Култура

Лабина Митевска е годинашна добитничка на наградата „Голема ѕвезда на македонскиот филм“

Оваа награда востановена во 2013 година е замислена како признание за посебна контрибуција кон македонскиот филм и од самиот старт критериумот е подигнат толку високо, што навистина не е лесно да се најде вистински кандидат и достоен лауреат.

Познатата македонската актерка и продуцент Лабина Митевска е добитник на наградата „Голема ѕвезда на македонскиот филм“ за исклучителен придонес во македонската кинематографија, што традиционално секоја година ја доделува Друштвото на филмски работници на Македонија.

-Оваа награда востановена во 2013 година е замислена како признание за посебна контрибуција кон македонскиот филм и од самиот старт критериумот е подигнат толку високо, што навистина не е лесно да се најде вистински кандидат и достоен лауреат. Оваа година се одлучивме за ѕвезда која долги години блеска на големото платно со голем број главни и споредни филмски улоги и е еден од најуспешните продуценти во историјата на македонскиот независен филм. Станува збор за исклучителна актерка со која и лично сум имал можност да соработувам. Едно од најсензибилните и најфотогенични лица во современата македонска кинематографија и сосема заслужено ќе го носи и епитетот „Голема ѕвезда на македонскиот филм“, истакна на денешната прес-конференција, претстедателот на ДФРМ, Игор Иванов Изи.

Лабина Митевска е родена е на 11 октомври 1975 година. Основно и средно училиште завршува во Скопје, а образованието го продолжува на факултетот за Уметност и археологија при универзитетот „Св. Кирил и Методиј“ во Скопје. Добива стипендија за европскиот колеџ за филмови во Данска, каде се дообразува, а Историја на уметност студира на универзитетот во Тусон, Аризона, САД. Својата актерска кариера, Митевска jа започнува во 1994 година со една од главните улоги во филмот „Пред дождот“ во режија на Милчо Манчевски, филм кој го добива „Златниот лав“ во Венеција. Потоа следат бројни улоги во познати филмови: „Туку така под облака“, „Добредојдовте во Сараево“, „Те сакам тебе“, „Премногу лош така што Балканскиот експрес беше претходно употребен“, „Како убив светец“, „Бубачки“, „Тајната книга“, „Јас сум од Титов Велес“, „Превртено“, „Кога денот немаше име“, „Господ пости, името и е Петрунија“, „Најсреќниот човек на светот...

Покрај актерството, Митевска е автор и на бројни есеи објавени во весници и списанија, зборува чешки, германски и англиски јазик, во два наврати соработувала со режисерот Мајкл Винтерботом, во 2001 година била член на жирито на Фестивалот во Карлови Вари и во неколку наврати беше директор на ИФФК „Браќа Манаки“. Со нејзината сестра Теона С. Митевска и братот, Вук Митевски ја оформуваат продукцијата „Сестри и брат Митевски“ со која снимаат бројни краткометражни и долгометражни играни филмови кои се прикажуваат на фестивалите во Берлин и Венеција.

Со филмот „Господ постои, името ѝ е Петрунија“ го свртеа вниманието на европската и на светската филмска јавност, и беа меѓу трите финалисти за престижната европска награда „Лукс“. Лабина и Теона, по поддршката која ја добија од Еуримаж, Агенцијата за филм, Creative Europe – MEDIA, Данскиот филмски институт, Belgium Tax Shelter, Хрватскиот аудиовизуелен центар и Филмскиот фонд од Сараево го завршија последниот проект, филмот „Најсреќниот човек на светот“ по сценарио на Елма Татарагиќ, кој беше избран за македонски кандидат за Оскар во категоријата најдобар меѓународен филм.

Досегашни добитници на наградата на ДФРМ се Кирил Ценевски, филмски режисер и сценарист (2013); Милчо Манчевски, филмски режисер и сценарист (2014); Дарко Марковиќ, карикатурист, сатиричар, филмски режисер (2015); Сајмон Пери, филмски продуцент (2016); „Вардар Филм“, продуцентска компанија (2017); Милица Стојанова, глумица (2018); Љупчо Константинов, композитор (2019); Столе Попов, филмски режисер и сценарист (2020), Северџан Бајрам, актер (2021) и Горјан Тозија, филмски продуцент (2022).

Наградата на Лабина Митевска свечено ќе и биде врачена на Меѓународниот фестивал на филмската камера „Браќа Манаки".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пет активни пожари низ Македонија

Центарот за управување со кризи информира дека до пред два часа се регистрирани вкупно пет пожари на отворен простор, од кои пет се активни, а два се под контрола.

Според ЦУК, на различни места е зафатена ниска вегетација, ѓубриште, грмушки, мешана шума и слама во двор.

Пожарите се активни во Гостивар во близина на Ѓоновички мост, Ранковце – село Ранковце Кратово – село Кетеново, Битола – село логоварди и Старо Нагоричане – село Руѓинце.

Во однос на пожарите што се под контрола, тие се во Општина Виница и Општина Зрновци, како и кај градските гробишта Неготино. Пожарите се разгореа изминативе неколку часови, со оглед што ЦУК информираше дека нема ниту еден активен оган на отворено.

Забава

Георгина му се пожали на Роналдо дека ја нарекуваат дебела – неговиот одговор ја воодушевил!

Свршеницата на најплатениот свтески фудбалер, Кристијано Роналдо, бујната Георгина Родригез се огласи на социјалните мрежи по повод тема што и сосздавала непријатности.

Имено, луѓето сè почесто ѝ пишуваа на социјалните мрежи дека се здебелила и упатуваа негативни коментари за нејзиното тело.

Таа објави порака на Инстаграм во која напиша како ги споделила своите размислувања со својот свршеник Кристијано Роналдо.

- Моето тело ќе се менува, како што се менува телото на секоја жена. И се надевам дека ќе продолжи да се менува уште многу години, бидејќи тоа ќе значи дека сè уште живеам. Јас сум мајка на шест прекрасни деца, од кои три се девојчиња што еден ден ќе станат големи жени. И ако постои една работа што сакам да ги научам заедно со Крис – на кого сум длабоко горда поради вредностите што ги пренесува како татко и како маж – тоа е дека вредноста на еден човек никогаш не може да зависи од неговиот физички изглед или од мислењата на непознати луѓе. Таа мала доза на позитивна психологија што се обидувам да им ја пренесам секој ден, ми помага и мене да продолжам да го наоѓам својот пат во овој свет полн со фантазија. Деновиве видов секакви коментари за некои од моите фотографии на бродот. Некои го коментираат моето тело, други ме бранат... Разговарав за тоа со Крис и му реков: „Загрижена сум што сега ме нарекуваат дебела, бидејќи живеам од својот изглед“.

Георгина напиша и откри што ѝ одговорил Роналдо:

- А тој ми одговори: Не живееш од својот изглед. Живееш од она што си. Совршена жена. Убава, со убаво тело, мајка, добра личност, успешна и некој што го живее животот со љубов. Што повеќе сакаш? Нормално е да ти завидуваат – напиша Георгина.

Таа упати порака до сите жени да ги сакаат своите облини и да ги игнорираат негативните коментари:

- Ги сакам моите облини. Ја сакам слободата да живеам во тело по сопствен избор. Во телото што ме носи, што ми овозможило да прегрнувам, да создавам живот, да паѓам и повторно да станувам. Тело што заслужува почит, љубов и благодарност во сите свои изданија. За мене, вистинскиот успех никогаш не се состоел во вклопување во стандард за кој никој не знае кој го измислил. Вистинскиот успех е да се живее во мир. Да се биде опкружен со луѓе што ги сакам. Да се ужива со семејството и пријателите. Да се води грижа за здравјето. Да се смее. Да се учи. Да се живее – заклучи таа.

Тагови: Георгина Кристијано Роналдо

Македонија

Сопственикот на Кожувчанка, Јанчев ја демантира СДСМ за водата набавена од Владата за Гостивар

Како општествено одговорна компанија која донирала во Македонија, Србија, Хрватска, Босна и Украина преку 88 мил денари, со индигнација ги отфрламе безочните манипулации на опозициската СДСМ.

- По обвинувањата од СДСМ дека владата без јавен оглас и тендер склучила договор за набавка на вода за пиење за Гостивар со Кожувчанка, како сопственик на Кожувчанка можам да кажам дека по јавниот оглас кој што го имаше Владата, односно општата служба за заеднички работи и по мои насоки, Кожувчанка конкурираше на огласот и го доби самиот оглас во вредност од 6 милиони денари со цена на чинење на вода од 12,5 денари за 1,5 литри шише односено до Гостивар со вклучен ДДВ. Сакам да кажам дека моите насоки до управителот беа редовната цена која што ја имаме од 25 денари за шише од 1,5 литри Изворска да биде со 50 проценти намалена, односно да биде намалена на 12,5 денари, со тоа што и самата компанија Кожувчанка партиципира во цената, истакна Јанчев.

Со демант се јави и Компанијата Кожувчанка, соопштението го пренесуваме во целост.

Како општествено одговорна компанија на која здравјето и квалитетот на животот на нашите сограѓани од цела Македонија ни се приоритет пред профитот, со индигнација ги отфрламе безочните манипулации на опозициската СДСМ. Во име на вистината тврдиме дека учествувавме на јавниот повик на службите на Владата, за набавка на флаширана вода за потребите на Општина Гостивар, при што нашата компанија Кожувчанка од Кавадарци се пријави со понуда од 12,5 денари по шише, цена која е значително пониска од редовната продажна цена на производот која изнесува 25 денари. Разликата помеѓу редовната продажна цена и понудената цена за оваа набавка компанијата целосно ја презема на свој товар, како наш гест на општествена одговорност, солидарност и филантропија. Кожувчанка гарантира дека предметната количина на вода ќе биде бесплатно транспортирана до Општината Гостивар, а се’ со единствена цел навремено да им се помогне на граѓаните во услови кога тоа е им најпотребно. Уверени сме дека во вакви околности, најголемата корпоративна вредност не смее да биде профитот, туку солидарноста и поддршката на заедницата. Како домашна компанија, Кожувчанка и понатаму ќе остане посветена на својата општествена улога и ќе продолжи да помага таму каде што помошта е најнеопходна