Лесновски манастир- духовно светилиште на истокот од Македонија - Канал 5

Култура

Лесновски манастир- духовно светилиште на истокот од Македонија

Манастриот свети Гаврил Лесновски, вгнезден во некогашниот вулкан е бисерот на духовноста во лесновскиот крај. 

Лесновски манастир- духовно светилиште на истокот од Македонија

Малата црква посветена на Светиот Архангел Михаил изобилува со големо наследство, мудрост и мир на духот, а сето тоа е белег на монашкиот живот, место каде молитвите за здравје, рожба се исполнуваат. А, на иконите со насмевка се враќаат семејства со деца, а болните на нозе пред иконите со благодарност за услушаните молитви за здравје. Во манастирот се слуша утринска литургија, игуменот Исак со молитви го започнува денот. Убаво чувство на мир, далеку од градот, тој ни ја раскажа историјата на манастриот за секој изграден камен, и белегот на овој крај Гаврил кој од кривопаленчкото село Осиче по неговите молитви и благослов од родителите кои по упокојувањето на неговата сопруга му дале амин да дојде во овој крај.

„Како дете,така се кажува во житието бил многу послушен и тоа е една голема поука за сите нас тука и денешните деца треба да се биде послушен кон родителот. Така се добива божја благослов преку родителот. Неговите мошти останале нетрулежни заради светоста на животот. И испуштаат благохулание прекрасен мирис на миро. Монасите ги наоѓаат моштите и ги донесуваат тука во литија ја положуваат во кивотот тука и станува извор на многу исцеленија“ - игумен Исак, манастир Гаврил Лесновски.

Во манастриот се моштите на Гаврил Лесновски, а до него е фреската на мајката божја – брзопослушничка која е чудотворна. Тука се кажани безбројни молитви кои се исполнети, раскажува игуменот Исак. Во малата црква е првото дело на Петре Гарката прекрасниот иконстас кој дава посебна топлина и убавина, изрезбан и направен со посебна љубов. Во манастирот се и моштите на светиот Гаврил Светогорец деновите ги поминал во учење на децата, и молитви.

„Навистина тој е многу чудесен со исцелнија божји на кој тој е еден спроводник божји, бидејќи тој го очисти своето срце и за тоа стана спровеник на божјата волја. Многу луѓе доаѓаат тука да се помолат да се прочита молитва се случуваат многу исцелнија“-игумен Исак, манастир Гаврил Лесновски.

Манастирите се посебна убавина, енергија каде тагата поминува. Далеку од вревата и брзањето, тука духовноста се живее од влезот на манастирот, ве пречекува кротката и раскошна црница дрво кое во дворот е 700 години, кое уште има благ и сочен плод во летната жега. Гласот на монасите ви дава мир и верба, а и нивните разговори се многу едноставни, ве потикнуваат сами да го најдете одговорот, се што сакаме да промениме почнува од самите нас.

„Бог од нас очекува пред се да се смириме, а тогаш ќе ни ја слушне молтивата, многу пат Бог не ја слуша молитвата, не дека не ја слуша, не ја ислушува за да се смириме и поработиме на себе си, да почнеме да живееме духовно.-игумен Исак, манастир Гаврил Лесновски.

Духовноста на овој крај почнува од самиот пат кон манастирот, пештерите каде се молел Гаврил, карпи во кои ги гледате ликовите на светците, а природата и мирот ја потврдува пораката за овој манастир: „Треба време да се дојде, но кога сте тука, како да не сакате да помине времето за да си отидете.

YouTube video

Тагови: Велигден МПЦ -ОА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

На сцената на НУЦК „Трајко Прокопиев“ – Куманово вчеравечер одекна силен и долг аплауз за екипата на НУ Народен театар Битола, која со својата изведба повторно ја воодушеви и ја насмеа до солзи публиката која ја исполни салата до последното столче.

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

„Секстет“ и овојпат покажа дека добрата комедија не познава граници – се игра, се чувствува и се споделува со публиката.

„Од срце му благодариме на организаторот на фестивалот „Денови на комедијата“ за поканата, прекрасното добредојде и гостопримството. До следната средба – со уште многу смеа, аплаузи и театарски моменти“, истакнуваат од Битолскиот театар.

Претставата „Секстет“ секогаш го полни гледалиштето до последното место, комедијата од Марк Камолети, во режија на Марјан Георгиевски, па така и овојпат салата беше исполнета со публика која ги награди актерите на Битолскиот театар со долготрајни аплаузи.

Недоразбирања, тајни, љубовни заплети и урнебесни пресврти секогаш ја тераат публиката да се смее од почеток до крај.

Зошто комедија? Затоа што премногу долго сме сериозни.

Живееме во време на прегласни информации и постојани кризи.

Научивме како да бидеме загрижени, заборавивме да се смееме. Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски.

Костимографијата е на Андреј Георгиевски, сценографијата на Влатко Чачоровски, музика -Александар Димовски.

29.издание на Фестивалот оваа година се одржува од 23 септември до 5 октомври. Во текот на фестивалските денови, публиката има можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведба на театрите од Македонија и земјите од регионот. Фестивалот ќе биде затворен со претстава надвор од конкуренција, посветена на годинашниот лауреат Игор Џамбазов. Фестивалот е поддржан од Министерството за култура и туризам и од Општина Куманово.

Тагови: Денови на комедијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанев на Меморијалниот турнир „Загинати бранители 2001–2015“: Македонија ги памети своите херои, нивната жртва е наша трајна обврска

Директорот на Бирото за јавна безбедност Александар Јанев денеска се обрати на Централниот меморијален турнир во мал фудбал во чест на загинатите бранители 2001–2015, кој се одржува во спортскиот центар „Борис Трајковски“. 

Јанев на Меморијалниот турнир „Загинати бранители 2001–2015“: Македонија ги памети своите херои, нивната жртва е наша трајна обврска

На настанот се обрати и министерот за одбрана Владо Мисајловски, кој го отвори Меморијалниот турнир.

Пред членовите на семејствата на загинатите бранители, претставниците на Здружението „Херои на Македонија 2001–2015“, колегите и натпреварувачите, директорот Јанев истакна дека турнирот веќе 24 години ја чува жива меморијата за оние кои ги положија своите животи за Македонија, нејзиниот мир и безбедноста на граѓаните.

„Денес не сме тука само поради традицијата. Тука сме затоа што имаме обврска да паметиме. Да ги паметиме нашите колеги, пријатели, браќа, сопрузи, татковци и синови кои ја носеа униформата со чест и кои, извршувајќи ја својата должност, ја дадоа најголемата жртва што човек може да ја даде. Нивните имиња не се само дел од историјата на нашите безбедносни сили. Тие се дел од историјата на Македонија“, истакна Јанев.

Тој нагласи дека обврска на денешните генерации е споменот за загинатите бранители да се пренесува и на генерациите што доаѓаат, потсетувајќи дека слободата, мирот и безбедноста не треба да се земаат здраво за готово. Посебна почит им оддаде на семејствата на загинатите, нагласувајќи дека институциите имаат обврска да покажат дека жртвата на нивните најблиски никогаш нема да биде заборавена.

Министерот за одбрана Владо Мисајловски истакна дека мора да се чува споменот за оние кои го дале својот живот за татковината и да се пренесе на следните генерации.

„Она што треба да го направиме е да се сплотиме и да покажеме дека хероите не се забораваат. Се заблагодарувам на секој еден припадник на Армијата, сите што ја носат униформата кои секојдневно работат за нашата држава. Министерството за одбрана ќе биде секогаш тука да помогне и достојно да покаже почит кон хероите“, истакна министерот Мисајловски.

На крајот, директорот Јанев изрази благодарност до Здружението „Херои на Македонија 2001–2015“, Министерството за внатрешни работи и сите кои веќе 24 години ја одржуваат оваа традиција, порачувајќи дека хероите живеат сè додека ги паметиме и дека им должиме да ги паметиме со гордост, достоинство и благодарност.

Тагови: Александар Јанев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Брисел позитивно ги оцени реформите, земјата доби 140 милиони евра од Планот за раст

ВЛЕН ја поздравува позитивната оценка на претседателката на Европската комисија, Урсула фон дер Лајен, за напредокот во спроведувањето на Планот за раст.

ВЛЕН: Брисел позитивно ги оцени реформите, земјата доби 140 милиони евра од Планот за раст

За време на посетата во Скопје, таа го оцени постигнатиот напредок како импресивен и најави нови исплати во наредните недели. Северна Македонија досега доби 140 милиони евра од овој план.

Овие средства се резултат на сериозната работа и посветеноста на институциите во исполнувањето на преземените обврски.

Министерството за европски прашања, предводено од првиот вицепремиер Беким Сали, го координира спроведувањето на Реформската агенда и го следи исполнувањето на обврските на институции.

За нас, оваа оценка е дополнителен поттик да продолжиме со работата и навреме да ги исполниме следните обврски.

Ги поздравуваме заложбите на Брисел за деблокирање на европскиот пат на земјата и очекуваме да се надминат пречките за земјата да напредува во преговорите со Европската Унија.

ВЛЕН

Тагови: ВЛЕН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер