На Академијата слова произнесоа поглаварот на Македонската православна црква – Охридска архиепископија, Неговото блаженство Архиепископот охридски и македонски г.г. Стефан, ректорката на Универзитетот „Св. Кирил и Методиј“, проф. д-р Биљана Ангелова и директорот на Комисијата за односи со верските заедници и религиозни групи, м-р Даријан Сотировски.

Свеченото слово, пак, посветено на поетиката на светиот Климент, го произнесе истакнатиот лингвист, проф. д-р Димитар Пандев, редовен професор на Филолошкиот факултет „Блаже Конески“.

Академијата беше разубавена со прекрасните црковни песнопенија на хорот при Соборниот храм „Св. Климент Охридски“, под диригентската палка на маестро Панче Јосифов, како и со извонредниот сплет на македонски народни песни во изведба на Архиеспископскиот брасс квинтет.

На Академијата присуствуваа митрополити, епископи и бројни свештенослужители на Македонската православна црква, видни претставници на Исламската верска заедница, претстојателот на Католичката црква и суперинтендентот на Евангелистичко-методистичката црква, претставници на останатите цркви и верски заедници, министри, пратеници, академици, градоначалници, раководители на владини и локални институции, членови на дипломатскиот кор, декани и продекани, професори, научни и културни работници, студенти, богослови и почитувачи на светиот лик и на незаменливото дело на великанот од нашиот крај и од нашиот род – светиот Климент, охридскиот чудотворец.

Извршителите на грозоморното убиство на 14 годишната Вања и 74 годишниот Панче се откриени и против нив се водат соодветни постапки. За неполни 7 дена јавноста доби појасна слика за лицата кои стојат зад ова злодело и начинот на кој тоа е извршено.

Криминалното гнездо како што го нарече министерот за внатрешни работи Оливер Спасовски беше разбиено, акцијата на полицијата резултираше со поднесени кривични пријави за грабнување, убиство на свиреп начин, како и помагање во извршување на кривичните дела.

Но, кога ќе биде утврдено кој стои зад смртта на Ангела и Маја? За кои правдата за жал е бавна.

Случајот на шестгодишната Ангела Ѓорѓиоска од мариовското село Дуње која исчезна на 23 јули 2009 година, веќе скоро 15 години останува мистерија. На Ангела и се изгуби трагата, во топол јулски ден, кога била сама во двор од куќата на роднини во селото Дуње. Нејзините посмртни останки беа пронајдени после половина година а нивните родители одбивале да ги подигнат цели 6 години, бидејќи за нив бил неприфатлив фактот дека тоа е нивната исчезната ќерка.

Инаку судска медицина утврдила дека се работи за Ангела по ДНК анализата, но никогаш не е одговорено како настапила смртта, ниту е утврдено како исчезнало девојчето од дворот на роднините.

Уште една истрага заврши во ќорсокак и веќе 10 години семејството на Маја Блажеска од охридското село Лешани нема одговор за исчезнувањето на нивната 14 годишна ќерка, чие безживотно тело беше најдено по една година. Маја исчезна во ноември 2013 година, наводно отишла да се види со момче кое го запознала на социјалната мрежа Фејсбук, тогаш и се губи трагата. Девојчето беше пронајдено мртво во јануари, 2014 година на Илинска планина на 1.500 метри надморска висина, кај „Натнасер бачила“.

Родителите на Маја никогаш не прифатија дека нивната малолетна ќерка сама залутала и стигнала на планината, се сомневаа дека била заведена, потоа убиена и извршителот или извршителите за да си ги сокријат трагите ја оставиле мртва во планината.

Тогашните најави од истражните органи, дека ќе следи дополнителна истрага останаа само празни ветувања. До ден денес ниту семејството, ниту јавноста не дозна како настрадало девојчето.

Агенцијата за меѓународен развој на САД (УСАИД) соопшти дека доделува дополнителни десет милиони долари за Централниот фонд за вонредни состојби на ОН (ЦЕРФ), со што ќе се поддржи снабдувањето на животно важната помош низ целиот свет и ќе се помогне таа да стигне до најранливите и најодалечените популации.

-ЦЕРФ игра критична улога во давање одговор на потребите на најранливите во светот со финансии во висона од 643 милиони долари, а само оваа година асистирал на агенциите и партнерите на ОН за обезбедување животно важна помош за милиони луѓе во 40 земји, јавија синоќа од Стејт департментот,

Оттаму укажаа дека годинава ЦЕРФ дистрибуирал пари да се одговори на кризите предизвикани од конфликти и природни катастрофи во Бангладеш, Буркина Фасо, Судан, Хаити и Сирија, кои се само дел од земјите каде ОН испраќаат хуманитарна помош.

-Светот се соочува со историски потреби од ваква помош, во заднина на сѐ попродолжителните конфликти и ескалирачката климатска криза. Според ОН, потребите за хуманитарна помош во светот стануваат рекордни од година во година.

Од УСАИД укажаа дека се горди да го поддржат ЦЕРФ, како дел од глобалните напори на САД да се одговори на овие досега невидени потреби. САД ги повикаа другите земји да се придружат и учествуваат во оие колективни хуманитарни напори за спасување на живото и намлување на страдањето насекаде низ светот. /МИА