Докторката вели дека грипот е многу сериозен со висока температура со денови, кашлица и поврќање. Најризични се децата до четири годишна возраст каде вирусот многу брзо прогресира. Родителите на своја рака да не даваат антибиотици и да се консултираат со педијатрите. До 100 прегледи дневно со симптоми на грип има во амбулнатата и во телефоснките разговори со родителите..
-Температура што не се смирува повеќе од 5 до 7 дена, тешко дишење, свиркање во гради, да не речам тешко дехидрирано дете, може да побуди сомнеж дека самата грипозна инфекција е сериозна. Кај таквите дечиња може да инсистираме да се направат дополнителни тестирања, да се докаже дали има секундарна бактериска инфекција и затоа тие дечиња се препраќаат на терцијална,- - д-р Мира Атанасова – специјалист педијатар.
Во однос на големата или магарешка кашлица која поседниот период повторно почна да се појавува, Д-р Атанасова вели дека станува збор за сериозна состојба, со тешка клиничка слика кај децата и со голем број на смртност наназад низ годините, која единствено може да се превенира со вакцинирање на детето со ДТПР вакцината. Таа посочува дека во поново време педијатрите болеста ја изучувале преку слики и касетофони со оглед на тоа што била во децениско изумирање .
- За пертузисот би рекла најризична, најкритична за мало бебе, за новородено, за доенче. Верувајте ако нема ниедна вакцина ДТПР примено тогаш ние како педијатри се плашиме како тие ќе ја завршат клиничката слика. Мора да си ги вакцинираме децата, овој тренд верувајте не е од денес, овој тренд на антиваксерство е наназад неколку години. Ние на касетофон сме слушале како изгледа дете со петрузис. Зошто сега дозволуваме во 21 век да ни се врати болест која е редуцирана, која СЗО дала сертификат на нашава држава и на сите други држави дека таа болест е искоренета,- - д-р Мира Атанасова – специјалист педијатар.
Во соседството состојбата со големата кашлица станува алармантна. Во Србија, според Институтот за јавно здравје региститрирани се над 1000 случаи на голема кашлица, а на крајот на декември минатата година, во Белград беше прогласена епидемија. Кај нас по двата случаи на голема кашлица, нема нови регистирани. Во меѓувреме, расте бројот на заболени со грип. Од таа причина Комисијата за заразни болести даде препораки за забрана на посети во болниците и старските домови и носење на заштитни маски во здравствените установи.