Ланчија, стара над 60 години и натаму го превезува претседателот на Италија - Канал 5

Автомобилизам

Ланчија, стара над 60 години и натаму го превезува претседателот на Италија

Претседателот на Италијанската Република, Серџо Матарела, вчера ја отвори прославата „Феста дела Република“ во Рим во традиционална претседателска лимузина „Ланчија Фламинија“.

Ланчија, стара над 60 години и натаму го превезува претседателот на Италија

Овој ден го означува раѓањето на Италијанската Република во 1946 година, а претседателската „Ланчија Фламинија“ со децении ја симболизира италијанската државна елеганција.

Над шеесет години во служба на државата

„Ланчија Фламинија“ е службено возило на претседателот на Италијанската Република од 1961 година и на некој начин стана амбасадор на Италија во светот. Ретко се користи, само во посебни пригоди како што се церемонијата на 2 јуни или претседателските инаугурации во палатата Квиринале.

Оваа престижна лимузина превезувала бројни државници за време на официјалните посети на Италија, вклучувајќи ја кралицата Елизабета II, американскиот претседател Џон Ф. Кенеди и францускиот претседател Шарл де Гол.

Специјална серија за претседателот

Претставена на саемот за автомобили во Женева во 1957 година со 2,5-литарски V6 мотор, „Фламинија“ имаше тешка задача да ја замени легендарната „Аурелија“. Во 1961 година беше произведена посебна претседателска верзија со преклопен покрив Pinin Farina наречена „335“, што се однесуваше на долгото меѓуоскино растојание од 335 сантиметри.

Претседателот Џовани Гронки беше првиот што ја избра Flaminia за свое службено возило. Вкупно беа произведени четири модели, секој именуван по благороден коњ од шталата Квиринале: Белфиоре, Белмонте, Белведере и Белсито.

Луксузен ентериер

Сите возила се обоени во полноќно сина боја и имаат црн тапацир на седиштата од кожа Connolly, интерфонски систем за комуникација со возачот, пет задни седишта со клупа и две дополнителни преклопни седишта. По реновирањето во 2001 година, два модели, Belfiore и Belvedere, сè уште припаѓаат на Квиринале.

Инспирација за иднината

Претседателската Lancia Flaminia е еден од деветте модели на Lancia што го инспирираат дизајнот на идните автомобили на брендот. Неговите елегантни линии, аеродинамика и флуидност на обликот ќе бидат продолжени со новата Gamma, која ќе се произведува во фабриката во Мелфи од 2026 година.

Тагови: италија ланчија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Гори саудиски танкер полн со нафта, погоден е со ракета

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети.

Гори саудиски танкер полн со нафта, погоден е со ракета

Јеменските Хути рано утринава соопштија дека извеле воена операција насочена кон два саудиски танкери за нафта, при што извештаите за поморска безбедност укажуваат дека еден од бродовите наведени од групата – танкерот „Енселија“ (Encelia) што плови под саудиско знаме – бил погоден во Црвеното Море.

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети, тврдејќи дека пловилата ја прекршиле поморската блокада наметната врз Саудиска Арабија од страна на група поврзана со Иран.

Извор од областа на поморската безбедност соопшти дека танкерот „Енселија“ испратил повик за помош, пријавувајќи дека бил погоден од ракета додека се наоѓал во близина на надворешните граници на саудиското пристаниште Џизан во Црвеното Море и дека се запалил.

Британската групација за управување со поморски ризици „Вангард“ (Vanguard) соопшти дека саудискиот танкер „Енселија“ (Encelia) бил погоден од проектил од непознато потекло на десната страна, на околу 70 наутички милји југозападно од Ал Шукаик во Саудиска Арабија, во 20:00 часот по Гринич (GMT).

Тагови: Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заседаваше кризниот штаб за надминување на состојбата во Гостивар

Кризниот штаб бара решение за обезбедување технички исправна вода во Гостивар. 

Заседаваше кризниот штаб за надминување на состојбата во Гостивар

Водата и натаму е небезбедна за употреба, а залихи ќе се обезбедуваат со цистерни од околните општини, но и од Куманово, Кавадарци и Неготино.

Кризниот штаб усвои и низа дополнителни мерки за заштита на здравјето на граѓаните на Гостивар.

Во меѓувреме продолжува да се испитува квалитетот на водата, а на помош се испратени и екипи од скопскиот водовод.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температура до 34 степени

Според Управата за хидрометеоролошки работи времето денеска ќе биде сончево, со мала до умерена локална облачност.

Сончево со температура до 34 степени

Ќе дува умерен, повремено засилен ветер од североисточен правец, особено долж Повардарието и во источните делови од земјата.

Утринските температури ќе се движат од 8 до 19 Целзиусови степени, додека максималните ќе достигнат од 24 до 34 степени.

Во Скопје ќе биде сончево со мала до умерена облачност, а ќе дува слаб до умерен северен ветер.

Утре под влијание на влажен бран се очекуваат повремени врнежи од дожд, кои локално ќе бидат пообилни и ќе надминат 15 литри на квадратен метар. Врнежите наместа ќе бидат проследени со грмежи и со засилен ветер, а температурите значително ќе опаднат.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер