Забава

Лекар открива зошто денес младите сè поретко влегуваат во интимни односи

Сè поголем број истражувања сугерираат дека Генерацијата Z е помалку интимна од своите претходници, а еден доктор за сексуално здравје понуди можно објаснување на овој тренд.

Генерацијата Z, особено од почетокот на пандемијата, се чини дека стана значително помалку дружељубива во однос на своите претходници, што донекаде е разбирливо со оглед на тоа што пораснале пред екран, а не со директни социјални контакти. Запознавањето и излегувањето денес не е толку едноставно како некогаш. Апликациите за запознавање станаа главен начин за наоѓање партнер, каде што еден потег со прстот често одлучува дали некој воопшто ќе ве запознае.

Додека постарите генерации се поотворени за својата сексуалност, честопати споделувајќи детали во подкасти и ТВ емисии, дел од Генерацијата Z се соочува со тешкотии кога станува збор за интимните односи. Циниците би рекле дека тоа можеби е така затоа што денес младите луѓе пијат помалку, користат помалку дрога и генерално излегуваат помалку, но еден доктор за сексуално здравје нуди поинакво објаснување.

Стресот како клучен фактор

Д-р Марк Перера, во разговор за LADbible, истакнува дека е тешко да се утврдат точните причини за овој феномен. „Бројни социјални студии покажуваат дека Генерацијата Z има помалку сексуални односи, но тешко е да се каже точно зошто. Голем дел од причината е поврзана со стресот, економијата и станбеното прашање. Исто така, тука е и прашањето дали младите луѓе имаат можност да создадат услови за интимност и релаксација“, вели тој.

Според него, проблемите на Генерацијата Z во интимните односи би можеле да бидат поврзани со општото незадоволство од состојбата во светот и недостатокот на финансиски можности, што, според него, е сосема разбирливо.

Разбирање на сопствените потреби

Д-р Перера додава дека постои уште еден важен елемент. „Постои и прашањето за разбирање на сопствените потреби. Не станува збор за следење на социјалните очекувања, туку за поставување прашања како: „Дали сум спремен за секс?“, „Дали воопшто сакам да имам секс?“, „Какво е моето либидо во моментов?“ Верувам дека станува збор за подобро разбирање на самите себе“, објаснува докторот.

Покрај стресот, постојат и други фактори што треба да се земат предвид. На пример, за младите мажи, негативните влијанија од интернетот можат да ги намалат нивните шанси со спротивниот пол, бидејќи малкумина сакаат да бидат интимни со некој кому пример му Ендру Тејт. Фактот дека Генерацијата Z пие помалку алкохол може исто така да има одредено влијание.

Ретките сексуални односи не се проблем само на една возрасна група. Истражувањата покажуваат дека просечниот број на односи се намалува и по влегувањето во брак, што на некој начин ги потврдува старите стереотипи.

Квалитетот е поважен од квантитетот

Сепак, важно е да се запомни дека бројот на односи не е пресуден, туку поважен е квалитетот на интимниот живот. На припадниците од Генерацијата Z кои се соочуваат со овој проблем, им се советува да запознаат некого во реалниот живот, наместо да се потпираат исклучиво на советите од интернет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Италија по 40 години и се враќа на нуклеарната енергија

Четириесет години по затворањето на нуклеарните централи поради катастрофата во Чернобил, Италија се подготвува за нивно враќање.

Владата на премиерката Џорџа Мелони сака да ја зајакне енергетската безбедност на земјата. Владата смета на поддршката од помладите генерации, кои на нуклеарната енергија гледаат како на извор на електрична енергија со ниска емисија на јаглерод, клучен за справување со климатските промени и за стабилизирање на снабдувањето.

Аналитичарите проценуваат дека властите се надеваат оти поддршката од младите ќе го надмине отпорот на постарите генерации, кои биле сведоци на несреќата во 1986 година и гледаат со недоверба на атомската енергија. Италијанците веќе двапати гласале на референдуми против нуклеарните централи, пишува „Асошиејтед прес“.

Се очекува Парламентот следната недела да ја одобри законската рамка за нуклеарни технологии од новата генерација.

Потоа, Владата ќе има рок од 12 месеци да донесе прописи во врска со издавањето дозволи за реактори, безбедносните стандарди, одлагањето на отпадот и изборот на локации.

Пред гласањето, Џилберто Пикето Фратин, министерот за животна средина и енергетска безбедност, изјави: „Должност на Владата во овој момент е да создаде услови за оние што на крајот ќе одлучуваат за постројките, да можат да го сторат тоа“.

Дебатата во Италија се надоврзува на поширокиот европски тренд, бидејќи земји како Франција и Полска ја прошируваат или воведуваат нуклеарната енергија за да обезбедат енергетска сигурност и да ги исполнат климатските цели. Сепак, случајот со Италија е единствен, бидејќи вклучува обид за оживување на индустрија што јавноста претходно ја отфрлила.

Италија некогаш беше европски лидер во областа на нуклеарната енергија. Нејзините четири реактори работеа сè до референдумот во 1987 година – одржан по катастрофата во Чернобил – со кој практично беше запрена програмата. Подоцнежниот обид за оживување на секторот беше прекинат во 2011 година по катастрофата во Фукушима, кога 94 отсто од гласачите се спротивставија на изградбата на нови реактори.

Евентуалното враќање кон нуклеарната енергија би претставувало еден од најамбициозните енергетски пресврти во Европа. Владата на Џорџа Мелони својот план го оправдува со растечката побарувачка за електрична енергија, климатските цели и неизвесноста предизвикана од руската инвазија врз Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Раперот Пи Диди завршил во самица поради тепачка во затвор

Некогаш мегапопуларниот рапер Пи Диди заврши во самица поради тепачка во затвор. Раперот не престанува да прави проблеми по пресудата.

Шон Диди Комбс, познат како Пи Диди, во октомври 2025 година беше осуден на 50 месеци затвор под обвинение за поттикнување или овозможување проституција.

Познатиот музички магнат Шон „Диди“ оваа недела бил сместен во самица по тепачка со друг затвореник. Според TMZ, музичарот влегол во жестока расправија поради острите критики упатени кон него од друг затвореник, поради што „ја зел работата во свои раце“.

Повеќе извори наведуваат дека затворениците во затворот „Форт Дикс“ се тепале и се туркале меѓусебно. Затворскиот персонал ги раздвоил мажите, а Комбс бил сместен во самица, велат изворите. Не е познато дали тој сè уште се наоѓа таму или дали конфликтот ќе влијае на датумот на неговото ослободување во 2028 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски и Трамп во Белата куќа. „Средбата беше добра“

Украинскиот претседател Володимир Зеленски денеска се сретна со американскиот претседател Доналд Трамп во Белата куќа за да разговараат за нови дипломатски напори за ставање крај на војната во Украина.

Двајцата лидери разговараа и за можноста за лиценцирано производство на американски системи за противвоздушна одбрана, пренесува „Киев индепендент“ (The Kyiv Independent).

По средбата, Зеленски изјави дека таа била „добра“. „Со претседателот разговаравме за лиценци за производство на пресретнувачи за системот ’Патриот‘ и за неколку други идеи што би можеле да помогнат“, рече Зеленски. „Исто така, се осврнавме и на дипломатијата. Важно е тој процес повторно да се активира, а нашите тимови ќе ја организираат понатамошната комуникација.“

Средбата започна во 9:47 часот по локално време, траеше околу еден час и се одржа зад затворени врати, потврди претставник на Белата куќа. Советниците на украинскиот претседател сметаат дека Трамп станал посклонен кон Украина и дека оваа средба е можност да се обезбеди неговата поддршка.

Тагови: Володимир Зеленски Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.