Лицата со одредена крвна група имаат помали шанси за зараза со коронавирусот - Канал 5

Здравје

Лицата со одредена крвна група имаат помали шанси за зараза со коронавирусот

И покрај најголемите фактори на ризик за инфекција со ковид-19,како возраста и некои хронични болести, како што се малигнитет, дијабетес или висок крвен притисок, научниците откриле дека и крвната група може да биде фактор.  

Лицата со одредена крвна група имаат помали шанси за зараза со коронавирусот

Оние со нулта крвна група имаат помала веројатност да бидат заразени од лицата со другите крвни групи.

Во студијата објавена во „Annals of Internal Medicine “, експертите анализирале податоци од 225.556 канадски испитаници со просечна возраст од 54 години за да видат дали крвната група или резус факторот влијаат на веројатноста за инфекцијата со коронавирус или развојот на посериозни симптоми на болеста.

Откриле дека крвната група 0 и негативниот Rh фактор се поврзани со малку помал ризик од инфекција со вирусот САРС-КоВ-2 и со тешка болест.

Нулта крвната група имала 2,1% веројатност да се зарази со вирус САРС-КоВ-2, односно имала најмала неприлагодена веројатност од сите крвни групи. Паралелно со тоа, најголемата неприлагодена веројатност за инфекција со вирусот САРС-КоВ-2 била во крвната група Б и изнесувала 4,2%.

Ова би значело дека оние со крвна група 0 имале 12% помали шанси да се заразат со ковид-19 отколку оние со А, АБ или Б, според Ројтерс, и 13% помал ризик од смртни последици.

Други студии, исто така, покажале поврзаност помеѓу нашата генетика или крвната група и веројатноста за инфекција со ковид-19. Студија објавена во јуни на серверот medRxiv, која ги анализирала податоците од пациентите во Шпанија и Италија, открила дека оние со крвна група А имаат 50% поголем ризик за развој на сериозни симптоми, како што се потреба за кислород или респиратор.

Дополнително, студијата во ноември 2020 година објавена во списанието Nature, исто така, покажала дека крвната група влијае на ризикот од инфекција со ковид-19. Истражувачите анализирале податоци од 14.112 пациенти во Њујорк и откриле дека оние кои немаат крвна група 0, имаат малку поголема веројатност да бидат заразени со ковид-19.

Од друга страна, тие откриле дека оние со крвна група А имаат помал ризик од интубација или смрт во споредба со крвната група 0, при што групата АБ има најголем ризик од посериозна форма на болеста и смрт. Што се однесува до групата Б, луѓето со таа крвна група имале поголем ризик од интубација во споредба со оние со крвна група 0, но помал ризик од смрт.

Така, може да се види дека податоците за опасностите од групата А се разликуваат помеѓу студијата спроведена во Европа и онаа спроведена во САД. Едните наведуваат дека групата А има најголем ризик да заврши со кислород или респиратор по инфекција со коронавирус, а другиот вели дека ова важи за АБ. Но, и двете откриле дека групата 0 има најмал ризик од инфекција со ковид-19 во споредба со другите крвни групи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски балистички ракети го погодија Киев, оштетија мост и повредија шест лица

Неколку бранови руски балистички ракети го погодија Киев ноќеска, само неколку часа откако претседателот Володимир Зеленски предупреди дека Русија подготвува уште еден голем напад врз инфраструктурата.

Руски балистички ракети го погодија Киев, оштетија мост и повредија шест лица

Според властите, најмалку шест лица во градот Киев се повредени, заедно со уште едно лице во околната киевска област. Меѓу повредените во Киев е и 14-годишно девојче, изјави градоначалникот на Киев, Виталиј Кличко. Двајца од повредените се хоспитализирани.

Рускиот напад, исто така, го оштети клучниот Северен мост во Киев, кој во моментов е затворен за сообраќај во двата правци, додаде тој. Од утрото, оштетени се коловозот, тролејбуската контактна линија и далноводот, рече Кличко.

„Сообраќајните работници и комуналните работници веќе работат на Северниот мост“, увери градоначалникот.

Додека воздухопловните сили на Украина предупредија дека балистичките ракети се насочени кон главниот град, серија експлозии го потресоа градот. Првиот бараж од ракети го нападна Киев брзо, а воздухопловните сили објавија дека најмалку шест ракети биле лансирани кон градот во рок од неколку минути непосредно пред 23 часот локално време на 6 ноември.

До утрото на 7 ноември, воздухопловните сили објавија дека Русија лансирала 172 дронови од типот Шахед, од кои 137 со млазен погон, и неодреден број балистички ракети кон Украина преку ноќ. Воздухопловните сили тврдеа дека собориле или потиснале четири балистички ракети и 149 дронови од типот Шахед, вклучувајќи 117 дронови со млазен погон, на 24 локации.

Тагови: балистички ракети Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тероростички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Најмалку пет лица се убиени, а десет се ранети во пукотница во близина на главниот плоштад во полскиот град Краков, јавува ТВН 24, а пренесува Ројтерс.

Тероростички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Полскиот премиер Доналд Туск напиша на X дека полицијата го истражува инцидентот и дека добива информации од Министерството за внатрешни работи.

Според Би-Би-Си, меѓу ранетите има и полицајци.

Според полицијата, луѓето биле застрелани на случаен избор од маж кој отворил оган со автоматско оружје од автомобил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Поддржувачите на Албанската демократска партија денес започнаа марш од седиштето на партијата до кабинетот на премиерот, како дел од протестот против владата, објави албанскиот „Евроњуз“.

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Демонстрантите, предводени од пратениците Фламир Нок, Агрон Џекмарк и други, се придружија на студентските протести составени од млади луѓе од различни градови во земјата.

Тие ги повикаа граѓаните, професорите и другите да им се придружат, нагласувајќи дека продолжуваат да ги отфрлаат повеќекратните понуди за дијалог од албанскиот премиер Еди Рама.

YouTube video

Рама, исто така, создаде онлајн платформа чија цел, како што изјави, е да служи како простор за комуникација првенствено со студентите, но и со другите граѓани.

Според него, платформата е „функционален мост“ отворен 24 часа на ден, преку кој можат да се испраќаат прашања, критики и предлози.

Тој рече дека нема забранети прашања и дека сака да разговара со студентите.

Академиците постојано го отфрлаат повикот на Рама за дијалог, кој беше придружен со предлог за одржување состаноци пред зградата на владата.

Платформата предвидува одржување на доверливоста на корисниците, додека пристапот се остварува преку идентификација на порталот е-Албанија.

„Се очекува пораките од пошироко значење да добијат јавни одговори, додека индивидуалните проблеми ќе бидат проследени до надлежните институции“, пишува „ Albanian post “.

Тагови: Албанија Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер