Лажни водоинсталатери упаднале во стан во Париз и нападнале деца,ги врзале и ги ограбиле - Канал 5

Живот

Лажни водоинсталатери упаднале во стан во Париз и нападнале деца,ги врзале и ги ограбиле

Француската полиција го истражува нападот на три деца во нивниот стан во Париз.

Лажни водоинсталатери упаднале во стан во Париз и нападнале деца,ги врзале и ги ограбиле

Децата на возраст од 4, 5 и 15 години во неделата биле нападнати од двајца лажни водоинсталатери, а најстарото дете било врзано и под закана со нож, јавуваат француските медиуми.

Како што пренесуваат локалните медиуми, мажите во доцните утрински часови заѕвониле на вратата од станот во кој бил тинејџерот (15) со помалиот брат и сестрата, додека неговата мајка била на работа.

Момчето погледнало низ шпионката и одбило да им ја отвори вратата на непознатите мажи, но тие инсистирале дека се водоинсталатери и дека треба да влезат во станот. По нивното инсистирање момчето ја отклучило вратата и веднаш било нападнато.

Со нож го одвлекле тинејџерот во кујната и му го украле мобилниот телефон, а потоа почнале да викаат дека нивната мајка им должи 5.000 евра. Потоа ги грабнале неговите помали брат и сестра и ги одвлекле во спалната соба, каде што го врзале тинејџерот.

Додека едниот од напаѓачите чувал стража, другиот од куќата одзел скапоцености - златни ѓердани и алки, часовници...

Недолго потоа напаѓачите го напуштиле станот. Тинејџерот го ослободиле братот и сестрата, а потоа ѝ се јавиле на мајка му. Жената набрзо пристигнала дома, а кога слушнала што се случило изгубила свест од шокот. Децата потоа повикале помош.

Мајката дала исказ во полиција, а истрагата ја води надлежното обвинителство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер