Лекарите со години ја игнорирале оваа болест, а сега е откриено дека ја предизвикуваат гени – и познато е кои! - Канал 5

Здравје

Лекарите со години ја игнорирале оваа болест, а сега е откриено дека ја предизвикуваат гени – и познато е кои!

Научниците конечно направија пробив во разбирањето на една од најзагадочните и најоспоруваните болести на денешницата – синдромот на хроничен замор, познат и како мијалгичен енцефаломиелитис (ME/CFS).

Лекарите со години ја игнорирале оваа болест, а сега е откриено дека ја предизвикуваат гени – и познато е кои!

Научниците ги пронашле првите цврсти докази дека гените имаат влијание врз тоа дали кај некого ќе се развие синдромот на хроничен замор или мијалгичен енцефаломиелитис (ME/CFS), мистериозна болест која со децении била игнорирана од многумина во здравствените кругови, пренесуваат британските медиуми.

Најновото истражување сугерира дека неколку генетски варијанти што се чести кај популацијата го зголемуваат ризикот за развој на болеста, иако многу луѓе ги поседуваат тие варијанти, а никогаш не заболуваат, пренесува „Гардијан“.

Истражувачот и професор на Универзитетот во Единбург, Крис Понтинг, ги нарече резултатите од истражувањето „аларм за будење“, покажувајќи дека генетиката може да ја наруши рамнотежата и да одреди дали некој ќе заболи од ME/CFS.

Како што наведува „Гардијан“, потребни се уште истражувања за да се развијат дијагностички тестови или скрининг со кои ќе можат да се идентификуваат лицата со висок ризик од заболување.

Научниците сепак ја нарекоа студијата пресвртница што го изедначува овој синдром со други исцрпувачки болести што го ослабуваат организмот, отворајќи пат кон потенцијално лекување.

„Ова придонесува за кредибилитетот кога станува збор за луѓето што страдаат од ME синдром“, изјави научничката Соња Чаудери. Таа додаде дека многу заболени добивале коментари од лекари дека тоа не е вистинска болест и наидувале на неверување.

Научниците знаат многу малку за причините за овој синдром, иако повеќето пациенти пријавиле дека пред првите симптоми имале некоја инфекција.

Се проценува дека од ME/CFS синдромот страдаат околу 67 милиони луѓе ширум светот.

Не постои лек ниту пак тест за дијагноза на оваа болест, наведува „Гардијан“. Еден од истражувачите, Енди Деверо Кук, изјавил дека резултатите од студијата ќе имаат огромно значење за пациентите.

„Огромното мнозинство од нив на еден или друг начин биле напуштени – од семејството, владата и здравствениот систем. Иако студијата не дава директни одговори ниту практична помош, таа претставува добредојдена капка во океанот со цел да се смени перцепцијата за оваа болест“, заклучи тој.

Професорката Ен Мекардл истакна дека резултатите од истражувањето нудат цврста основа за идната работа која ќе помогне да се забрза развојот на лек за оваа тешка болест.

Тагови: болести гените Хроничен замор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Протоколарна средба на претседателот на Собранието со британскиот амбасадор Метју Лосон

Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. 

Протоколарна средба на претседателот на Собранието со британскиот амбасадор Метју Лосон

Денеска во Собранието се одржа протоколарна средба на претседателот на Собранието на Република Македонија, Африм Гаши, со британскиот амбасадор Метју Лосон. Беа констатирани одличните билатерални односи меѓу Република Македонија и Обединетото Кралство, кои се одвиваат на редовна основа со развојна динамика.

Претседателот Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. Го истакна значењето на проектната помош за Собранието што се одвива преку Весминстер фондацијата за демократија и со која се зајакнуваат функциите на Собранието и Службата.

Амбасадорот Лосон изрази задоволство за потврдата на продолжување на веќе воспоставената соработка.

Претседателот Гаши го информираше амбасадорот за процесот на дигитализација на Собранието, за зајакнувањето на надзорната улога на Собранието, како и за подигнувањето на нивото на политичката култура во Собранието и подобрувањето на перцепцијата на законодавниот дом во јавноста.

Двајцата соговорници разменија мислења околу претстојните активности на Собранието, можностите и модалитетите во рамките на веќе утврдената соработка, но и за потенцијалите на друг вид на соработка од взаемен интерес. Беше изразена посебна благодарност до Обединетото Кралство за водечката улога и поддршка во развитокот и во клучните историски моменти на нашата земја како независна европска демократија.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер