ЛДП: Пржино заврши, понижување е дека македонците се понеспособни од естонците – треба систем, а не функции - Канал 5

Македонија

ЛДП: Пржино заврши, понижување е дека македонците се понеспособни од естонците – треба систем, а не функции

Либерално-демократската партија (ЛДП) ја зацврстува својата позиција за итна модернизација на изборниот процес. 

ЛДП: Пржино заврши, понижување е дека македонците се понеспособни од естонците – треба систем, а не функции

Потребна е вистинска дебата со реални решенија од 21-от век. Виолета Здравковска, со своето долгогодишно искуство со телекомуникациите и дигитализацијата, упати јасна поддршка на тезата на претседателката Моника Зајкова – дека времето на технички влади и партиско манипулирање со изборниот процес е поминато, а иднината е во електронското гласање.

Здравковска, која доаѓа од реалниот сектор на дигитални технологии и е член на ИО на ЛДП, нагласува дека како држава веќе немаме изговори за одложување на овој процес. Според неа, овонеделната дебата за „Пржинска влада“ е изместена и неповрзана со реалните проблеми и можности кои ги нуди 21-от век.

„Како човек кој секојдневно работи со користење на најсовремени технолошки системи, тврдам дека е крајно понижувачки за нашите граѓани да се убедуваат дека сме понеспособни од Естонците. Естонија е земја-близнак на Македонија по големина и тие гласаат електронски веќе две децении. Ако нашиот граѓанин може дигитално да функционира во Германија или Белгија, зошто некој го потценува дека не може тоа да го прави дома?“, прашува Здравковска.

Таа ја потврди пораката на Зајкова дека ЛДП не е заинтересирана за министерски лимузини и нови кабинети кои само го цедат буџетот, туку за воспоставување на систем кој е отпорен на малверзации. Здравковска истакнува дека технологијата е единствениот механизам кој нема партиска книшка и кој не може да биде уценет.

„Пржино како поглавје е затворено. Стравот од манипулација не. Неверојатно е дека единствено ЛДП понуди решение со електронско гласање. Ние имаме знаење, имаме поддршка од ЕУ и имаме биометриска идентификација како прв чекор. Единствено што фали е политичка волја кај големите партии да го тргнат фокусот од парадирањето и да воведат ефикасен систем“, децидна е Здравковска.

ЛДП јасно порачува дека ќе продолжи заедно со граѓаните да инсистира наместо трошење милиони за функции во држава која едвај го преживува секој инфлаторен шок, тие пари и енергија да се насочат кон електронско гласање – решение кое е модерно, европско и пред сè, достоинствено за македонскиот граѓанин.

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Премиерот на Пакистан: Постигната е финалната верзија на договорот

Конфликт на Блискиот Исток – Ден 105. Шехбаз Шариф, премиерот на Пакистан, изјави дека е постигната финалната верзија на мировниот договор.

Премиерот на Пакистан: Постигната е финалната верзија на договорот

„Можеме да потврдиме дека е постигната финалната и договорена верзија на мировниот договор и дека Пакистан сега тесно соработува со двете страни за да ги финализира следните чекори“, рече тој, додавајќи ја конфузијата околу можноста за потпишување на мировен договор во Женева во недела.

„Мирот никогаш не бил поблиску отколку што е сега.“

Американскиот претседател Доналд Трамп изјави дека САД ја добиле војната во Иран и дека не им е потребна помошта од Европа.

Тагови: Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва: Вонземјаните одговорија на нашите молби

Вонземјаните полека, но сигурно работат на обезбедување оставка на британскиот премиер Кир Стармер, изјави специјалниот претставник на рускиот претседател за инвестиции и надворешна економска соработка, Кирил Дмитриев.

Москва: Вонземјаните одговорија на нашите молби

„Пред два дена ги замолив вонземјаните да му помогнат на човештвото да обезбеди оставка на Стармер. Се чини дека вонземјаните работат на тоа полека, но сигурно“, напиша Дмитриев на социјалната мрежа „X“, коментирајќи го медиумскиот извештај за изјавата на лидерката на Конзервативната партија, Камил Бејднок.

Во статијата, Бејднок тврди дека британските вооружени сили ја изгубиле довербата во премиерот.

Според неа, времето на Стармер истече.

Претходно, Дмитриев ги повика вонземјаните да помогнат да се убеди британскиот премиер да поднесе оставка. Според него, на Стармер треба да му се каже што луѓето мислат за него и да му се даде до знаење дека со неговата оставка може да ѝ даде надеж на западната цивилизација.

Извор: Б92

Тагови: Кир Стармер москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на Сиљановска-Давкова со Здружението на воени ветерани и воени инвалиди „Братство 2001“

Во Народната канцеларија во Скопје, денеска претседателката Гордана Сиљановска-Давкова оствари средба со претставници на Здружението на воени ветерани и воени инвалиди „Братство 2001“.

Средба на Сиљановска-Давкова со Здружението на воени ветерани и воени инвалиди „Братство 2001“

На средбата присуствуваа Владо Томески, претседател на здружението, Петар Јанчевски, Мики Ристовски и Сашко Голубовски.

Според нив, Законот за посебните права на припадниците на безбедносните сили на Република Македонија и на членовите на нивните семејства, од 2002 година, селективно се применува од страна на институциите на централно и локално ниво.

Поради тоа, тие се соочуваат со дискриминација во остварувањето на законски утврдените права врзани со вработувањето, напредувањето, бесплатните здравствени услуги и бесплатното факултетско образование за нивните деца.

Тие ја информираа претседателката дека не се спроведуваат дури ни правосилните судски пресуди, донесени во нивна корист.

Претставниците на Здружението на воени ветерани и воени инвалиди „Братство 2001“ укажаа на потребата од измена и дополнувања на законот, за нивните посебни права, заради прецизирање на решенијата и унапредување на нивните бенефиции.

Според Сиљановска-Давкова, укажувањата и забелешките на бранителите заслужуваат должно внимание од надлежните институции, како и почитување на еднаквата примена на законот за сите.

Таа вети дека Кабинетот ќе ги информира надлежните органи за презентираните проблеми, укажувајќи на нужноста од почитување и спроведување на Законот за посебните права на припадниците на безбедносните сили на Република Македонија и на членовите на нивните семејства, како и пресудите.

За претседателката, придонесот на бранителите не смее да биде заборавен ниту занемарен, туку мора да се почитува и валоризира.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер