Ракомет

Лазаров пред дуелот со Клаипеда: Неатрактивен, но доста опасен противник

Ракометниот клуб Алкалоид утре ги започнува своите настапи во Европскиот куп, а противник е литванската екипа Клаипеда Драгунас.

На денешната прес-конференција, тренерот Кире Лазаров изјави дека станува збор за противник кој можеби е неатрактивен но е доста опасен.

-Се работи за незгодна школа и оваа година земаа и шпански тренер, пополека но сигурно се гледа нивниот напредок. Ако ја споредиме екиптата на Клаипеда оваа година со минатата, сега се подобри за 30-35 посто, затоа сум опрезен во најавите. Треба да бидеме претпазливи во овој систем дома гости. Постигнуваат многу голови, во повеќето од натпреварите даваат по 40 голови, играат во јак ритам 60 минути без разлика на противникот, кажа Лазаров.

Според него, тимот има поголема самодоверба од лани, но потребна е претпазливост, бидејќи немаат доволно искуство.

-Треба да бидеме дисциплинирани и претпазливи поради системот дома-гости. Утре би бил задоволен со било каква победа, не треба да се оптеретуваме со некаква разлика, порача легендата на македонскиот ракомет.

Капитенот Игор Ѓорѓиев вели дека тимот е подготвен за стартот на европската сезона и сакаат да се покажат во одлично издание пред домашната публика.

- Како тим имаме искуство во Европската лига. Сега системот е поразличен во Европскиот куп, играме дома и гости. Првиот меч е пред нашата публика и секогаш сакаме да се покажеме во одлично издание. Како капитен тврдам дека екипата е спремна и се надевам дека ќе уживаме во еден добар натпревар во нашата Автокоманда. Ја повикувам публиката да дојде во нашата сала и да не поддржи, истакна Ѓорѓиев на прес-конференцијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активен е пожарот во с.Грешница во Македонски Брод, под контрола се пожарите во депонијата Делчево и во гостиварско

До 7 часот и 30 минути денеска на територијата на Македонија се регистрирани вкупно 23 пожари на отворен простор, од кои еден е активен, два се под контрола, а 20 пожари се изгаснати.

Информира утрово Центарот за управување со кризи. Активен е пожарот во местото Стојанова населба во село Грешница во општината Македонски Брод, каде што гори ниска вегетација, деградирана шума и грмушки.

Под контрола е пожарот на депонијата во Делчево и пожарот во гостиварското село Паталишта, каде што е зафатена ниска вегетација и нискостеблеста шума.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Двајца мртви, вклучувајќи го и вооружениот напаѓач, во пукотница во училиште во Тајланд

Во пукотница во училиште во Тајланд двајца се убиени, вклучувајќи го и вооружениот напаѓач,, соопштија официјални лица.

Еден наставник е убиен, а најмалку четири други лица се повредени од ученик кој отворил оган во училиштето пред да се самоубие, соопштија властите.

Полицијата ги потврди жртвите и рече дека осомничениот вооружен напаѓач извршил самоубиство. Меѓу повредените има еден наставник и четворица ученици, рече тој.инцидентот се случил северно од бангкок. Во февруари во слично вакво пукање еден наставник почина, а еден ученик беше повреден во јужен тајланд, откако вооружен човек отвори оган во училиште .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нов најскап трансфер во историјата на Реал Мадрид, Јан Диоманде станува „Крал“

Реал Мадрид го потврди трансферот на Јан Диоманде од РБ Лајпциг, со што е финализиран договор што би можел да стане најскапиот во историјата на клубот.

Преодниот рок влегува во својата завршна фаза, а на фудбалскиот пазар секојдневно се склучуваат интересни зделки. Реал Мадрид го потврди трансферот на Јан Диоманде од РБ Лајпциг, со што е финализиран договор што би можел да стане најскапиот во историјата на клубот.

Реал Мадрид и РБ Лајпциг постигнаа договор за трансферот на Јан Диоманде. Клубот во официјално соопштение потврди дека 19-годишното крило потпишало договор со важност до јуни 2033 година. Фабрицио Романо претходно објави фотографија од Диоманде како патува за Мадрид со своите агенти, а вкупната вредност на трансферот, вклучувајќи ги и бонусите, се проценува на 140 милиони евра.

Доколку се потврдат овие бројки, Диоманде ќе стане најскапиот играч во историјата на Реал, надминувајќи ги Џуд Белингем (127 милиони евра) и Еден Азар (120,8 милиони евра).

Минатата сезона, фудбалерот од Брегот на Слоновата Коска забележа 36 настапи, 13 гола и 10 асистенции за Лајпциг, а „Трансфермаркт“ ја проценува неговата вредност на 90 милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.