Свет

Лансет ги објави резултатите од истражувањето на руската вакцина, Москва се радува

Руската вакцина против ковид-19, Спутник-V, предизвикала производство на антитела кај сите учесници во раните фази на клиничките испитувања, покажале резултатите од студијата, објавени денеска во врвното медицинско списание „Лансет“.

Резултатите од две испитувања, спроведени во јуни и јули годинава врз вкупно 76 учесници, покажале дека 100 проценти од учесниците развиле антитела кон новиот коронавирус и немаат сериозни несакани ефекти, пишува весникот.

Русија ја регистрираше вакцината во две фази за домашна употреба во август, прв пат во светот, пред објавувањето на какви било податоци за тоа и пред почетокот на масовното тестирање.

„Две испитувања на 42 дена, од кои секое имаше 38 здрави возрасни лица, не покажаа сериозни негативни ефекти кај учесниците и потврдија дека кандидатите за вакцини предизвикале производство на антитела“, пишува „Лансет“.

„Потребни се масовни, долгорочни испитувања, вклучувајќи споредба со плацебо групата и понатамошно следење за да се утврди долгорочната безбедност и ефикасност на вакцината против ковид-19“, се додава во написот.

„Со ова одговараме на сите западни прашања што беа правилно поставени во последните три недели, искрено, со очигледна цел да се фрли дамка врз руската вакцина“, рече Кирил Дмитриев, директор на Рускиот фонд за директни инвестиции, државниот инвестициски фонд кој го финансираше развојот на вакцините.

„Сега ќе започнеме да поставуваме прашања за некои вакцини од Западот.”, рече директорот на Фондот.

Првите резултати од масовното испитување на руската вакцина, кое започна минатата недела, се очекуваат во октомври или ноември. Ќе опфати 40.000 луѓе, а 3.000 веќе се пријавиле.

Коментирајќи ги резултатите од првите испитувања, водечкиот автор Наор Бар-Зеев, од Меѓународниот центар за пристап до вакцини на Универзитетот Џон Хопкинс, рече дека испитувањата биле „охрабрувачки, но мали“.

Бар-Зеев забележа дека „клиничката ефикасност на ниту една вакцина против ковид-19 сеуште не е докажана“.

Македонија

Пешевска: На 8 Мај ќе се случи потоп

„Лицемерно е да се каже во предизборие дека власта понудила решение за платите“

Македонските граѓани покажаа дека Гордана победи во 60 општини, од кои во 17 се градоначалници од актуелната власт, Актуелниот претседател победи само во 3 општини во првиот круг. Тоа е јасен показател дека на 8 Мај ќе се случи потоп. Во државата опозиционерското движење е масовно. Лицемерно е да се каже во предизборие дека власта понудила решение за платите, каде бевте изминатите три години да го предложите? Ние треба да работиме на подобрување на БДП и реална анализа во кои сектори треба да се покачат платите, колку индустриски сектори се затворија поради нереалните политики. Фокусирани сме на квантумот на гласови, добро ни оди на терен низ цела држава, по изборите ќе се преговара со програмски усогласените партии со нас партии, рече Жаклина Пешевска во Само Вистина.

Свет

Уапсени 21 лице во акција на Европол за измама на кол-центри

Затворени се 12 кол-центри осомничени за измама.

Најмалку 21 лице се приведени во Германија, Албанија, Босна и Херцеговина, Косово и во Либан, во полициската акција „Пандора“, која беше спроведена со поддршка на Европол, во текот на разбивање мрежа на 12 кол-центри осомничени за измама на илјадници луѓе, соопшти денеска Европол.

Во соопштението се наведува дека во акцијата „Пандора“, спроведена на 18 април, затворени се 12 кол-центри осомничени за измама, а одземени им се документите и имотот.

Како што се посочува, измамите опфаќале лажни полициски повици, инвестициски измами и „љубовни“ измами, а работата на кол-центрите ја организирале 39 лица. /МИА

Македонија

Стојчевски: ЗНАМ не прави разлика ниту етнички ниту политички основи кај гласачите

„Денеска во СДСМ има многу чесни, искрени и исплашени социјалдемократи од се што се случува, но не по нивна вина“

На граѓаните им е преку глава од меѓусебните напаѓања, особено од двете најголеми политички партии. Ние како нова партија нема да се служиме со напади. Во врска со прекинатото гласање во една од кумановските општини, кога беше прекинато гласање, иако имаме прочистен избирачки список, одговорноста за спроведување најмногу е на е на ДИК. Движењето ЗНАМ не прави разлика ниту етнички ниту политички основи кај гласачите. Најголема поддршка очекуваме од левичарските гласачи поради што ние потекнуваме од таква партија. Денеска во СДСМ има многу чесни, искрени и исплашени социјалдемократи од се што се случува, но не по нивна вина. Дајте изјава од носителите или коносителите од сегашниот парламентарен состав на СДСМ, да не биде само декларативно дека сте се откажале. Од раководството ја одбија подадената рака, поради ароганцијата, рече Даниел Стојчевски во Само Вистина.

од раководството