НБА

Леброн Џејмс им се заблагодари на навивачите за поддршката

Синот на најдобриот стрелец на сите времиња во НБА лигата, 18-годишниот Леброн Рејмон „Бруни“ Џејмс јуниор, е во стабилна здравствена состојба и ја напушти болницата „Седар - Синаи“ во Лос Анџелес

Синот на најдобриот стрелец на сите времиња во НБА лигата, 18-годишниот Леброн Рејмон „Бруни“ Џејмс јуниор, е во стабилна здравствена состојба и ја напушти болницата „Седар - Синаи“ во Лос Анџелес, откако во вторникот за време на тренингот со екипата на Универзитетот од Јужна Каролина доживеа срцев удар и во бессознание беше пренесен во болница.

„Сакам да им се заблагодарам на сите луѓе кои испраќаат пораки со љубов и молитви до моето семејство“, напиша таткото на младиот кошаркар, прославениот Леброн Џејмс, на платформата за размена на пораки X, до неодамна позната под името Твитер.

„Кога ќе бидеме подготвени ќе имаме повеќе да кажеме, но сакав на сите да им кажам колку многу вашата поддршка ни значеше“, додаде Леброн Џејмс.

Бруни, највозрасниот син на Џејмс, во октомври ќе наполни 19 години и тогаш ќе го исполни условот за деби во НБА лигата во 2024 година.

Ѕвездата на ЛА Лејкерс и најдобар стрелец во историјата на НБА лигата, Леброн Џејмс, во минатото рече оти се надева дека ќе има можност да заигра во иста екипа со својот син.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германците се подготвуваат за можна руска агресија: Одобрен е нацрт законот за воени резервисти

Германската влада одобри нацрт-закон за задолжително повикување на воени резервисти на обука, дел од плановите за зголемување на бројот на војници и воените капацитети на Германија за одбрана од можна руска агресија.

Германија планира да ги удвои своите резервни сили до средината на следната деценија на најмалку 200.000 војници, објави Ројтерс, наведувајќи дека целта е германската армија да има 260.000 активни војници.

Германскиот министер за одбрана Борис Писториус постојано предупредува дека Германија мора да биде подготвена за војна и мора да ја подобри својата способност за брзо мобилизирање на силите во случај на голем конфликт на европско тло.

Тој потврди дека германското Министерство за одбрана верува дека потпирањето на доброволно учество во армијата повеќе не е доволно со оглед на безбедносната ситуација во Европа.

Се очекува Бундестагот да го разгледа нацрт-законот по летниот одмор, а министерството очекува законот да стапи на сила на почетокот на следната година.

Извор: Б92

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Булеварите се проодни, состојбата се стабилизира

Обилните врнежи кои попладнево го зафатија главниот град предизвикаа низа штети, а најкритично беше во општините Кисела Вода, Аеродорм и Гази Баба.

Сосотојбата е веќе стабилизирана, има поплавени подруми, но сообраќајниците и подвозниците се веќе проодни, информираше градоначалникот на Град Скопје во изјава за Канал 5.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Биљал Касами во „Само интервју“

Почитувани, утре во Само Интервју ќе гостува копретседателот на Вреди и градоначалник на Тетово, Биљал Касами.

Владата се реконструира, коалицијата се прошири, Вреди добија министерство плус, сработеното или политичките калкулации, што беше пресудно за новитетите? Се подготвува ли терен за предвремени избори?

Какви имиња ќе добијат улиците во Тетово по одлуката на Уставен?

Во која насока се придвижува блокираната евроинтеграција по самитот ЕУ-Западен Балкан во Тиват? Се реализираат ли реформите со очекувано темпо?

Колку Влен ги оправда очекувањата на Албанците и ја донесе промената што ја ветија? Дали наместо соочување со одговорност, ДУИ ќе се врати на бел коњ?

Утре во Само Интервју кај Гоце Михајлоски ќе гостува , Биљал Касами, веднаш по централните вести.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.