ДУИ и СДСМ да го уредат начинот на наплаќање на членарините кои законски не смеат да се повисоки од една исплатена просечна нето плата, а СДСМ и ВМРО-ДПМНЕ да ги спроведат препораките за имотот, порачува Државниот завод за ревизија во најновиот извештај во кој се евидентира колку политичките партии во изминатите три години ги почитувале нивните укажувања. Единствено партијата Алтернатива ги испочитувала во целост со средување на нивното сметководство.

Во извештајот за ДУИ ревизорите констатирале дека и во 2022 година дел од членовите имаат уплатено повеќе од 250 илјади денари, а во тој за СДСМ утврдиле дека воспоставениот начин на прибирање, уплата и известување за приходите по основ на членарина во оваа партија не обезбедува целосен увид во уплатените средства. На СДСМ ревизорите уште им перпорачуваат за дел објектите кои ги имаат наследено од претходен правен субјект да продолжат да обезбедуваат имотни листови..

Потребно е во иден период да се продолжи со отпочнатите активности за утврдување на сопственоста на објектите, нивно запишување во Агенцијата за катастар на недвижности и соодветно евидентирање во деловните книги на партијата – пишува во извештајот.

Во однос на ВМРО-ДПМНЕ, ревизорите препорачуваат да го наведат недвижниот имот во финансиските извештаи, меѓу кои е и партиското седиште за кој се уште трае судскиот процес.

Одговорните лица на ВМРО - ДПМНЕ по завршување на постапката поведена пред надлежните органи, да преземат мерки и активности за соодветно искажување на недвижниот имот во Билансот на состојба. – стои во конечниот извештај на ДЗР изготвен во март годинава.

Министерството за надворешни работи информира дека Мисијата на Република Македонија при ЕУ упати реакција до Европската комисија за употребата на придавката “северномакедонските” од страна на портпаролката на Европската комисија, Ана Писонеро, за време на вчерашната прес конференција.

Во реакцијата беше нагласено дека некоректната употреба на придавката не е во согласност со Преспанскиот договор и соодветно беше побарана правилна употреба при идните настапи.

Ваквото барање на новиот министер доаѓа по објавувањето на ревизорскиот извештај за реализација на капиталните инвестиции, каде беше наведено дека вредноста на проектот за изградба на Коридор 8 од железничката инфраструктура кон исток скокнала за 220 милиони евра, што според Николовски 1 километар железница чини 24 милиони евра и го прави најскап километар некогаш изграден во светот. Дополнително според него, спорно е и тоа што претходната влада ја распишала тендерската постапка кога земјава се наоѓала во предизборен период, а рокот за поднесување на понуди истекува денес.

„Се работи за железничка пруга која треба да оди од К. Паланка до граница со Бугарија, која поминува низ град, со која треба да се рушат десетици куќи и најбитното завршува во тунел кој што нема крај.“ -изјави Александар Николовски – министер за транспорт и врски.

Николовски најави смена на раководството во ЈПДП и МЖ инфраструктура. Дополнително се надева дека кинески Синохидро до крајот на 2026, по една деценија ќе ја заврши изградбата на автопатот Кичево Охрид, а по промената на раководството во државни патишта најави дека ќе побара декласифицирање на Договорот со Бехтел и Енка за изградба на автопатските делници на коридорите 8 и 10 Д. Не ја исклучи ниту можна и за репреговарање на договорот.

„Сите опции се отворени, треба да сме одговорни кон народните пари, исплатени се веќе 250 милиони евра, неодговорно е да се раскине договор тоа што е одговорно е да се седне и да се разговара.“- -изјави Александар Николовски – министер за транспорт и врски.

Според ревизорите Бехтел и Енка не ги градат коридорите со утврдената динамика. Дополнително во извештајот се нотираат и низа други слабости во управувањето со капиталните инвестиции и ЕУ фондовите. Според ревизија проектите се влечат со години, а трошоците за нивна реалцизација растат.