Лажна „дипфејк“ реклама со ликот на Том Хенкс - Канал 5

Лажна „дипфејк“ реклама со ликот на Том Хенкс

мериканскиот глумец Том Хенкс предупреди дека нема никаква врска со стоматолошката реклама што го користи неговиот лик за да ја пренесе својата порака. 

Лажна „дипфејк“ реклама со ликот на Том Хенкс

Тој посочува дека за оваа цел била користена вештачка интелигенција, т.е. тн. „дипфејк“ видеомонтажа што „имитира“ помлада верзија од неговиот лик.

-Внимавајте! Има видео што прикажува некаков дентален план со моја ВИ-верзија. Немам никаква врска со тоа, напиша Хенкс на својот Инстаграм-профил.

Употребата на ВИ веќе неколку години овозможува лесно и евтино пресликување лица, па и на познати луѓе кои не се вклучени или присутни на одредено случување или место. Тоа предивикува доста контроверзии. Според глумците и нивните официјални здруженија, сѐ тоа води кон злоупотреба на технологијата, загрозување на идентитетот, авторските права и, во крајна сметка, одземање работни места.

Том Хенкс и претходно ги коментираше можните последици од користењето ВИ во филмската индустрија.

- Технологијата веројатно ќе му овозможи на актерот да се појавува во нови филмови и откако ќе умре... Сега секој може да се пресоздаде себеси на која било возраст преку ВИ или „дипфејк“, изјави глумецот.

Тој исто така вели дека не е баш сигурен дали на публиката навистина ќе ѝ пречи ако на екранот видат вештачки создадени слики наместо глумци.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Украински дронови погодија голем петрохемиски комплекс во Русија

Украина извршила напад со беспилотни летала врз еден од најголемите руски петрохемиски комплекси во Нижнекамск, град во Република Татарстан, објавија украинските медиуми.

Украински дронови погодија голем петрохемиски комплекс во Русија

Во нападот биле повредени три лица, соопшти регионалното министерство за здравство. Властите не објавија детали за тоа кој индустриски објект бил погоден. Снимки од голем пожар се проширија на социјалните мрежи во Русија и Украина. Според тие извештаи, пожарот избувнал во фабриката „Нижнекам-Сне-Фтехим“, во чиј состав има и рафинерија за нафта. Поради оштетувањето на објектот што снабдува со електрична енергија и дел од железничката мрежа, железничкиот сообраќај бил привремено прекинат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Маж загина во пожар во барака во скопски Жданец

Маж загина во пожар што доцна синоќа избил во барака во скопската населба Жданец.

Маж загина во пожар во барака во скопски Жданец

Од МВР информираат дека бараката, сопственост на 56-годишен скопјанец целосно изгорела, а дека откако огнот бил изгаснат, во објектот биле пронајдено тело на починато машко лице. Од Центарот за управување со кризи информираат дека во гасење на пожарот кој избил половина час пред полноќ, интервенирале 19 пожарникари од Скопската противпожарна бригада со седум противпожарни возила. Засега не се познати причините за пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кедев се впиша во Гинис како највозрасен човек во светот што ги искачил сите 14 врва над 8 000 метри

Македонскиот кардиолог и планинар Сашко Кедев влегува во гинисовата книна на рекорди како највозрасен човек кој стигнал до највисоката точка на сите 14 планини во светот повисоки од 8 000 метри.

Кедев се впиша во Гинис како највозрасен човек во светот што ги искачил сите 14 врва над 8 000 метри

Кедев имал 63 години и 14 дена кога на 20 јули 2025 година се искачил на „Гашербрум 1“ во Пакистан. Со искачувањето на овој врв, висок 8 080 метри, стана и првиот Македонец што ги искачил сите 14 врва над 8 000 метри. Прв на неговата листа беше највисокиот врв на светот, Монт Еверест, на кој Кедев се искачи во мај 2009-та година.

Во јули 2022 година, во растојание од само една недела, ги искачи Ка-2 и Броуд Пик. Искачувањата на Кедев ги потврдил Еберхард Јургалски, консултант на Гинис за планинарски рекорди. Гинис му припишува на Кедев уште едно постигнување. Тој е и највозрасниот човек кој ги исполнил двата планинарски предизвика – ги искачил сите 14 врва над 8 000 метри и највисокиот врв на секој од седумте континенти. Континенталната седумка ја заокружи уште во 2011 година, со искачувањето на Пунчак Џаја во Океанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер