Ленче Ристоска се уште не го добила известувањето од Савески за одземените предмети „Талир“ 1 и 2 - Канал 5

Македонија

Ленче Ристоска се уште не го добила известувањето од Савески за одземените предмети „Талир“ 1 и 2

Државниот обвинител Ненад Савески стави потпис на одлуката со која се одземаат овластувањата на обвинителите кои водат предмети што не се во нивните матични обвинителства. 

Ленче Ристоска се уште не го добила известувањето од Савески за одземените предмети „Талир“ 1 и 2

Испратена е до сите обвинителства во земјава, со цел, како што кажа, да се воведе конечен ред. Добар дел од предметите се за висока корупција, меѓу нив и „Талир 1“ кој се однесува за перење пари во ВМРО-ДПМНЕ и „Талир 2“ за незаконско финансирање на седиштето на партијата, кои досега ги водеше обвинителката Ленче Ристоска. Таа за Канал 5 вели дека се уште не го добила известувањето и дека дополнително ќе се произнесе по ваквата одлука на Савески.

Оваа одлука предизвика и политички реакции, претседателот на СДСМ – Венко Филипче обвини дека републичкиот обвинител Савески постапувал според насоки на премиерот Мицкоски, а ваквите одлуки, според него, биле доказ.

„Вие ме прашавте пред некое време зошто ние не гласавме во парламентот, еве зошто не гласавме и не му дадовме поддршка, затоа што работи под диктат на Христијан Мицкоски. Има ли поголем доказ од ова? Да се спасат предметите во кои што ВМРО-ДПМНЕ е предмет на истражување и судски процеси има ли поголем доказ?“

Премиерот Мицкоски пак рече дека нема да ја коментира одлуката на републичкиот обвинител, но вели дека јавноста очекува одговори што се однесува по предметите кои ги отворило тогашното СЈО и начинот на кои истите се воделе..

„Јас тоа го кажав и за време на пратеничките прашања во парламент – очекувам од новиот јавнен обвинител во јавноста да излезе со став за тоа како затвореникот тогашен Катица Јанева ги пренесе своите овластувања и ги оживеа пердметите од поранешното СЈО, на кој начин и како беше тоа направено? Македонската јавност, граѓаните, заслужуваат да знаат бидејќи тие ги плаќаа оние скапи, милионски хонорари за тие т.н. обвинители, кои беа дел од СЈО.“

Експертите пак сметаат дека пребргу се носат заклучоци. Универзитетскиот професор – Гордан Калајџиев, по однос на предметите Талир 1 и Талир 2 вели дека веќе се застарени и траат предолго. Во моментов нема забелшка на одлуката, но вели, ако има нешто спорно, набргу ќе се открие..

„Мислам дека тука не би можеле да најдеме сериозни замерки, работите со Ленче добија друг призвук затоа што се направи цела една таа атмосфера и целата работа ја покажува во политички контекст. Не знам дали новиот обвинител не е на некој начин упаднат во некоја замка за сите негови одлуки да се толкуваат така, мислам дека има доволно углед и интегритет, може да му се верува дека овие одлуки се донесени бона фиде(со добра намера. Ќе видиме, многу брзо ќе се покаже целата приказна, ако е ситуацијата таква, навистина да попуштил веднаш под влијание, тоа ќе се покаже многу брзо и на овој случај и на други одлуки.“

Покрај Талир 1 и Талир 2, нов обвинител од Ана Гоговска ќе ги преземе предметите за Онкологија, а веќе нов обвинител ги застапува трите предмети за полициските службеници поврзани со трагедијата во Кочани, која ги водеше Ивана Трајчева.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер