Лавров: Русија нема да дозволи да биде измамена со примирје - Канал 5

Свет

Лавров: Русија нема да дозволи да биде измамена со примирје

Лавров потсети дека Западот веќе ја измами Русија во 2014 година, кога изврши државен удар во Киев веднаш откако украинските власти и опозицијата постигнаа договор.

Лавров: Русија нема да дозволи да биде измамена со примирје

Шефот на руската дипломатија, Сергеј Лавров, денеска изјави дека не може да има прекин на огнот пред да има преговори за Украина и рече дека Русија нема да биде измамена од предлозите прво да се прогласи прекин на огнот во Украина, а потоа да се премине на решавање на конфликтот.

-Кога ни велат: „Ајде да склучиме примирје, па ќе видиме“ - не, момци. Ние веќе бевме во тие приказни, повеќе не го сакаме тоа. А Макрон, Стармер, фон дер Лајен и другите европски личности кои сега хистерично бараат САД да се приклучат на антируските акции и да го зголемат бројот на санкции - тоа едноставно ги оддава, рече Лавров, обраќајќи се пред наставниците и студентите на Руско-ерменскиот универзитет.

Лавров потсети дека Западот веќе ја измами Русија во 2014 година, кога изврши државен удар во Киев веднаш откако украинските власти и опозицијата постигнаа договор.

-Потоа дојдоа Договорите од Минск, кои, како што подоцна признаа европските политичари, беа потребни само за да му се купи време за Киев. Во 2022 година, на преговорите во Истанбул, Русија и Украина ги парафираа принципите на решението, но Западот им забрани на властите во Киев да потпишат договор врз основа на нив“, рече Лавров, пренесен од руските медиуми.

Шефот на руската дипломатија нагласи дека Европската Унија се залага за ескалација на украинскиот конфликт со цел да се продолжи со вооружување на режимот во Киев.

-Враќајќи се на тоа што Европската Унија очекуваше од телефонскиот разговор меѓу американскиот претседател Доналд Трамп и рускиот претседател Владимир Путин. Тие рекоа: „Ќе видиме“. По разговорот, Трамп и Путин дадаоа многу позитивна оценка, се согласија дека треба да се работи на подготовка на конкретни чекори за долгорочно, одржливо решение, вклучувајќи и користење на можноста за прекин на огнот, рче Лавров.

Тој истакна дека фокусот на разговорите е на елиминирање на коренските причини за конфликтот.

-Што направи Европската Унија? Објави дека е одобрен 17-тиот пакет санкции (против Русија). Ова значи дека тие сакаа ескалација на кризата. Тие рекоа: Да, слушавме и не видовме никаква поддршка за безусловно примирје, што би ни овозможило нам, Европејците, да ја вооружиме Украина. Тоа е она што им треба, рече Лавров.

Како што оцени, овие трендови укажуваат дека евроатлантската безбедносна структура, особено во рамките на Организацијата за безбедност и соработка во Европа, „станува застарена“.

„Особено затоа што западните учесници во оваа структура очигледно ја злоупотребуваат својата позиција. Особено сега кога се појавија такви специфични разлики во позициите на САД и Европа... Пристапот „прекин на огнот и ќе видиме“ во решавањето на конфликтот со Украина повеќе нема да функционира, без оглед на тоа колку хистерично францускиот претседател Емануел Макрон и британскиот премиер Кир Стармер ги охрабруваат САД да ги зајакнат антируските санкции“, истакна Лавров.

Првите преговори меѓу Москва и Киев во последните три години се одржаа во Истанбул на 16 мај. /МИА

Тагови: Лавров русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Две недели Филипче молчи и не ги објавува анкетите, но резултатите во Брвеница ја покажаа реалноста

Венко Филипче пред две недели најавуваше анкети со кои требаше да покаже дека СДС бележи раст на рејтингот, а граѓаните наводно ја  губат довербата во ВМРО-ДПМНЕ. 

ВМРО-ДПМНЕ: Две недели Филипче молчи и не ги објавува анкетите, но резултатите во Брвеница ја покажаа реалноста

Две недели подоцна, анкетите ги нема. Филипче и СДС молчат по дебаклот во Брвеница.

ОД Филипче и СДС нема анкети, нема резултати, нема објаснување. Има само празни ветувања и лаги од Венко Филипче.

Филипче, каде се анкетите што ги најави? Ако навистина покажуваат раст на СДС, зошто не ги објавиш? Од што се плашиш? Дали резултатите не се такви какви што ги претставуваше или станува збор за уште една пропагандна конструкција на партискиот штаб на СДС?

Реалноста е јасна и не се менува со изјави и лаги од кујната на СДС. Резултатите во Брвеница се јасен политички удар за СДС, каде според прикажаните изборни резултати, СДС загуби со разлика од четири спрема еден.

Додека Филипче зборува за наводен раст на поддршката на СДС, во партија се повеќе се јавуваат фракции и се поголемо е незадоволството на нивнито членство.

Филипче да не се крие зад необјавени анкети и да ја замајува јавноста со празни ветувања. Политичката доверба не се гради со измислен оптимизам, туку со резултати и одговорност.

Разликата во однос на партиите е 4 спрема 1, а претседателот Мицкоски има 7 спрема 1 предност во однос на Филипче.

ВМРО-ДПМНЕ не се плаши од проверка на довербата кај граѓаните. Напротив, поддршката се потврдува со конкретна работа, одговорност и резултати. Христијан Мицкоски и ВМРО-ДПМНЕ имаат јасна политичка предност, додека СДС под раководство на Филипче сè повеќе се соочува со криза на доверба, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Метеж на гласачките места во Србија, Вучиќ со сопругата чека на ред за да гласа (ВИДЕО)

Денеска во Србија се одржуваат предвремени парламентарни избори, кои би можеле да бидат најважниот тест за владеењето на Александар Вучиќ во последните 14 години. 

Метеж на гласачките места во Србија, Вучиќ со сопругата чека на ред за да гласа (ВИДЕО)

Неговиот блок е сериозно загрозен за прв пат од политичка сила што произлезе од студентските протести по падот на настрешницата на железничката станица во Нови Сад, во која загинаа 16 лица во ноември 2024 година, објави Индекс.

18 листи се натпреваруваат за 250 места во Народното собрание, од кои девет имаат статус на малцинство. Право на глас имаат малку повеќе од 6,45 милиони гласачи, а изборниот праг од три проценти важи за влез во парламентот, освен за малцинските листи. Гласачките места се отворија во 7 часот наутро и се затвораат во 20 часот.

Носителот на студентската листа: Денес легитимно ќе избереме нова влада во Србија

Илија Срдановиќ, носителот на студентската листа, изрази надеж за мирни и демократски избори во Србија. Тој очекува рекордна излезност и легитимна нова влада што ќе ја води земјата во подобра иднина.

Седум гласачки места во Шабац не се отворија на време

Во Шабац, граѓаните чекаат и во редови за да гласаат на денешните парламентарни избори.

Поради технички проблеми, седум гласачки места не се отворија во 7 часот наутро, како што беше планирано, изјави за Танјуг Градската изборна комисија.

Во Шабац, право на глас имаат 97.402 гласачи, кои гласаат на 100 гласачки места во градот и на едно гласачко место во Поправниот дом Богосавец.

Вучиќ и неговата сопруга чекаат во ред на гласачкото место

Александар Вучиќ, лидерот на листата „Единствена Србија“ и поранешен претседател и премиер на Србија, дојде на своето гласачко место во Нов Белград, во придружба на неговата сопруга Тамара.

Бидејќи гласачкото место е преполно, двајцата чекаат во ред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Цените до плафон, платите во место – Мицкоски го турка народот во сиромаштија

Секој изминат месец имаше нови поскапувања. 

СДСМ: Цените до плафон, платите во место – Мицкоски го турка народот во сиромаштија

Од почетокот на годината трошоците за живот се зголемени за 4.000 денари.

Октомвриската синдикална минимална кошничка надминува 70.000 денари, а со кирија достигнува речиси 90.000 денари. Ниту три минимални плати не ги покриваат основните трошоци на едно семејство.

Околу 180.000 работници примаат помалку од 31.200 денари месечно, а минималната плата останува закована на 26.000 денари. Работникот работи цел месец, а платата не му стигнува за живот.

Тоа е реалноста зад бајките на Мицкоски: не трета економија во Европа, туку животен стандард на една третина од европскиот.

Арамијата Мицкоски ги одби мерките на СДСМ за заштита на стандардот на почеток на кризата. Одби минимална плата од 600 евра, одби поддршка за земјоделците. Цела година гледа како растат цените, а одбива да им помогне на граѓаните.

Од јануари наредната година се најавуваат нови поскапувања, повисоки сметки за струја и парно.

Додека во Европа се преземаат мерки против новиот енергетски удар, владата на Мицкоски ги остава граѓаните сами.

И со новиот ребаланс повторно исто: нема повисока минимална плата, нема мерки против поскапувањата, нема помош за земјоделците. Има нови долгови и високи камати, чија сметка ќе ја плаќаат граѓаните и идните генерации.

За само две години Мицкоски го зголеми долгот за 4 милијарди евра, половина од вкупниот досегашен долг на државата.

Долг врз долг, ребаланс врз ребаланс – а за народот нема пари, граѓаните сè потешко живеат.

Оваа сиромаштија е последица на одлуките на Мицкоски, да нема пари за работниците, да има само за партиските тендери, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер