Забава

Летен фестивал „Skopje Creative Fest“

Летен фестивал „Skopje Creative Fest“ ќе се одржи денеска во Градскиот парк.

Овој настан, којшто има за цел да ја прикаже безграничната креативност на младите поединци во различни уметнички дисциплини, вклучувајќи пеење, танцување, стенд-ап комедија, цртање, поезија и правење филмови, е во организација на KL YES Alumnae Николија Златевска, Исидора Стефановска, Тара Џеладин и Емилија Крстевска.

Надоврзувајќи се на успехот на минатогодишниот мини-фестивал, Skopje Creative Fest ја продолжува својата мисија да обезбеди платформа за сите млади да ги пренесат своите вештини. Фестивалот е дизајниран да создаде средина каде што креативноста нема граници, поттикнувајќи можности за поврзување на младите уметници, каде тие ќе можат да се сретнат и да соработуваат со истомисленици и потенцијални идни партнери, соопштуваат организаторите.

-Силата на фестивалот лежи во неговите стратешки партнерства и соработки со низа организации, меѓу кои Еквалис, МајндЛипс, Волонтерскиот центар Скопје, Младинскиот образовен форум (МОФ), Мрежата Стела, Младинскиот совет на Амбасадата на САД, Училиште за слепи - Димитар Влахов, многу универзитети, како и Американското катче Скопје. Овие партнерства го збогатуваат фестивалот, обезбедувајќи признание и поддршка за уметниците кои ќе учествуваат, стои во соопштението.

Волонтерството е основна вредност на Skopje Creative Fest. Фестивалот е создаден на волонтерска основа, охрабрувајќи ги заинтересираните млади да учествуваат во организирањето на настанот. Оваа вклученост обезбедува драгоцено искуство и можност за поврзување со други кои споделуваат слични интереси, дури и ако тие самите не ја прикажуваат уметноста, додаваат организаторите на фестивалот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Реката Лепенец покриена со необична пена на влевот во Вардар

Со бела пена е прекриена реката Лепенец при влевот во реката Вардар во Скопје.

Пената се влева директно во Вардар.

Известени се од Град Скопје, најавено е дека инспектори веднаш ќе додат на терен да видат која е причината за пената во лепенец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украина изврши напад врз „Вајлдберис“ во Санкт Петербург и симферопол на Крим

Продолжува конфликтот меѓу Москва и Киев.

Украински дронови извршија напади врз магацини на таканаречениот руски Амазон во Санкт Петербург и Ленинградската област.

Компанијата„Вајлдберис“ ги потврди нападите врз нивните објекти и соопштија дека привремено ја прекинале работата во своите логистички центри во Санкт Петербург, како и центарот за сортирање во Симферопол.

Дронови се обиделе да го нападнат и магацинот на компанијата во Казан, но според локалните жители, системите за противвоздушна одбрана успеале да ги соборат додека се приближуваа.

WTF 😳 St. Petersburg 🔥🔥🔥🔥 pic.twitter.com/EMDGGga4cT
— @BrennpunktUA 🇩🇪🇺🇦 (@BrennpunktUA) July 24, 2026

Во текот на изминатата недела, украинските дронови извршија напади врз приближно 10 отсто од целата инфраструктура на „Вајлдберис“ оваа компанија се смета за руски еквивалент на Амазон, а причинетата штета надминува 2 милијарди долари.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спасовски: Две години Влада предводена од ВМРО-ДПМНЕ, професионални раководители, Академија за јавна администрација и модерни институции

Реформите во јавната администрација продолжуваат со мерки што обезбедуваат професионално управување и континуиран развој на административните капацитети.

Со донесувањето на Законот за високи раководители, за првпат се воспоставува единствен систем за избор на највисоките раководни позиции во државната администрација.

Новиот модел предвидува јавен оглас, проверка на условите, рангирање и избор на најдобрите кандидати, со што високите позиции се поврзуваат со знаење, компетентност, професионално искуство и интегритет.

Законот опфаќа државни секретари, директори и заменици директори во институциите каде што е предвидено, а воведува и механизми за следење на нивната работа и одговорност за резултатите.

Дополнително, ограничувањето на вршителите на должност на шест месеци и намалувањето на бројот на членови во управните одбори, придонесуваат за поголема одговорност, стабилност, поефикасно користење на јавните средства.

Во изминатиот период е воспоставена и Академија за јавна администрација, која ќе биде носител на обуките и професионалниот развој на административните службеници, а со модернизација на Центарот за обука, реализирани се обуки за повеќе од 1.000 службеници и воспоставен е современ електронски систем за учење.

Истовремено, се унапредуваат Информациониот систем за управување со човечки ресурси, инспекцискиот систем, процесите за управување со квалитет, како и транспарентноста и учеството на јавноста преку Партнерството за отворена власт.

Паралелно се унапредени и процесот на проценка на влијанието на регулативата преку поголема транспарентност, јавни консултации и подобро планирање на законските решенија.

Почитувани,

Овие резултати се доказ дека реформите не се декларативни, туку носат конкретни промени кои создаваат поефикасни институции, подобри услуги за граѓаните и се поставуваат темели за администрација во која континуираното учење и усовршување ќе бидат составен дел од кариерата.

Емил Спасовски, пратеник на ВМРО-ДПМНЕ

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.