Леброн Џејмс продолжува да руши рекорди - Канал 5

Леброн Џејмс продолжува да руши рекорди

Легендата Леброн Џејмс го собори сопствениот рекорд играјќи на НБА Ол-стар натпреварот по 21-ви пат по ред, по избор на навивачите. 

Леброн Џејмс продолжува да руши рекорди

Грчкиот кошаркар на Милвоки Бакс, Јанис Антетокунмпо, стана деветтиот кошаркар кој го освоил гласот на навивачите, објавија американските медиуми.

Покрај Антетокунмпо, другите стартери во натпреварот ќе бидат Џејлен Брунсон од Њујорк Никс, Донован Мичел од Кливленд, Џејсон Тејтум од Бостон и Карл-Ентони Таунс во Источната конференција.

Стеф Кари од Голден Стејт и водечкиот стрелец во НБА, Шаи Гилгеус-Александер беа избрани за Западната конференција, како и Кевин Дурент од Феникс Санс и Никола Јокиќ од Денвер, заедно со Леброн Џејмс.

Ѕвездите беа избрани по гласање во кое 50 отсто од гласовите беа од навивачите, 25% од панелот на новинари и 25% од сегашните играчи.

За Ол-стар натпреварот ќе има уште 14 играчи, кои ќе бидат избрани по гласањето на тренерите на НБА. Ростерот официјално ќе биде објавен на 30 јануари, а Ол-стар натпреварот ќе се одржи на 16 февруари во Сан Франциско.

Меѓу кандидатите за резерви се Виктор Вембањама од Сан Антонио, Ентони Дејвис од Лос Анџелес Лејкерс, Ентони Едвардс од Минесота, Лука Дончиќ и Кајри Ирвинг од Далас, МВП на последниот Ол-стар натпревар Демијан Лилард од Милвоки, Тајлер Хироу на Мајами, Треј Јанг од Атланта и ЛаМело Бол од Шарлот.

Ова ќе биде првиот Ол-стар натпревар во нов формат од три натпревари. 24-те играчи ќе бидат поделени во три тима од по 8, а за нивниот избор се одговорни поранешните НБА ѕвезди Шекил О'Нил, Чарлс Баркли и Кени Смит.

Овие три тима ќе влезат на турнир со четири тима, а четвртиот тим ќе биде составен од дебитанти и НБА играчи кои се втора година во НБА, односно ѕвезди во подем. Ќе има две полуфиналиња, а победниците ќе играат во финалето. Форматот ќе биде краток и ќе победи првиот што ќе достигне 40 поени.

Тренерот на Оклахома Сити, Марк Дајно и помошник од неговиот штаб ќе предводат две од екипите, додека другите две ќе ги предводи тренерот на Кливленд, Кени Аткинсон и неговиот помошник.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фановите за синот на Рис Витерспун: Тој е нејзина машка верзија (ФОТО)

Синот на Рис Витерспун и Рајан Филип, Дикон Филип, се појави на премиерата на „Ел“ во вторник во чест на својот татко.

Фановите за синот на Рис Витерспун: Тој е нејзина машка верзија (ФОТО)

Младиот музичар изгледаше речиси идентично како својот татко на премиерата на „Русокоса од Харвард“ во 2001 година, а настанот беше почит кон култната франшиза што се враќа на малите екрани, пишува Page Six.

Почит кон таткото по 25 години

Дваесет и двегодишниот Дикон избра црно одело, розова вратоврска и очила за сонце Ray-Ban за премиерата, пресоздавајќи ја комбинацијата што Рајан Филип ја носеше пред точно 25 години на црвениот тепих. А неговата мајка Рис ја избра розовата боја, исто како на премиерата на првиот филм.

Актерката носеше чипкана фустан со отворени рамена од Monse. Нејзиниот тогашен сопруг, Рајан, ја придружуваше на премиерата на првиот дел во 2001 година, а ја поддржа на премиерата на продолжението „Русокоса од Харвард 2“ две години подоцна.

Ќерката и помладиот син на Риса не беа на премиерата

Витерспун и Филип се разделија во 2006 година по седум години брак и ги делат Дикон и неговата 26-годишна сестра Ава, која не се појави на настанот во Њујорк. Исто така, отсуствуваше и 13-годишниот син на Рис, Тенеси, од нејзиниот втор брак со Џим Тот.

За што е серијата?

„Ел“, приквел на „Русокоса од Харвард“, ја следи помладата Ел Вудс низ нејзините средношколски години и пристигнува на Prime Video на 1 јули. На премиерата, Витерспун позираше со главната актерка во серијата, Лекси Минетри, која неодамна го позајми фустанот на Рис од премиерата во 2001 година за гостување во „Tonight Show“.

„Тој е машката верзија од неа“

Иако модниот избор на Дикон беше посветен на неговиот татко, корисниците на социјалните мрежи коментираа за необична сличност со неговата мајка. „Тој го има целото нејзино лице“, напиша еден обожавател на Инстаграм, додека друг додаде: „Тој е буквално машка верзија од неа“.

Дури и самиот Рајан Филип се согласи со ова во 2021 година, несогласувајќи се со тврдењата дека Дикон е намалена верзија од него. „Очигледно постои сличност татко-син. Но, тој всушност е многу повеќе како страната на семејството на Рис. Ава е повеќе како мојата“, изјави тој за E! News. Заедно со Ава и Дикон, Филип има и 14-годишна ќерка Каи со неговата поранешна партнерка Алексис Кнап.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судење за трагедијата во „Пулс“- дискотеката почнала со работа без да ги исполни законските услови

Дискотеката „Пулс“ во Кочани започнала со работа иако не ги исполнувала минималните технички услови за функционирање.

Судење за трагедијата во „Пулс“- дискотеката почнала со работа без да ги исполни законските услови

На денешното рочиште Обвинителството презентираше докази обезбедени од Министерството за економија и труд, кои, според обвинителите, покажуваат дека објектот започнал да работи и покрај тоа што не ги исполнувал законските услови.

Презентацијата на доказите ја започна обвинителката Наташа Сарамандова, но беше прекината откако одбраната побара нејзино изземање, обвинувајќи ја за пристрасно постапување при изведувањето на доказите. За барањето ќе одлучува државниот јавен обвинител Ненад Савески, а со презентцијата продолжи друг обвинител.

По оваа одлука, родителите на загинатите во знак на револт ја напуштија судницата во КПУ Идризово. Претставник на семејствата, оцени дека наместо фокусот да биде на доказите, сè повеќе вниманието се пренасочува кон процедурите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Жител на зграда во Венецуела се снимал како спасува жива глава, додека сѐ околу него се урива (ВИДЕО)

Венецуела прогласи вонредна состојба откако два разорни земјотреси ја погодија земјата кратко по 18 часот по локално време вчера вечер.

Жител на зграда во Венецуела се снимал како спасува жива глава, додека сѐ околу него се урива (ВИДЕО)

Земјотресите со јачина од 7,2 и 7,5 степени предизвикаа уривање и оштетување на стотици згради, а најголема штета е пријавена во крајбрежната држава Ла Гваира, во близина на главниот град Каракас.

Државата е прогласена за зона на катастрофа и од неа се појави една од највознемирувачките снимки.

Таа е направена од жител на облакодер кој се обидува да избега од оштетената зграда, додека сѐ околу него се урива.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер