Ленуар: Секој што бил на ИФФК „Браќа Манаки“ од Битола се враќа со сјај во очите - Канал 5

Култура

Ленуар: Секој што бил на ИФФК „Браќа Манаки“ од Битола се враќа со сјај во очите

Секој што бил на ИФФК „Браќа Манаки“ потоа од Битола се враќа со сјај од очите, истакна Денис Ленуар, претседател на меѓународното жири задолжено за оценување и доделување на главните фестивалски награди.

Ленуар: Секој што бил на ИФФК „Браќа Манаки“ од Битола се враќа со сјај во очите

На прес - конференција во фестивалскиот прес центар, Ленуар посочи дека добрата страна на фестивалот е што станува збор за голем собир на кинематографери, но и на студенти.

-Прв пат доаѓам на фестивалот „Браќа Манаки“ и мора да кажам дека мислев дека овој фестивал како да е некаде скриен, но сите што се враќаа од Битола, се враќаа со сјај во очите и со коментари дека фестивалот е прекрасен. Станува збор за собир на кинематографери, но и на студенти, млади таленти и режисери, меѓу кои сега сум и јас и затоа дојдов тука. Се што досега видов тука е чудесно и прекрасно, истакна Ленуар, француски кинематографер, познат по соработката со режисерот Оливие Асајас.

Во меѓународното стручно жири членува и Асја Крсмановиќ од Босна и Херцеговина, драматург, која од 2022 година ја координира Мрежата на фестивали во Јадранскиот регион.

-Работиме во многу слични околности и можеме многу нешта да споделиме, да ја продлабочиме соработката и искуствата што ги имаме. На тој начин заеднички ќе влијаме на равојот на културата во регионот, посочи Крсмановиќ, која од оваа година е назначена за раководителка на „Синелинк“.

По пауза од 10 години, во Битола и на ИФФК „Браќа Манаки“ доаѓа и Астрид Хојбрантнер од Австрија која како истакната кинематограферка годинава членува во меѓународното жири.

-Прв пат на ИФФК „Браќа Манаки“ дојдов пред 10 години, на традиционланиот собир на ИМАГО каде имаше бројни кинематографери. Уште тогаш помислив и посакав повторно да се вратам во Битола, и еве ме повторно како членка на жирито. Се што тука се случува е инспиративно. Посебно се радувам што овој фестивал е фестивал на кинематограферите и место каде што може да се сретнат и да разговараат за својата работа. Со нетрпение очекувам да ги погледнам сите филмови од официјалната конкуренција за главните награди, нагласи Хојбрантнер, професорка на Универзитетот за музика и сценски уметности во Виена.

Заедно со Ленуар, Крсмановиќ и Хојбрантнер, во жирито членуваат и македонскиот филмски режисер Мирко Панов и Валерио Карузо, директор на веб-страницата на „Синеуропа“.

Тагови: Браќа Манаки Ленуар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Валјак за трева прегази поранешен англиски репрезентативец, но, фудбалерот потоа продолжи да игра.

Поранешниот англиски фудбалски репрезенативец Андрос Таунсенд (35), кој настапуваше за Тотенхем, Њукасл, Кристал Палас и Евертон, доживеа неверојатен инцидент додека се загреваше во Тајланд. 

Видео: Валјак за трева прегази поранешен англиски репрезентативец, но, фудбалерот потоа продолжи да игра.

Таунсенд се загреваше за време на полувремето од натпреварот меѓу неговиот тим, Прачуап, и Патани. Додека се обидуваше да ја удри топката, тој излезе од просторот предвиден за загревање.

Во тој момент, кон него се движеше валјак за рамнење на теренот, а возачот не го забележа навреме.

-Валјакот го удри Таунсенд во нозете, го собори на земја, а потоа продолжи да се движи преку неговото тело, стигнувајќи сè до половината. Возачот потоа ја запре машината, а соиграчите на Таунсенд веднаш притрчаа да му помогнат. За среќа, Таунсенд помина без сериозни повреди. По инцидентот, тој го продолжи загревањето, па дури и влезе во игра. Тој ја одигра последната минута од натпреварот, во кој неговиот тим, Прачуап, победи со 3–0.

По бизарниот настан, Таунсенд очигледно одлучи сè да претвори во шега. Тој објави видео од инцидентот на социјалните мрежи и се пошегува на сметка на својот поранешен клуб Стоук Сити, познат по својот физички напорен фудбал. „Стоук не беше толку лош“, рече Таунсенд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ССМ: Синдикална минимална кошница за месец септември 2026 година

Сојуз на синдикатите на Македонија  денеска ја објави Синдикалната минимална кошница за месец септември 2026 година.

ССМ: Синдикална минимална кошница за месец септември 2026 година

Вредноста на синдикалната минимална кошница за месец септември 2026 година изнесува 69 432,00 денари, споредена со вредноста на синдикалната минимална кошница за месец август 2026 год. која изнесува 68 675,00 денари е зголемена за 757,00 денари.

Со изнајмен стан од 60 квадрати за месец септември изнесува 84 807,00 денари.

Структура на новата СMK за месец септември 2026 година

03. Станарина, вода, електрична енергија 21.754

и греење ( со изнајмен стан 60м2 )

Синдикална минимална кошница вкупно: 84.807 100 %

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо: „Војната меѓу Русија и Украина не е наша“

 Словачкиот премиер Роберт Фицо изјави дека војната меѓу Русија и Украина „не е словачка војна“ и нагласи дека ќе стори сè за да спречи Словачка да биде вовлечена во, како што рече, „неодговорна воена авантура“.

Фицо: „Војната меѓу Русија и Украина не е наша“

Во видео-порака објавена на Фејсбук, Фицо изјави дека не сака конфликт меѓу НАТО и Русија и оцени дека секој што сака да предизвика таков конфликт заради сопствените национални интереси, треба да ја сноси одговорноста за таквата одлука.

„Војната меѓу Русија и Украина не е наша, словачка војна. Ако некој сака да предизвика воен конфликт меѓу НАТО и Русија за да ги задоволи сопствените национални интереси, тогаш мора и да преземе одговорност за таков чекор, а не да ја префрла на другите членки на НАТО“, рече Фицо.

Тој оцени дека е многу лесно да се најде изговор за започнување војна, но дека државите се доволно развиени за да можат да направат разлика меѓу вистински вооружен напад и, како што рече, измислена провокација.

„За време на мојата влада, никој нема да испрати словачки војници надвор од територијата на Словачка за да се борат против Русија или која било друга земја под измислен изговор“, изјави словачкиот премиер.

Зборувајќи за членот 5 од Северноатлантскиот договор, Фицо рече дека оваа одредба, во случај на вистински вооружен напад врз една или повеќе членки на НАТО, остава широки можности за пружање помош на нападнатата држава.

Истовремено, тој повика на крај на, како што рече, „приказната за лажната солидарност“, наведувајќи дека земјите од Европската Унија не се способни да покажат солидарност дури ни кога станува збор за цените на електричната енергија, а камоли кога се работи за смртта на војници.

Фицо изјави дека Словачка ќе продолжи да води „суверена“ политика, притоа почитувајќи го своето членство во Европската Унија и во НАТО. „На тлото на Европската Унија нема да се откажеме од нашите суверени ставови, кои имаме намера да ги продлабочиме во рамките на соработката на Вишеградската група. А во НАТО сакаме да бидеме сигурен партнер, а не играчка во рацете на другите, и наш доминантен збор ќе биде мирот, а не војната“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер