Единаесет вештини што децата треба да ги совладаат пред студиите

Заминувањето на факултет за младите е прво големо искуство за самостојниот живот. Покрај академските обврски, тие се соочуваат и со бројни секојдневни предизвици, затоа родителите/старателите би требало да ги подготват за полесно прилагодување на новата средина. Еве кои работи треба да ги научат децата пред да заминат на студии во некој друг град или пред да одлучат да живеат сами.

Организација на времето и обврските

Децата би требало да научат самостојно да го организираат своето време и да се фокусираат на она што им е најважно, а најтешките обврски да ги извршуваат кога се најпродуктивни, пишува Your Tango.

Справување со стресот

Иако одредено ниво на стрес е нормален дел од животот, тоа не смее да биде трајна состојба. Вежбањето, вежбите за дишење, медитација и поминувањето време во природа може да ни помогнат полесно да се носиме со стресот.

Основи на готвењето

Познавањето на основни кулинарски вештини им помага на децата да јадат побалансирана храна и да бидат понезависни. Учењето да испланираат оброк, да купат намирници и да го приготват е важен дел од грижата за себе.

Одржување на просторот

Животот со цимери бара одговорност за заедничкиот простор. Едно истражување на Универзитетот Харвард покажало дека домашните обврски им помагаат на децата да развијат одговорност, емпатија и чувство на самостојност.

Управување со пари и финансиска писменост

Младите треба да ги разбираат основите на пресметување на приходите и расходите на паричните средства со кои располагаат, да научат да штедат и да користат банкарска сметка пред да одат на факултет. Финансиската писменост може да им помогне да избегнат долгови и да носат подобри парични одлуки.

Самостојно закажување термини

Важно е да знаат сами да договорат лекарски преглед, да водат сметка за рецептите и да ги следат важните обврски. Ваквите задачи го зајакнуваат чувството на независност и самодоверба.

Професионални комуникациски вештини

Студентите треба да знаат како да напишат професионална е-пошта, да разговараат со професори и да се застапуваат себеси на соодветен начин. Ваквите вештини стануваат важни во текот на првите месеци од студирањето.

Регулирање на сопствените емоции

Способноста да ги препознаат и да управуваат со емоциите е важна во односите, за менталното здравје и при соочување со предизвиците. Разговорот за чувствата, водењето дневник или други методи на саморефлексија можат да помогнат во развојот на оваа вештина.

Поставување остварливи цели

Поставувањето цели не е вродена способност, туку вештина што може да се научи. Јасните краткорочни и долгорочни цели можат да им помогнат на студентите да останат мотивирани и фокусирани на она што сакаат да го постигнат.

Решавање на конфликти со почит

На факултет, децата сретнуваат луѓе со различни ставови и навики. Затоа е важно да научат конструктивно да ги решаваат несогласувањата и да го изразат сопственото мислење без да навреда или без повлекување од комуникацијата.

Носење информирани одлуки

Пред да го напуштат домот, младите луѓе треба да имаат можност сами да донесуваат одлуки и да учат од сопствените грешки. Психологот Рејчел Бусман истакнува: „Ако им дадеме можност да донесуваат мали одлуки, тие ќе знаат што да прават во големи ситуации бидејќи ќе бидат обучени.“ Институтот за детски ум наведува дека рамнотежата помеѓу независноста и поддршката е клучна за развивање на одговорност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ѕверот го соборил несреќниот човек на земја и го држел со канџите за да го спречи да избега, додека тој се обидувал да ја смири - галејќи ја.

Таа ги покажала забите и ржела

На вознемирувачката снимка се гледа локален сточар како се обидува да се ослободи од стисокот на големата мачка. Во позадина се слушаат вресоците на собраните луѓе, но никој не се осмелил да се приближи и да се обиде да го спаси.

Лавицата ги покажала забите и ржела во неколку наврати, додека човекот лежел приклештен под нејзините нозе. Според локалните медиуми, животното го држело речиси 30 минути.

Инцидентот се случил на 6 јули во селото Гараџија, објавува Дејли Меил.

Според сведоците, лавицата одеднаш го нападнала човекот додека тој одел да го храни добитокот. Таа го соборила на земја и почнала да го гребе по ногата.

Луѓето што се нашле во близина се обиделе да го исплашат ѕверот фрлајќи камења и викајќи, но нивните обиди биле неуспешни.

Наместо тоа, несреќниот човек решил да направи нешто неочекувано - почнал да ја гали лавицата за да ја смири. Оваа необична тактика се покажала како успешна.

„Ме нападна одзади и ме собори“

По некое време, лавицата се откажала и се повлекла кон блиската шума, а човекот бил однесен во локална болница, каде што се лекува.

Во интервју за локалните медиуми, тој ги опишал моментите на ужас.

„Одев да го хранам добитокот кога лавицата одеднаш ме нападна одзади и ме собори. Ме фати за рака и не сакаше да ја пушти долго време“, рекол тој.

Само неколку недели пред овој инцидент, петгодишно момче било убиено откако било нападнато од лавица во областа Амрели. Детето наводно шетало со својот дедо кога дивото животно ги нападнало.

Шумската служба започна потрага по лавицата што го нападна овчарот, со цел да ја пронајде и безбедно да ја отстрани од областа каде што повторно би можела да претставува закана за луѓето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Абас го одреди датумот со декрет, повикувајќи ги Палестинците на Западниот Брег, Источен Ерусалим и Појасот Газа да гласаат. На последните избори, на 25 јануари 2006 година, исламистичката организација Хамас освои мнозинство со 74 места во Палестинскиот законодавен совет од вкупно 132 места.

Една година подоцна, Хамас ја презеде контролата врз Појасот Газа по жестоките судири со движењето Фатах на Абас. После тоа, парламентот се најде во голема мера парализиран. Палестинскиот уставен суд на крајот го распушти кон крајот на 2018 година.

Претседателски избори во првиот квартал од следната година

Дали изборите ќе се одржат и под кои услови останува неизвесно, истакнува агенцијата ДПА. Израел го смета Источен Ерусалим за дел од својот главен град, кој го смета за неделив, и ги забрани официјалните политички активности на Палестинската власт во градот. Таа анексија генерално не е меѓународно призната.

Во опустошениот Појас Газа, Хамас е сè уште главен политички актер, и покрај војната со Израел. Претседателските избори, кои исто така не се одржуваат со години подолго од планираното, се закажани за првиот квартал од 2027 година.

Абас, кој сега има 90 години, ги доби последните претседателски избори на 9 јануари 2005 година. Неговиот редовен четиригодишен мандат заврши во 2009 година. Оттогаш, претседателските избори беа одложени или откажани неколку пати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.