Леброн Џејмс и Ентони Дејвис повторно ќе бидат соиграчи за Ол-стар натпреварот во НБА - Канал 5

НБА

Леброн Џејмс и Ентони Дејвис повторно ќе бидат соиграчи за Ол-стар натпреварот во НБА

Крилото Леброн Џејмс и центарот Ентони Дејвис повторно ќе бидат соиграчи, иако само за еден викенд. 

Леброн Џејмс и Ентони Дејвис повторно ќе бидат соиграчи за Ол-стар натпреварот во НБА

Двајцата беа избрани во тимот на Шекил О'Нил за претстојниот Ол-стар натпревар на Националната кошаркарска асоцијација (НБА), кој ќе се одржи на 16 февруари во Сан Франциско.

Џејмс и Дејвис играа заедно за Лос Анџелес Лејкерс до минатата недела, кога Лејкерси го испратија центарот во Далас Маверикс во замена за Лука Дончиќ.

Во изборот за Ол-стар натпреварот, О'Нил се обложи на играчи со големо искуство во НБА. Покрај Џејмс и Дејвис, во неговиот тим се и Стеф Кари, Кевин Дурант, Џејмс Харден, Демијан Лилард, Џејлен Браун и Џејсон Тејтум.

Тимот на Кени Смит собра некои од младите ѕвезди во лигата - Кејд Канингем, Ентони Едвардс, Дариус Гарланд, Тајлер Херо, Џејлен Брунсон, Џерон Џексон Џуниор, Еван Мобли и Џејлен Вилијамс.

Последниот од трите главни тимови беше избран од Чарлс Баркли, кој главно се потпираше на меѓународни ѕвезди. Во неговиот тим се Никола Јокиќ, Јанис Антетокунмпо, Виктор Вембања, Шаи Гилгеус-Александар, Алперен Шенгун, Карл-Ентони Таунс, Донован Мичел и Паскал Сиакам.

Почнувајќи од оваа година, Ол-стар натпреварот ќе се одржува во нов формат со четири наместо две екипи. Четвртиот тим ќе го одреди победникот на мини-турнирот „Ѕвезди во подем“ на 14 февруари. Победниците од двете полуфиналиња и финалето ќе ги одредат екипите кои први ќе стигнат до 40 поени. Вкупниот награден фонд на настанот е 1,8 милиони долари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Доцнат плати во државни институции, општини не можат да плаќаат преку Трезорот

Среде скандалот со Алта банка доцни исплатата на плати во повеќе државни институции, меѓу кои и во најголемата енергетска компанија ЕСМ.

СДСМ: Доцнат плати во државни институции, општини не можат да плаќаат преку Трезорот

Вработени реагираат дека вакво нешто се нема случено досега. Вообиечано плата добивале во првите пет дена од месецот.

Според информациите, вработените во ЕСМ добиле и СМС-пораки дека се уште не се знае кога точно ќе биде исплатена октомвриската плата и дека треба да бидат трпеливи.

Дополнитено, од општини пристигнуваат реакции дека преку Трезорот не можат да реализираат плаќања.

Што се случува? Дали Мицкоски и неговата ВМРО ОКГ до толку ја испразнија државната каса што веќе не можат да се сервисираат ниту редовните обврски?

СДСМ со месеци предупредува за катастрофалната состојба со буџетот. Дупката во буџетот е околу 900 милиони евра, јавниот долг неконтролирано расте.

Мицкоски и ВМРО ги доведоа државните финансии во сериозна опасност, со криминалните политики создадоа нов долг од 4 милијарди евра за две години и до крај на година ќе биде и над 60% од БДП.

Затоа е вториот ребаланс, затоа се задолжувањата – затоа нема пари за минимална плата од 600 евра, затоа нема пари за земјоделците, празна е касата, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Автобуска несреќа во Хрватска: Најмалку двајца загинати (ВИДЕО)

Две лица загинаа, а неколку други се повредени во тешка сообраќајна несреќа што се случи утрово околу 7:25 часот на автопатот А3 во правец на Загреб, веднаш по раскрсницата Иваниќ-Град. 

Автобуска несреќа во Хрватска: Најмалку двајца загинати (ВИДЕО)

Автобусот со српски регистарски таблички се преврте, потврди полицијата, објави 24 сата со ВИДЕО од несреќата.

Повредените лица ќе бидат префрлени во болниците во Загреб. Итните служби пристигнаа на местото на несреќата, а ангажиран е и хеликоптер на Итната медицинска помош. На терен се и пожарникари.

Сообраќајот се одвива бавно, по левата лента. Во тек е полициска истрага за утврдување на околностите на несреќата.

„Утрово, на 8 ноември, околу 7:25 часот на автопатот А3, км 61 во правец на Загреб (веднаш по раскрсницата Иваниќ-Град), се преврте автобус со српски национални ознаки, при што загинаа две лица. Неколку лица се повредени и ќе им биде укажана медицинска помош во болниците во областа на Загреб. Сообраќајот е забавен, се одвива по левата лента. Во тек е истрага“, соопшти полицијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утрово најстудено во Скопје со минус 3 степени, во текот на денот променливо облачно време

Денеска времето ќе биде променливо облачно со сончеви периоди и температура до 15 степени, информираат од УХМР.

Утрово најстудено во Скопје со минус 3 степени, во текот на денот променливо облачно време

МИНИМАЛНА ТЕМПЕРАТУРА (во 0С)

-3 Скопје-Петровец, -2 Крива Паланка, Тетово, Велес, Демир Капија, Берово, Маврови Анови, Попова Шапка, -1 Скопје-Зајчев Рид, Битола, Кавадарци, Лазарополе, 0 Прилеп, Струмица, Штип, Крушево, 2 Виница, 3 Охрид, Гевгелија, 4 Претор.

ВРЕМЕТО ДЕНЕСКА

Променливо облачно со сончеви периоди. Во попладневните часови и во текот на ноќта ќе има повремени локални врнежи од дожд. Ќе дува слаб до умерен ветер од југоисточен правец, поизразен долж Повардарието.

Максималната температура ќе биде во интервал од 9 до 15 степени.

Во Скопје, променливо облачно со сончеви периоди. Во вечерните часови и во текот на ноќта ќе има повремени врнежи од дожд. Ќе дува слаб до умерен ветер од југоисточен правец. Максималната температура ќе достигне до 15 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер