Лицата со попреченост за моментните состојби околу здравствено-медицинските услуги - Канал 5

Здравје

Лицата со попреченост за моментните состојби околу здравствено-медицинските услуги

Полесен пристап за лицата со попреченост до здравствените услуги, до потребните лекови, но и поголема достапност до информациите за своите права од здравствено-медицинското подрачје, побараа учесниците на дебатата којашто се одржа во Велес.

Лицата со попреченост за моментните состојби околу здравствено-медицинските услуги

Проектот „Да се соочиме со предизвиците и стигматизацијата 2024 - 2026“ е финансиски поддржан од Владата на Швајцарија, преку програмата „Цивика мобилитас“. Дискусијата е организирана од Здружението на лица со церебрална парализа и други попречености - Велес, и „Порака“ - Неготино. На тркалезната маса учество зедоа лица со попреченост, нивни семејства, старатели, граѓански организации и здруженија, како и здравствени работници.

- Иако бавно, работите се придвижуваат - не се исти како пред 20, 30 години. Но, тоа се постигнува со вакви собири на кои отворено ќе си ги кажеме проблемите... Властите се тие што треба и можат да им го олеснат животот на лицата со попреченост, изјави Далиборка Златева, претседателка на велешкото Здружение.

Во таа смисла, дискутантите се согласија дека вистинската моќ на промените и напредокот лежи кај властите. Александар Кржаловски од Македонскиот центар за меѓународна соработка, смета дека тоа особено ќе биде случај наредниов период што следи.

- САД и Трамп ја укинаа цела парична помош за невладините организации. Целта тука беа ЛГБТ-организациите, но покрај нив ќе настрадаат сите... УСАИД и другите американски фондации беа убедливо најголем донатор за вакви проекти во светски рамки, со вкупно 65 милијарди долари... Сега тоа го нема, па мора да се потпреме на „локалните“ извори, односно Владата, истакна Кржаловски.

Имајќи го тоа предвид, повеќе дискутанти се согласија дека ваквите проекти, собири и дискусии мора да продолжат.

- Како и притисокот врз пратениците, се надоврза Душко Христов, претседател на организацијата „Банка за храна''.

Се истакна и потребата од намалување на трошоците околу лековите и терапиите коишто им се неопходни на лицата со попреченост и што треба да бидат на некој начин - субвенционирани од властите. Следните вакви дискусии се планирани за во Неготино и Кавадарци, а потоа веројатно - и во Валандово, Гевгелија и други македонски градови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер