Леброн се изнервира и им се нафрли на судиите: Гледај ја снимката (ВИДЕО) - Канал 5

Кошарка

Леброн се изнервира и им се нафрли на судиите: Гледај ја снимката (ВИДЕО)

Лос Анџелес Лејкерс ноќеска загуби на гостувањето кај Минесота Тимбервулфс со 108:106 во контроверзна завршница.

Леброн се изнервира и им се нафрли на судиите: Гледај ја снимката (ВИДЕО)

Лејкерси беа во негатива од седум поени на 36 секунди до крајот, но успеаја да намалат и веруваа дека израмнија на две и пол секунди до крајот, кога Леброн погоди тројка за 107:107.

Сепак, судиите го видоа тој кош како два, по што клупата на Лејкерси побара да се прегледа лентата. Судиите во „центарот за реприза“ ја прегледаа снимката и ги известија судиите на паркетот дека Леброн стапнал на линијата и дека правилно одлучиле дека кошот вреди два поени. Кога го слушна тоа, Џејмс целосно ги загуби нервите, а на судиите не им помогна ниту тоа што го оставија мониторот на кој се пушташе видеото од акцијата.

„Гледај! Леброн му се развика на судијата, покажувајќи го моментот кога неговата патика не ја допира линијата. „Не решив јас, туку луѓето во центарот“, одговори судијата, што дополнително го налути Леброн.

„Погледнете ја е**ната лента! Погледнете ја е**ната лента“, беснееше Џејмс, но судиите не обрнуваа внимание. Тимбервулфс потоа погодија едно слободно фрлање и натпреварот заврши со победа на Минесота со 108:106.

„Не разбирам зошто ја имаме лентата ако погрешно ја толкуваме. Стиви Вондер би видел како мојата нога не ја допира линијата, а тие не. Се прашувам кој ги гледа снимките. Луѓе или некој вид робот?“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче ја прозва Петровска за криминал од 37 милиони евра и со тоа јавно потврди за криминалното владеење на СДС со државата

Филипче ја прозва Петровска за криминал од 37 милиони евра и со тоа јавно потврди за криминалното владеење на СДС со државата, Филипче нека даде одговори и за скандалите поврзани со него .

ВМРО-ДПМНЕ: Филипче ја прозва Петровска за криминал од 37 милиони евра и со тоа јавно потврди за криминалното владеење на СДС со државата

Венко Филипче дури откако почнаа внатрепартиските пресметки проговори за криминалот во СДС и конкретно ја прозва Славјанка Петровска во врска со наводите околу набавката на хеликоптери и договор за кој, според Филипче постоела разлика од дури 37 милиони евра.

Филипче со објавувањето на овој скандал јавно потврди за корупцијата и криминалното владеење на СДС.

Филипче почна да зборува за истрага и кривични дела, расфрла пердуви за криминал од 37 милиони евра и сега молчи и се крие.

Кога веќе Филипче почна да говори за криминалот и скандалите во СДС нека даде одговор и за тоа како добил златна виза за Дубаи, како добил автомобил од фирма која добива тендер за ископ на јаглен, треба да каже како менуваа ДУП во Дојран за изградба на фотоволтаична централа на фирма на неговиот брат и на братот на Заев.

Јавноста очекува одговори и за наводите што се појавуваат во јавноста за овие скандали.

Ако Филипче навистина сака да се бори против корупцијата, тогаш нека важи истото правило за сите и за политичките противници, и за неговите најблиски соработници, и за него самиот.

Затоа Филипче, ако почна да зборува за криминал и корупција во СДС нека бара истрага до крај. Филипче нека биде транспарентен и неселективен до крај.

Ако Филипче нема што да крие, тогаш нека одговори на сите прашања што јавноста со години ги поставува. Доста е со селективна транспарентност. Јавноста заслужува целосни одговори.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамијата Христијан повторно ѝ се заканува на СДСМ, стравот му влезе во коски

Во Брвеница синоќа не зборуваше премиер. Зборуваше човек што губи.

СДСМ: Арамијата Христијан повторно ѝ се заканува на СДСМ, стравот му влезе во коски

Паѓа ВМРО. Паѓа тој. Народот им ја зема довербата.

Паниката има име: Лаура Ковеши. Европско обвинителство. Истрага што не застанува пред презиме, функција и партиска книшка.

Сам призна дека води војна против СДСМ. Не против криминалот туку против единствената опозиција што го именува.

Војната ја води со цела екипа. Со Вучиќ, со Орбан, со нивните медиуми, со таканаречените новинари и лажни аналитичари. Ја води со Русија, со играчи на БИА, со Латас, со Ивона.

Со луѓе без морал. Со тендер-патриотите од ЗНАМ. Со руската Левица, анти-ЕУ, анти-НАТО, анти-Америка, што не влезе во салата и не гласаше за минимална плата од 600 евра. Ја води со Платформата, ЗНАМ 2.0, за 1,6 милиони.

Сателити. На далечинско. Не со народ.

Луксуз-патриоти со бугарски пасоши. „Институција“ со часовници од 60.000 евра и костим од 10.000. Народот нема за храна, нема за сметка. Тој има за се. Затоа таков говор во Брвеница и закана за втор круг.

Христијане. Ќе одговараш. Ти и целата банда. И тоа го знаеш. Затоа врескаш.

Затоа ти треба алиби. Затоа ти треба сателит, не глас.

СДСМ, заедно со народот, ќе ја врати власта во рацете на народот. Вистината стигна. Правдата доаѓа.

За Организираната криминална група ВМРО-ОКГ нема втор круг. Има прв круг - одговорност.

Скопје, 09.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зеленски ги обвини САД дека не се подготвени да ѝ помогнат на Украина, бара пристап до сателитската услуга „Старлинк“

Зеленски ги обвини САД дека не се подготвени да ѝ помогнат на Украина откако во рускиот бомбашки напад вчера загинаа најмалку 35 лица на исток, со што бројот на жртви од руските напади во последните два дена се зголеми на над 70.

Зеленски ги обвини САД дека не се подготвени да ѝ помогнат на Украина, бара пристап до сателитската услуга „Старлинк“

Неколку часа по нападот на два автобуса во градот Краматорск, Зеленски ги критикуваше напорите на Вашингтон да воспостави економски врски со Русија.

Зборувајќи со новинарите во Прилуки, украинскиот лидер ги повика САД да се согласат со неговите барања за проширување на пристапот на Украина до сателитската услуга „Старлинк“ за да ѝ помогнат во таргетирањето на руските лансери на балистички ракети.

- Го отворивте кога му одговаравте на Иран... Јас реков сосема отворено - дајте ни го, помогнете ни да го одбраниме нашето небо и да доминираме таму. А потоа Путин ќе седне на преговарачката маса“, рече тој во емотивна изјава.

Пред Москва да нападне, високи руски и американски претставници, вклучувајќи го и специјалниот претставник на Сад Џаред Кушнер, разговараа за привлекување американски инвеститор во гасоводите „Северен тек“ што испорачуваа руски гас во Германија објави Ројтерс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер