Легендарниот Жерар Депардје во понеделник ќе се појави на суд – две жени го тужат за силување - Канал 5

Шоу биз

Легендарниот Жерар Депардје во понеделник ќе се појави на суд – две жени го тужат за силување

Францускиот актер Жерар Депардје, кој се соочи со серија обвинувања за сексуален напад и силување, во понеделник ќе се појави пред судот во Париз обвинет за сексуално вознемирување на две жени за време на снимање филм од 2021 година.

Легендарниот Жерар Депардје во понеделник ќе се појави на суд – две жени го тужат за силување

Седумдесет и шестгодишниот Депардје, кој глумеше во повеќе од 200 филмови и телевизиски серии, е обвинет за непримерно однесување од дваесетина жени, но ова е прв случај за кој му се суди. Тој е најистакнатата личност што се соочила со обвинувања како дел од одговорот на француската кинематографија на движењето #MeToo.

Вознемирување на филмски сет

Случајот пред Кривичниот суд во Париз се однесува на наводите за сексуално вознемирување и силување за време на снимањето на филмот Les Volets Verts (Зелени капаци) од 2021 година на режисерот Жан Бекер. Аноук Гринберг, добро позната актерка која исто така се појавува во филмот, ги поддржа двете тужителки, 54-годишната сценска мајсторка и 34-годишната помошник режисер, кои тврдат дека Депардје сексуално ги вознемирувал.

Гринберг рече дека Депардје постојано дава „вулгарни коментари“. „Кога филмските продуценти го ангажираат Депардје за филм, знаат дека ангажираат насилник“, изјави таа за АФП.

Судењето, кое првично требаше да започне во октомври, беше одложено поради лошата здравствена состојба на актерот. Адвокатот на Депардје, Џереми Асус, тогаш изјави дека актерот имал бајпас на срцето и дека боледува од дијабетес, кој бил влошен од стресот поради претстојното судење.

„Тој целосно ги негира сите обвинувања.“

Оттогаш Депардје бил испитан од судски вештак и утврдил дека е способен да му се суди. Според адвокатот, настапите на Депардје во судот се ограничени на шест часа дневно и тој ќе паузира секогаш кога ќе има „потреба“. Асус рече дека актерот „целосно ги негира сите наводи“.

Инаку, на 9-ти јануари оваа година, една жена поднесе тужба против актерот за сексуален напад пред 10 години, на снимањето на филмот Le Magicien et les Siamois. Жената, која сака да остане анонимна, во моментот на инцидентот имала 24 години. Работела како асистент и го обвинува познатиот актер дека ја допирал по интимните делови, давајќи вулгарни забелешки.

Уште 13 жени се огласија со обвинувања

Пред тоа, Депардје беше обвинет за слично однесување од 13 други жени. Наводите биле изнесени од актерки, шминкери и продукциски персонал, од кои некои зборувале анонимно, а наводното малтретирање се случило за време на снимањето на 11 филмови помеѓу 2004 и 2022 година. Случајот претходно беше отфрлен во 2019 година поради недостиг на докази, но повторно беше отворен во 2020 година, а кривичната пријава е поднесена во декември.

Тагови: Депардје силување

Свет

Трамп изјави дека „100 проценти ќе има трговски договор“ со ЕУ

Американскиот претседател Доналд Трамп изрази „100 проценти“ увереност во постигнувањето „трговски договор“ во тековниот царински спор со Европската унија, за време на денешната средба со италијанската премиерка Џорџа Мелони во Белата куќа.

Трамп изјави дека „100 проценти ќе има трговски договор“ со ЕУ

- О, ќе има трговски договор, 100 отсто, рече Трамп.

Тој одговараше на новинарско прашање што ќе се случи ако нема договор на крајот од 90-дневната пауза што ја одреди – и реагираше речиси со потсмев, пренесе ДПА.

- Што, мислите дека нема да има … се разбира дека ќе има трговски договор. Многумина сакаат да склучат договор, многу, многу. И ние ќе направиме трговски договор. Целосно го очекувам, но тоа ќе биде фер договор, рече Трамп.

Минатата недела, по значителните турбуленции на берзите и финансиските пазари, Трамп неочекувано одлучи да им одобри на многу земји, вклучително и на ЕУ, 90-дневна пауза од одредени царини.

Овие царини се казнени и се засноваат на трговскиот дефицит на соодветните земји, а исклучок е Кина.

Со оваа одлука, Трамп привремено стави дел од својот обемен царински пакет во мирување. ЕУ, исто така, соопшти дека ќе ги суспендира планираните одмазднички царини за американските производи на 90 дена.

Фото: ЕПА

Тагови: Доналд Трамп Мелони

Фудбал

Ван Дајк останува во Ливерпул до 2027

Капитенот на Ливерпул, Вирџил ван Дијк денеска го продолжи договорот со англискиот клуб до 2027 година.

Ван Дајк останува во Ливерпул до 2027

„Многу сум среќен и горд. Има толку многу емоции кои ми поминуваат низ главата токму кога зборувам за тоа. Се чувствувам горд и радосен. Тоа е неверојатно. Патувањето што го имав досега во мојата кариера и можам да го продолжам за уште две години во овој клуб е неверојатно и многу сум среќен“, изјави Ван Дајк.

Холандскиот фудбалер му се приклучи на Ливерпул во јануари 2018 година од Саутемптон за тогаш рекордна сума од 75 милиони фунти за дефанзивец.

Досега Ван Дајк одигра 314 натпревари и постигна 27 голови за Ливерпул, со кој меѓу другото ја освои Лигата на шампиони во 2019 година и Премиер лигата во 2020 година.

Тагови: Ливерпул Ван Дајк

Свет

ММФ не предвидува рецесија годинава и покрај царините на Трамп

Трамп воведе царини од најмалку 10 отсто за сите стоки што влегуваат во САД почнувајќи од 5 април, и до 145 отсто за кинески стоки, покрај постојните царини воведени пред тој да се врати во Белата куќа.

ММФ не предвидува рецесија годинава и покрај царините на Трамп

Царинските мерки на американскиот претседател Доналд Трамп ќе влијаат на глобалната економија и ќе предизвикаат големо забавување на економскиот раст годинава, но без транзиција во рецесија, изјави денеска извршната директорка на Меѓународниот монетарен фонд (ММФ), Кристалина Георгиева.

И покрај несигурноста предизвикана од трговската политика, „нашите проекции за раст се во голема мера намалени, но не укажуваат на рецесија“, рече Георгиева во својот традиционален воведен говор пред пролетните состаноци на ММФ и Светската банка.

Состаноците почнуваат следната недела, кога меѓународните финансиски институции ќе ги претстават своите ажурирани прогнози за светската економија.

Трамп воведе царини од најмалку 10 отсто за сите стоки што влегуваат во САД почнувајќи од 5 април, и до 145 отсто за кинески стоки, покрај постојните царини воведени пред тој да се врати во Белата куќа.

Тагови: ММФ
притисни ентер