Лабораторијата за вирусологија при ИЈЗ меѓународно оценета со максимален успех

Лабораторијата за вирусологија при ИЈЗ меѓународно оценета со максимален успех на надворешниот тест на компетентност за детекција на Ковид-19.

Лабораторијата за вирусологија при Институтот за јавно здравје (ИЗЈ) го помина со максимален успех надворешниот тест на компетентност за детекција на SARS-CoV-2, спроведен од Европскиот центар за контрола и превенција на болести (ЕЦДЦ).​

Како што соопшти Министерството за здравство, ова е исклучително значајно признание со кое се потврдуваат заложбите на здравствениот систем за справување со вирусот КОВИД-19.​

Министерот за здравство Венко Филипче, вчера ги посети вработените во Институтот и им честиташе за успехот.

– Неодамна, експертски тим од Светската здравствена организација ја прогласи лабораторијата за вирусологија и молекуларна дијагностика при Институтот за јавно здравје за национален инфлуенца центар и рамноправен член на глобалниот систем за надзор и одговор на грип. За таа цел, експертскиот тим спроведе мисија за проценка и верификација на капацитетите на лабораторијата. Сето ова е уште една потврда за квалитетот на резултатите кои произлегуваат од лабораторијата на Институтот за јавно здравје, заедно со конфирмацијата на резултатите од референтната лабораторија на СЗО за детекција на SARS-CoV-2 – Шарите од Берлин, Германија", изјави министерот Филипче.

Инаку, како што информира Министерството, лабораторијата за​ вирусологија е опремена со високо софистицирана опрема и современи и валидизирани реагенси и тестови, а воедно е кадровски екипирана со искусен и добро обучен персонал.​

Оваа лабораторија​ е​ референтна лабораторија во земјата за детекција на вирусни заболувања, вклучувајќи​ грип, морбили и рубеола, арбовируси (западно нилска треска, усуту вирус, вирус на крлежен енцефалкит, ЗИКА, вирус на рифт валеј треска и др), како и вируси на хеморагични трески – хантавирус, кримско-конгоанска треска и други, се додава во соопштението на Министерството за здравство.

Показна вежба за правилно поставување на зимска опрема

Настанот ќе се одржи во 12 часот на крстосницата меѓу бул. „Партизански одреди" и ул„ Манапо", пред трговскиот центар „ Skopje City Mall " во Скопје.

– Републичкиот совет за безбедност на сообраќајот на патиштата, Министерството за внатрешни работи и партнерите, денеска пред трговскиот центар „ Skopje City Mall " во Скопје ќе делат едукативни материјали, а ќе спроведат и показна вежба за правилно поставување на зимска опрема на возилото и презентација за позитивните ефекти од користењето на оваа опрема.

Настанот ќе се одржи во 12 часот на крстосницата меѓу бул. „Партизански одреди" и ул„ Манапо", пред трговскиот центар „ Skopje City Mall " во Скопје.

Настанот се реализира како дел од „Зимска кампања 2020-2021" и има за цел подигање на свеста за поголема употреба на зимска опрема во возилата и безбедно учество во сообраќајот при зимски услови на патиштата.

Тутунарите и откупувачите на средба со министерот Хоџа

 Министерот за земјоделство, шумарство и водостопанство, Арјанит Хоџа денеска ќе одржи работен состанок со тутунопроизводителите и откупувачите на тутун.

На средбата, како што најави вчера заменик-министерот Трајан Димковски, ќе се разговара за ситуацијата со откупот.

Димковски ја оцени состојбата со откупот како катастрофална, нагласувајќи дека цените се многу ниски, а и сите пунктови не се отворени.

– Оваа година почна катастрофално, сите пунктови отворени не се, а просечната цена е многу ниска, меѓу 140 и 170 денари. Решение мора да се бара. Ова е неочекувано, зошто се тргна со волку ниска цена, иако откупувачите најавуваа залихи и дека реколтата е со полош квалитет, рече Димковски по вчерашната посета на Штип.

Според Димковски, информациите од терен велат дека од понеделник би требало да бидат отворени сите пунктови за откуп.

– Поголемите фирми ги имаат отворено пунктовите, но добар дел се уште не. Најавата е дека од понеделник треба да бидат отворени сите, потенцира Димковски.

Министерот Хоџа на 25 ноември, при посетата на Прилепскиот тутунски комбинат кој тогаш ги отвораше пунктовите, рече дека не се очекуваат поголеми проблеми со откупот. Средствата се обезбедени и тоа што е договорено нема да остане неоткупено.

-Рано е да говориме за некаква проценка, но очекуваме се да биде во најдобар ред. Ситуацијата ќе се следи. Не би сакал пораката во почетокот на откупот да биде негативна. Да почекаме како ќе се одвива, па да преземеме мерки доколку има проблеми, изјави Хоџа.

Годинашниот род на тутунот се проценува на околу 23.000 тони. Произведените количини треба да ги преземат 10 откупни компании во земјава.

Дневен хороскоп за 4. декември 2020 година

Дневен хороскоп за петок, 4. декември 2020 година.

Стрелец 23.11.-21.12.

Љубов

Ќе успеете да спитите пријатно со корисно. Саканата личност ќе ја поврзете со поширок круг луѓе со кои и деловно переговарате.

Кариера

Договорите ќе се одвиваат по системот,,тргни-застани” , но нема да ви претставува тешкотија. Ќе работите со желба и без застој.

Здравје и совет

И натаму сте одлично.

Јарец 22.12.-20.1.

Љубов

Би можело да има застој во односите , зашто зборовите ќе ви бидат премногу љубезни. Внимавајте да не ве прогласат за слаткоречив.

Кариера

Вашите деловни амбиции се големи , но такви се и можностите. Денеска внимавајте да не паднете во стапицата на самодопадливост.

Здравје и совет

Вежбајте.

Водолија 21.1.-19.2.

Љубов

Оние кои сонуваат , мора да се симнат на земја. Саканата личност во тоа ќе им помогне , а тогаш ќе увидат дека тоа е здраво.

Кариера

Ќе дојде до израз нерационално трошење пари , а вие сето тоа ќе мора да го оправдате и да го решавате.

Здравје и совет

Бидете што е можно поразумни.

Риби 20.2.- 20.3.

Љубов

Партнерот ќе има свои желби и барања , кои во прв момент ќе ви изгледаат неразумни , но набргу ќес е снајдете.

Кариера

Ќе има преоден несклад со соработниците , зашто некои од нив ќе покажат нестабилност.Но , долгорочно се се одвива одлично.

Здравје и совет

Прошетајте се на воздух.

Овен 21.3-20.4.

Љубов

Веројатно ќе покажете доза на несигурност , што малку ќе ја обесхрабри дугата страна.Потрудете се да верувате во она што го доживувате.

Кариера

Веројатен е трошок на кој не сте сметале ниту вие ниту вашите соработници. Ќе надоместувате за да се снајдете во моментот.

Здравје и совет

Штедете го грлото и гласните жици.

Бик 21.4- 20.5.

Љубов

Кога ќе ви се пристори дека сте тргнале чекор напред , нешто ве враќа наназад. Така е тоа кога се брзате и работите површно. Бидете поискрени.

Кариера

Не се грижете поради трошоците , туку обидете се да работите напорно и без многу размислувања.Резултатите ќе дојдат подоцна.

Здравје и совет

Ви недостига трпение.

Близнаци 21.5.-21.6.

Љубов

Во сексуалните прашања ќе имате мало двоумење околу стилот.Секој сака да ужива на свој начин.

Кариера

Некој би можел да ви пререче дека на работа трошите на неважни ситници. Ќе ги аргументирате своите издатоци.

Здравје и совет

Редовно опуштајте се.

Рак 22.6-22.7.

Љубов

Ќе прифатите мало малтретирање од саканата личност , на која повторно ќе и кажете колку ви значи. Тоа ќе биде добар вовед во убава љубовна приказна.

Кариера

Ќе знаете како да ги насочите и оние соработници кои не се многу вредни. Со личен пример ќе ги мотивирате на работа.

Здравје и совет

Немате грижи.

Лав 23.7-22.8.

Љубов

Се што ќе се случува денеска ќе ви носи само немир , фрустрации и нови прашања. Обидете се да останете мирни и трпеливи.

Кариера

Пред вас е ден полн со предизвици , во кој ќе мора да разграничите што сакаат шефовите , кои се целите , кој е пријател , а кој непријател.

Здравје и совет

Останете будни.

Девица 23.8.-23.9.

Љубов

Освен што и натаму не ви цветаат рози во љубовта, денешниот ден би можел да ви донесе и некои семејни нестабилности.

Кариера

Ќе бидете распнати меѓу желбите и можностите . Ваше е да најдете златна средина и да се прилагодите на позитивен начин.

Здравје и совет

Немир и незадоволство.

Вага 24.9.-23.10

Љубов

Можно е дека со саканата личност ќе разговарате за дестинација на која сакате да отпатувате. Сеуште нема да се договорите.

Кариера

Во вашата работа ќе се вклучат нови луѓе , со кои ќе мора да научите да комуницирате. Ќе има мали несогласувања.

Здравје и совет

Некој нема да ви се допадне .

Шкорпија 24.10-22.11.

Љубов

Усогласувањето на ставовите со саканата личност , веројатно ќе потрае и денеска. Ќе употребите хумор.

Кариера

Вашиот работен ден ќе биде доста шарен. Ќе работите се и сешто и ќе ве има на повеќе места. Динамичен ден.

Здравје и совет

Легнете да спиете на време.

притисни ентер