Полскиот репрезентативец помина осум години во баварскиот гигант, каде одигра 375 натпревари на кои постигна неверојатни 344 гола и додаде уште 73 асистенции. Тоа е висока компензација за напаѓач кој тогаш имаше 33 години, но Левандовски дефинитивно ѝ се исплатеше на Барселона со своите настапи на теренот. Интересно е што Баерн се уште заработува од својот поранешен напаѓач.
Имено, при преселбата во Барселона, договорено е каталонскиот клуб да му исплати на Баерн дополнителни 1,25 милиони евра бонус за секоја сезона во која Левандовски постигнува најмалку 25 гола. Минатата сезона постигна 33 гола на 46 натпревари, а до 25-от сезонски гол стигна пред три дена, кога постигна гол во третата минута од натпреварот против Рајо Ваљекано во победата на Барселона од 3:0.
Полјакот има договор со Барселона до летото 2026 година, па на Баерн потенцијално би можел да му донесе уште 2,5 милиони евра, со што вкупната отштета за него би се искачила на 50 милиони евра. Полјакот сега се подготвува за ЕП каде неговата репрезентација игра во групата Д со Холандија, Франција и Австрија. Во својата кариера има 148 настапи за националниот тим и постигна 82 гола. Тој неодамна изјави дека нема намера никаде да ја напушти Барселона и покрај континуираниот интерес од Саудиска Арабија и МЛС.