Лекарска комора: Здравствените работници се најважниот капитал на здравствениот систем - Канал 5

Здравје

Лекарска комора: Здравствените работници се најважниот капитал на здравствениот систем

Пандемијата предизвикана од Ковид-19 покажа дека заштитата на здравјето е од фундаментално значење за одржување на сите други системи во едно општество.

Лекарска комора: Здравствените работници се најважниот капитал на здравствениот систем

Лекарите и другите здравствени работници се најважниот капитал на здравствениот систем што треба да се почитува, заштити, поддржи и навремено надополнува за системот да биде во кондиција, да испорачува квалитетна здравствена заштита, истакнува Лекарската комора по повод 7 Април - Светскиот ден на здравјето.

-Пандемијата предизвикана од Ковид-19 покажа дека заштитата на здравјето е од фундаментално значење за одржување на сите други системи во едно општество, поради што треба да се инвестира во сите негови сегменти, особено во здравствените работници кои се сржта на тој систем, се наведува во соопштението од Лекарската комора.

Оттаму посочуваат дека лекарите, како основни носители на здравствената дејност, очекуваат трудот кој го вложуваат да биде соодветно валоризиран, да имаат можности за професионален раст и развој и да се чувствуваат безбедно на работните места.

-За да ги задржиме лекарите во нашата земја особено е важно и да се поедностави политиката за вработување во јавното здравство. На младите лекари неопходно е да им создадеме услови за вработување веднаш по завршување на образованието коишто ќе им гарантираат пристојни приходи, но и олеснување на условите за специјализација, за што се направија некои позитивни промени, но процесот сè уште не е завршен. Реформите во примарното здравство, исто така очекуваме да имаат позитивен импакт на ова прашање, се посочува во соопштението.

Комората истакнува дека од голема важност за здравјето на пациентите, работењето на лекарите и за функционирање на системот е да престане јавениот линч и осуда на лекарите и здравствените работници без да се има аргументи за тоа.

-Лекарите посветено ги извршуваат своите работни обврски и максимално се залагаат да пружат квалитетна здравствена заштита согласно расположливите услови за работа и искрено се борат за животот на секој пациент. Загубата на пациент е тежок удар за секој лекар, што никогаш не може целосно да се надмине. Треба да се има предвид и дека медицинските состојби во одредени случаи знаат да бидат многу комплицирани, болестите да не се прикажат со типични симптоми, а одговорот кој го дава третманот да не биде како што се очекува, истакнуваат од Лекарската комора.

За да се одговори на овие предизвици, Лекарската комора го поддржува повикот на Светската здравствена организација за преземање на итна акција за регулирање на прашањето со здравствените работници и поставување на овој проблем како стратешки приоритет. Според проценките на СЗО, до 2030 година се очекува да има недостаток на 10 милиони здравствени работници ширум светот, а овој проблем особено ќе е изразен во земјите во развој.

Според податоците на Лекарската комора, согласно нивниот регистар на издадени, продолжени и обновени лиценци за работи, има 9.520 активни докторки лиценци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Менаџерот на Верстапен ја откри одлуката за иднината во Ред Бул

Холанѓанецот Макс Верстапен (28) ќе остане во Ред Бул до истекот на неговиот договор во 2028 година, потврди неговиот менаџер Рејмонд Вермелен, со што се стави крај на шпекулациите за иднината на четирикратниот светски шампион.

Менаџерот на Верстапен ја откри одлуката за иднината во Ред Бул

Менаџерот на 28-годишниот Холанѓанец беше јасен во врска со гласините што го поврзуваат Верстапен со трансфер во Мекларен или Мерцедес. „Имаше многу написи, но единствената вистина е дека Макс сака да го почитува својот договор до крајот, до 2028 година“, рече Вермелен. Тој потврди дека договорот содржи клаузула за предвремено раскинување, но нагласи дека нема да се активира. „Не ја користевме таа клаузула порано, а нема ни во иднина“, рече тој.

Лоша сезона како извор на шпекулации

Гласините за заминување на Верстапен се засилија поради невообичаено лошите резултати на Ред Бул оваа сезона. Четирикратниот светски шампион (2021-2024), кој има 71 победа во кариерата, моментално е само на седмото место во пласманот кај возачите со 76 бода. Лидер е Италијанецот Кими Антонели со 179 бода, а пред Холанѓанецот се уште Џорџ Расел (154), Луис Хамилтон (147) и Шарл Леклер (108).

Ситуацијата не е подобра ниту во пласманот кај конструкторите, каде што Ред Бул го држи четвртото место со 128 бода. Напред се Мерцедес со 333 бода, Ферари со 255 и Мекларен со 179 бода.

Тагови: Макс Верстапен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 11 загинати во пожар во дом за згрижување во Алжир, пожарникарите со часови неуспешно се бореле (ВИДЕО)

Единаесет лица загинаа, а 19 се повредени во пожар што избувна во дом за згрижување во Алжир, главниот град на истоимената земја.

Најмалку 11 загинати во пожар во дом за згрижување во Алжир, пожарникарите со часови неуспешно се бореле (ВИДЕО)

Цивилната заштита објави дека пожарникарите ја започнале интервенцијата ноќеска во 3:30 часот по локално време, пишува Би-Би-Си.

Интервенција на пожарникарите

Повеќе од три часа по почетокот на операцијата, пожарот сè уште се гаснел.

Десет противпожарни возила и 16 амбулантни возила биле испратени на терен. Властите известија дека за време на интервенцијата, пет лица со посебни потреби биле згрижени и преместени на безбедна локација.

Посетата на премиерот и контекст на топлотниот бран

Алжирскиот премиер Сифи Гриб посети две болници во Алжир за да ги посети повредените во пожарот. Државните медиуми објавија информации за посетата со фотографија од премиерот покрај дете во болнички кревет.

Податоците за возраста на жртвите не се објавени. Инцидентот се случил во време кога Алжир е во канџите на топлотен бран. Според извештајот на новинската агенција АФП, во земјата се регистрирани речиси 1.000 пожари за период од една недела.

Тагови: Алжир пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Американскиот астронаут Олдрин на Месечината однел и советско знаме, сега е продадено за 80.000 долари

Советското знаме што астронаутот Баз Олдрин го носеше на мисијата Аполо 11 што слета на Месечината е продадено во „Сотбис“ во Њујорк за 80.000 долари, според резултатите од аукцијата.

Американскиот астронаут Олдрин на Месечината однел и советско знаме, сега е продадено за 80.000 долари

Семејството на Олдрин го објави знамето со проценета цена од 7.000 до 10.000 долари пред продажбата. Знамето беше придружено со потпишано писмо од астронаутот со кое се потврдува неговото потекло.

Според огласот, црвено-жолтото советско знаме, со димензии 10 x 15 сантиметри, било носено на командниот модул Колумбија за време на историската мисија Аполо 11 во јули 1969 година.

„Летав на Месечината со Аполо 11“, напиша Олдрин на знамето.

Според астронаутот, тој го зел советското знаме со себе како гест на добра волја и за да покаже дека слетувањето на Месечината е достигнување за целото човештво, а не само за Соединетите Американски Држави. Покрај американското знаме, личниот комплет на Олдрин вклучувал знаме на Тексас, знаме на Њу Џерси и советско знаме.

Луѓето за прв пат слетаа на површината на Месечината на 20 јули 1969 година.

Американските астронаути Нил Армстронг и Баз Олдрин, членови на екипажот на Аполо 11, го постигнаа подвигот.

Тагови: месечината Олдрин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер