Леброн Џејмс Џуниор го надмина својот славен татко (ВИДЕО)

Во 2002 година, на 17-годишна возраст, Леброн Џејмс стана првиот кошаркар од средно училиште на насловната страница на престижниот Sports Illustrated. Неговиот син Леброн Џуниор или Брони веќе го надмина.

Брони има 16 години и игра кошарка во средното училиште Сиера Кањон, каде до неодамна негов соиграч беше синот на Двејн Вејд, Заир. Но, тој не ја се појави на насловната страница на СИ поради неговите кошаркарски способности, туку поради неговата друга страст.

Минатото лето се приклучи на спортскиот тим Фанзе Клан и со тоа стана првиот средношколски кошаркар на нивниот список. Sвездата на Филаделфија 76ерс, Бен Симонс е во истиот тим, како и бекот на Аризона Кардиналс, Кајлер Мареј.

Оваа насловна е посветена на Фазен Фаун, а на него младите Џејмс и Мареј играат Плејстејшн, а во втор план се нивните соиграчи.

Гордиот татко Леброн, кој неодамна испадна од првата рунда во плеј-офот во НБА лигата со ЛА Лејкерс за прв пат во својата кариера, ја објави насловната страница на своите профили на социјалните мрежи, а на Брони му е врачена копија за паметење.

Ова сепак не значи дека Брони се откажува од својата кошаркарска кариера. Покрај тоа, иако тој не е добар како неговиот татко, Скаутс тврдат дека има големи шанси да биде повлечен во НБА. Леброн веќе долго време зборува дека неговиот сон е да игра на ист натпревар во НБА со неговиот син, или како соиграч или како противник. Ова може да се случи најрано за четири години, кога четирикратниот шампион ќе има 40 години. Иако Леброн со 36 почнаа да го кочат повредите и повеќе не е доминантен како порано, сепак се чини дека и тогаш може да биде доволно добар за НБА.

Владата утре со одлука за воведување еколошка такса и помало ДДВ за струјата

Владата утре на седница ќе носи одлука за еколошката такса, но и намалувањето на ДДВ-то на струјата од 18 на 5%. 

Новините предвидено е да стартуваат од 1 јули, но претходно ќе треба да го поминат и собранискиот филтер. Министерот за финансии Фатмир Бесими очекува се да оди според планот..

Во ниеден момент не реков дека се откажува, туку носи одлука утре. Не можам да зборувам во име на цела Влада,истакна Фатмир Бесими, министер за финансии

Иако стопанството и транспортерите бурно реагираа дека на овој начин ќе следат бран поскапувања и дополнително се оптоварува бизнисот во услови на тешка економска криза, тоа не да ја премисли Владата. Бесими уверува дека новата давачка нема да предизвика инфлација и ценовни шокови, а се надева деказа тоа ќе помогне и намалувањето на ДДВ то за струјата

-Ова е со цел да се помогне транзицијата, односно да се помогне на домаќинствата кога се прави либерализација на пазарот на електрична енергија. Домаќинствата ќе добијат олеснување во однос на цената на електричаната енергија преку намалување на делот на ДДВ, која е конректна мерка која директно влијае врз буџетот на домаќинствата.изјави Фатмир Бесими, министер за финансии.

Новата цена на струјата се очекува да се знае во наредните неколку дена, ДДВ-то на струјата предвидено е од 1 јули да се намали на 5%, но наредната година да се зголеми на 10, за од средината на 2023та да се врати на 18%. Со еколошката такса пак, која за 3,5 денари ќе ги поскапи сите горива веќе од јули, Владата планира да собера по околу 54 милиони евра годишно, пари кои, како што објаснуваат, ќе се користат за инвестиции во обвновливи извори на енергија.

Притвор од 30 дена за битолчанец за поседување кокаин и марихуана

Основното јавно обвинителство Битола, постапувајќи по поднесена кривична пријава, донесе Наредба за спроведување истражна постапка против лице на возраст од 26 години.

Лицето е осомничено за кривичо дело „неовластено производство и пуштање во промет на наркотични дроги, психотропни супстанции и прекурсори" од член 215 став 1 од Кривичниот законик, соопштија од ОЈО Битола.

– Осомничениот, на 18 јуни, во автомобил марка Ауди А6, неовластено за продажба држел наркотична дрога – 11,02 грама кокаин во повеќе полиетиленски пакувања. При претрес на неговиот дом, пак, полицијата пронашла и 2,59 грама марихуана, информираат од битолското Обвинителство.

Јавниот обвинител до судијата на претходна постапка достави предлог за определување мерка притвор за осомниченото лице, поради проценката дека постои опасност да се даде во бегство или да го повтори делото. Судијата го прифати предлогот на Обвинителството и на осомничениот му определи притвор во траење од 30 дена.

Довербата во судството и обвинителството и понатаму најниска, во банките најголема

Само 3 % од граѓаните целосно веруваат во ефикасноста на правосудните органи, покажува најновото истражување на Меѓународниот републикански институт (ИРИ).

Според анкетата, довербата е ниска во речиси сите институции, а судовите и јавното обвинителство се речиси на дното.. Целосна или делумна доверба имаат едвај четвртина од луѓето.. На слично ниво се и партиите и Парламентот..

Во истражувањето на ИРИ, дури 29 отсто од испитаниците одговориле дека силно не се согласуваат дека има владеење на правото, исто како на нивото во 2016 година. Тогаш имало и еден процент помалку недоверба. Дека има владеење на правото во Македонија се убедени едвај 12 % од испитаниците..

Освен во судството и обвинителството, граѓаните не веруваат ниту дека антикорупциската комисија си ја врши работата.. Силна доверба во инситуцијата имаат само 4 % од граѓаните...

Нешто подобро котира владата, во која некаква доверба имаат 35% од испитаниците, а на слично ниво, со 34% доверба е и опозицијата...

Од институциите, на листата најдобро стојат полицијата и здравството со околу 50% доверба.. Изненадувачки, први на листата со најголема доверба се банките.. Во нив цврсто веруваат 13 % од граѓаните, а делумно 44%..

притисни ентер