Општина Ресен, Националниот парк „Галичица“, Друштвото за заштита на Преспа (SPP) од Република Грција и Друштвото за заштита и зачувување на природната средина во Албанија (PPNEA) од Република Албанија. Спроведувањето на проектните активности е поддржано од Министерството за животна средина и просторно планирањена Република Македонија и Националниот парк „Пелистер“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер