Во градот Тодоке, жителите ги товараат своите спомени, облека, мебел, велосипеди, душеци во камиони. На врвот на натоварените работи седат плачливи луѓе кои мора засекогаш да ги напуштат своите домови.
„Најважни се документите за сопственост, бидејќи ќе ги побараат од нас кога нема да остане ништо овде“, рече еден жител. Нема извештаи за повредени.
Вулканот во Кумбре Виеја, на југот на Канарскиот Остров, кој еруптира во неделата за прв пат по 50 години, им даде на луѓето барем малку време, бидејќи течењето на лавата напредува побавно.
Масата на лава, висока неколку метри, која првично се тркалала надолу кон морето со брзина од 700 метри на час, денеска се движи со само 200 метри на час.
Досега, најмалку 200 куќи се целосно уништени, а многу се сериозно оштетени. Водачот на регионалната влада, Ангел Виктор Торес, проценува дека штетата, вклучително и уништените плантажи и инфраструктура, „сигурно е поголема од 400 милиони евра“.
Се уште не е познато кога лавата ќе стигне до брегот. Властите очекуваат отровни гасови да се појават кога лавата ќе дојде во контакт со солената морска вода.
Сепак, ветрот од североисток дува пепел во Атлантикот, каде на 75 километри е оддалечен помалиот остров Ел Хиеро, со околу 11.000 жители.
Ла Палма се наоѓа на екстремниот северозапад од Канарските Острови, група острови со вулканско потекло во Атлантскиот Океан во близина на западниот брег на Африка.
Тоа е 85 километри од најблискиот поголем остров, Тенерифе и 57 километри од Ла Гомера.Нема масовен туризам на Ла Палма како на попознатите Канарски острови како Тенерифе, Гран Канарија, Фуертевентура и Ланзароте.