Лебот е симбол на животот! „Жито Лукс“ и Црвениот крст поделиле 8.000 лебови по повод Светскиот ден на лебот - Канал 5

Македонија

Лебот е симбол на животот! „Жито Лукс“ и Црвениот крст поделиле 8.000 лебови по повод Светскиот ден на лебот

Компанијата „Жито Лукс“ во соработка со Црвениот крст вчера додели 8.000 лебови, кога се одбележуваше и Светскиот ден на лебот!

Лебот е симбол на животот! „Жито Лукс“ и Црвениот крст поделиле 8.000 лебови по повод Светскиот ден на лебот

Компанијата „Жито Лукс“ низ годините организира многу хуманитарни настани, веќе е препознатлива како општествено одговорна, а сега одлучи да придонесе на уште еден начин.

По повод оваа прекрасна хуманитарна акција, решивме да ги угостиме претставничката на компанијата „Жито Лукс“, Антонела Петровиќ, и Александра Волкановска, стручниот соработник на Црвениот крст, во нашата утринска програма „Здраво Македонијо“.

Овие две дами ни објаснија за каква акција станува збор. Прво нè интересираше како се родила идејата за соработката помеѓу компанијата „Жито Лукс“ и една хуманитарна организација како што е Црвениот крст, како и која е главната порака што сакаа да ја испратат до јавноста?

-Да, убаво споменавте дека всушност некако го врзавме денот 16-ти Светскиот на леб. Компанијата „Жито Лукс“ е партнер на Црвениот крст веќе долги години и можеби не е случајно што дојде во оваа соработка, односно поддршка. Имајќи во предвид и на високо развијена општествена свест на ова компанија- кажа Александра Волкановска за Канал 5, а тогаш додаде и за тоа што представува 16-ти октомври за Црвени Крст.

-Шеснаести октомви во Црвениот крст исто така се врзува со еден значаен датум, кампањата за борба против глад. Имајќи во предвид дека живееме во општество и во едно општество и во едно опкружување каде што сеуште се соочуваме со проблемите на сиромаштија, глад, сето тоа врзано нели некако заедно, а и на светско ниво, односно на глобално ниво, зборувајќи за бројки од некаде околу 9% од населението дека живее на работна сиромаштија и се соочува со глад- кажа Александра.

Фото: Црвени крст

Лебот е распределен во 15 општини во Македонија

Тврди дека оваа иницијатива е насочена токму кон тие категории луѓе кои живеат на маргините, луѓе кои навистина имаат потреба од помош и поддршка. Иако не можат целосно да им ги решат проблемите и предизвиците со кои се соочуваат, успеале барем на овој начин, со донирање леб, да им помогнат.

-Шеснаест октомври за нас производителите на леб е многу убав ден бидејќи се празнува како Светски ден на лебот, а веќе неколку години наназад подд мотото „Го сакаме лебот“ ние како компанија го прославуваме овој ден како компаниски ден и оваа година инспирирани од големиот јубилеј на 80 години од Црвен крст решивме да оваа акција ја прошириме со еден хуманитарен гест и да споделиме со оние најранливи категории на граѓани коишто секојдневно се борат со гладта- кажа Антонела.

Лебот е распределен во 15 општини во Македонија, а Александра тврди дека тимот за производство на леб се потрудил да навреме ги подготви лебовите, но и да се организира дистрибуцијата, имајќи предвид дека се работи за големи количини леб.

Компанијата „Жито Лукс“ има долгогодишна традиција во производството, па нè интересираше што е тоа што го прави нивниот леб толку посебен за заедницата?

-Видете, повеќе луѓе лебот го гледаат како основна храна за преживување. Меѓутоа во нашиот народ традицијата за конзумација на леб е многу подлабока. Децениите и вековите наназад лебот бил основна состојка на секој оброк, на секој ритуал, на раѓање, на слави, на прослави, на религиозни обреди. Така да генерално он симболизира едно гостопримство и една љубов- ни кажа Антонела Птеровиќ.

Со секоја поделена корпа, компанијата испраќа порака за солидарност, грижа и поддршка кон оние кои секојдневно се соочуваат со предизвици. Лебот е симбол на живот, а Жито Лукс се труди да направи животот малку послаток за оние што имаат потреба.

Акцијата е дел од заложбата на компанијата за промовирање добротворност, човечност и заедништво, со надеж дека никој нема да остане без леб на трпеза.

YouTube video

Тагови: Жито Лукс хуманитарна помош Црвен крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер