Шоу биз

Лиам Нисон најави дека се повлекува од акционите филмови (ВИДЕО)

Лиам Нисон сѐ повеќе размислува да се повлече од акционите филмови.

Во едно неодамнешно интервју, познатиот актер зборуваше за своите години и откри дека мисли дека поради тоа е подобро да не прифаќа физички напорни улоги.

Како што пренесува Deadline, актерот на познатата акциона серија 96 Hours, како и бројни други акциони филмови, сè уште сам ги изведува своите борбени сцени, додека каскадерот Марк Ванселоу, долгогодишниот соработник на актерот, ги презема потешките акробатски сцени што Нисон не може да ги направи.

„Имам 72 години, тоа мора да престане во одреден момент“, изјави тој за People, мислејќи на неговите улоги во акционите филмови. „Не можете да ја измамите публиката. Не сакам Марк да мора да ги прави сцените со борба за мене“, додаде Нисон за People.

Иако не одредил точен датум кога планира да престане да глуми во акциони филмови, тој навести дека тоа би можело да биде некаде во 2025 година.

„Можеби кон крајот на следната година. Мислам дека тоа е тоа“, кратко прокоментира Нисон.

Следниот филм на Нисон, Absolution, ќе се појави во кината во ноември. Се зборува за старечки гангстер кој се обидува повторно да се поврзе со своите деца и да ги исправи грешките од минатото. Режисер на филмот е Ханс Пет Моланд, а сценариото го напиша Тони Гејтон.

Фудбал

Хујсен и официјално нов фудбалер на Реал Мадрид

Дефанзивецот на премиерлигашот Борнмут, Дин Хујсен, потпиша денеска договор со Реал Мадрид до 2030 година.

Хујсен ќе му се приклучи на Реал на 1 јуни, со што ќе може да настапи на Светското клупско првенство следниот месец.

Борнмут објави попладнево дека Реал ја активирал откупната клаузула од 50 милиони фунти (66,36 милиони долари) за да потпише петгодишен договор со 20-годишниот дефанзивец.

Хујсен одигра 34 натпревари за Борнмут оваа сезона, постигнувајќи три голови

Шпанскиот репрезентативец Хујсен, кој е роден во Холандија, дебитираше за Шпанија во март во Лигата на нации./МИА

Тагови: Реал Мадрид Хујсен

Македонија

Вицепремиерот Фетаи со „идеални пријатели од АА“ на гости кај Курти во Приштина

Дали и вицепремиерот за добро владеење, Арбен Фетаи, ќе го следи примерот на Азири, се уште е без официјална потврда.

Тој на фејсбук индиректно најави такво нешто, објавувајќи фотографии од средбата со косовскиот премиер, Албин Курти во Приштина, на која присуствува и Азири.

Во зората на овој ден, заедно со некои идеални пријатели од Алијансата за Албанците, тргнавме по патот кон Приштина, поминувајќи го автопатот „Арбен Џафери“, пат кој за нас не е само инфраструктура, туку симбол на нашата духовна и национална врска, напиша на фејсбук Фетаи, за кого се погласно се шпекулира дека ќе го напушти Таравараи и ќе остане во владата.

Свет

Ердоган: Состанокот Украина-Русија во Истанбул исклучително важен за ставање крај на војната

Првите директни мировни разговори меѓу Русија и Украина од пролетта 2022 година, одржани во Истанбул, беа „исклучително важни“ за напредок кон ставање крај на војната, изјави турскиот претседател Реџеп Таип Ердоган.

Тој на новинарите во авионот со кој се враќаше од самитот на Европската политичка заедница во Тирана, им рече дека „состанокот на делегациите на двете држави (Русија и Украина) во Истанбул е исклучително важен за завршување на војната … и воспоставување мир“.

Првите мировни преговори меѓу делегациите на Украина и Русија од пролетта 2022 година се одржаа вчера во Истанбул со посредство на Турција.

Русија преку својот преговарач Владимир Медински соопшти дека е „задоволна“ од исходот на преговорите одржани во Истанбул и оти е „подготвена да ги продолжи контактите“.

Во преговорите кои траеја малку помалку од два часа, Русија и Украина се договорија да разменат по 1.000 воени заробеници, што е најголема размена досега, а исто така се договорија да разменат детални предлози за прекин на огнот.

Украина побара средба на шефовите на држави Владимир Путин и Володимир Зеленски, а Медински рече дека Русија ќе го разгледа тоа, и додаде дека Русија е подготвена да ги продолжи разговорите.

Тагови: Ердоган