Лекарите бараат измени на Законот за јавно здравје - Канал 5

Здравје

Лекарите бараат измени на Законот за јавно здравје

Лекарите бараат измени на Законот за јавно здравје за точно да се знае кој може да извршува естетски медицински интервенции.

Лекарите бараат измени на Законот за јавно здравје

Здружение на дерматовенеролози на Мaкедонија, Македонската асоцијација на пластични, реконструктивни и естетски хирурзи и Здружение за естетска медицина бараат измена и дополнување на Законот за јавно здравје за да се ограничи можноста за извршување на естетски медицински интервенции од лица кои немаат медицинска квалификација, со што ќе се зајакнат стандардите за безбедност и квалитет во оваа област.

-Иницијативата е поради се почестата злоупотреба на медицински помагала во контекст на употреба на хилајуронски филери, неуротоксин од страна на немедицински лица и се поголемиот број на комликации од истите, вели д-р Игор Пеев од Здружението на дерматовенеролозите.

Трите здруженија своите барања ги имаат испратено до министерот и заменик министерот за здравство и до собраниската Комисија за здравство.

Иницијативата вклучува и измена и дополнување на Законот за јавно здравје, особено во сегментот на неговата застареност и недореченост, што во пракса дозволува несоодветна примена и го загрозува здравјето на пациентите при изведување на медицински процедури од немедицински лица. Како на пример во член 33 од Законот, под активности со кои се продира под кожа, под иста капа се ставаат тетоважите, пирсингот, акупунктурата и слично, заедно со инјектирање на филери, ласерски процедури, липосукција и други медицински интервенции.

-Законот во моментот не одредува кој точно (може да ги извршува овие интервенции), а во друг дел кажува три специјалности. Постојат повеќе начини тоа да се регулира, повеќе модуси. Ние сме отворени за соработка, како фела што се бави со оваа дејност повеќе години, да најдеме начин тие да се одредат. Не само лицата туку и начинот на нивна квалификација, бидејќи не секој доктор е квалификуван и доквалификуван да работи во полето на естетска медицина, рече д-р Пеев.

Д-р Илиева, од Здружението за естетска медицина посочува дека последиците од нестручен третман можат да бидат навистина сериозни.

- Започнувајќи од ткивни инфекции, комликации на кожата кои можат да доведат и до сепса, понатаму запушување на крвни садови поради кои може да доведе до изумирање на дел од ткивото со трајни последици, ботулизам и.т.н...така што последиците се навистина сериозни. За жал, дел од нив се и ревирзибилни како што е на пример слепило кое може да биде предизвикано како последица на запушување на крвен сад, рече д-р Илиева.

Во насока на подигнување на свеста и стручната едукација, во сабота, на 22 февруари во Скопје ќе се одржи Шестиот симпозиум за естетска медицина со меѓународно учество. Овој настан ќе обедини врвни експерти од земјата и регионот, со цел размена на искуства и презентирање на најновите достигнувања во областа на естетската медицина.

Од Здружението за естетската медицина посочуваат дека тоа е медицинска гранка која бара високо ниво на експертиза и стручност, како и дека со предложените измени на Законот за јавно здравје, ќе се заштитат пациентите од несоодветно изведени интервенции и ќе се воспостават јасни правила за тоа кој може да извршува ваков вид медицински процедури.

Со симпозиумот се создава можност за професионален развој и унапредување на оваа медицинска дисциплина.

Здружението за естетска медицина ги повикува сите засегнати страни, медицински професионалци, институции и медиуми да дадат поддршка за оваа иницијатива со цел заштита на јавното здравје и унапредување на професионалните стандарди во естетската медицина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Издадено предупредување: Русите подготвуваат пекол (ВИДЕО)

Украинскиот претседател Володимир Зеленски изјави дека има информации дека Русија подготвува масовен напад врз Украина.

Издадено предупредување: Русите подготвуваат пекол (ВИДЕО)

„Постојат многу непријатни информации за подготовка на уште еден масовен руски напад. Постојат разузнавачки информации и веднаш по нашата прес-конференција ќе се вратам во Украина со мојот тим многу наскоро“, рече Зеленски на прес-конференцијата по церемонијата на отворање на ирското претседателство со Советот на Европската Унија.

Украинскиот претседател ги повика граѓаните да не ги игнорираат сирените за воздушен напад и веднаш да одат во засолништа во случај на опасност.

„Ги повикувам нашите луѓе да бидат особено внимателни, да се заштитат себеси, своите деца и семејства, да користат засолништа и да обрнат внимание на сирените за воздушен напад“, нагласи тој.

Тагови: Володимир Зеленски предупредување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Најголем пад на цената на златото во последните 13 години

Цените на златото паднаа за околу 16 проценти помеѓу април и јуни.

Најголем пад на цената на златото во последните 13 години

Ова беше најлошиот квартален резултат од вториот квартал од 2013 година, бидејќи инвеститорите го изгубија оптимизмот за неприносните средства поради потенцијалното зголемување на каматните стапки.

Годината започна добро за златото, достигнувајќи го рекордниот максимум од 5.586,20 долари за унца на 29 јануари, но следеше голем пад.

Војната на Блискиот Исток ги зголеми цените на енергијата, повторно разгорувајќи ги стравовите од инфлација и зголемувајќи ја веројатноста дека Федералните резерви на САД дополнително ќе ги зголемат каматните стапки, објави CNBC.

Фјучерсите за злато останаа во минус денес, намалувајќи се за 1,24 проценти во раната трговија на 3.989 долари, додека спот златото (за моментална испорака) исто така падна, паѓајќи за 0,82 проценти на 3.974,51 долари.

Среброто, исто така, забележа остар пад, бидејќи фјучерсите паднаа за 3,34 проценти на 57,49 долари, додека спот среброто падна за 1,31 процент на 57,80 долари во раната трговија.

Инвестицискиот институт Амунди сè уште очекува дека попредизвикувачките монетарни мерки, во комбинација со високиот јавен долг и желбата на централните банки да ги диверзифицираат своите резерви подалеку од средствата во долари, би можеле да ја зголемат побарувачката за злато и други скапоцени метали во втората половина од годината. Најновото годишно истражување на Светскиот совет за злато покажува дека голем број глобални централни банки планираат да ги зголемат своите резерви на злато во наредната година, па затоа оптимизмот не исчезнал целосно од пазарот.

Извор: Б92

Тагови: злато

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода возач кој управувал возило со двојно поголема брзина поголема од дозволената

Сообраќајните контроли ќе продолжат и во наредниот период на територијата на цела држава.

Лишен од слобода возач кој управувал возило со двојно поголема брзина поголема од дозволената

Денеска (01.07.2026) во 18:00 часот на патот Гостивар-Тетово поточно на клучка Боговиње од страна на полициски службеници од Мобилната единица за безбедност на сообраќајот на патиштата при Секторот за сообраќајни работи на МВР со специјално возило пресретнувач беше измерена возило со брзина од 177 км/ч каде брзината на движење е ограничена со сообраќаен знак на 80 км/ч.

По насоки на јавен обвинител К.Б. од Тетово е лишен од слобода кој управувал патничко возило "шкода" со тетовски регистарски ознаки. Против возачот К.Б. (47) од Тетово се преземени соодветни мерки и ќе се соочи со законски предвидената санкција по чл.297-а од Кривичниот законик на РСМ.

Сообраќајните контроли ќе продолжат и во наредниот период на територијата на цела држава, со цел санкционирање на сторителите, зголемување на безбедноста и заштита на учесниците во сообраќајот.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта.

Тагови: брзина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер