Квартет „Хермес“- млади уметници со голема зрелост во интерпретацијата - Канал 5

Култура

Квартет „Хермес“- млади уметници со голема зрелост во интерпретацијата

Со долги и стоечки овации беа испратени вчеравечер членовите на францускиот квартет „Хермес“ од  фестивалот  „Охридско лето“. 

Квартет „Хермес“- млади уметници со голема зрелост во интерпретацијата

Нивниот концерт се одржа во рамки на традиционалната Француска вечер на „Охридско лето“, поддржана од Амбасадата на Франција во РС Македонија и Францускиот Институт во Скопје.

Младите но зрели во својата интерпретација уметници Омер Буше, Елисе Лиу, Лоу Јунг Хсин Чанг и Јан Левиноа донесоа исклучително деликатна и сложена програма за изведување, која иако таква, наиде на големо воодушевување и прием кај публиката која уживаше во секој отсвирен тон од страна на француските музичари.

-Ова е првпат да дојдеме овде и навистина беше задоволство да ја откриеме оваа прекрасна црква и нејзината извонредна акустика, изведувајќи програма која е многу деликатна и сложена, како за нас, така и за публиката. Беше вистинско задоволство што можевме да придонесеме луѓето да го откријат Квартетот на Форе – француско дело што со задоволство го изведовме годинава. А тука беше и Гудачкиот квартет бр.14 од Бетовен, чие дело за нас претставува апсолутно ремек-дело, изјавија членовите на „Хермес“ кои веднаш по завршувањето на концертот заминаа во Франција зашто како што најавија, летово им претстојат многу концерти.

Квартетот „Хермес“, именуван според познатиот гласник од грчката митологија, својата музичка уникатност ја градат преку тоа што се обидуваат да бидат „проводници“ на музичките идеи на композиторите и нив да ги спојат со сензибилитетот на публиката. Нивниот идентитет го градат преку бројните патувања и настапи насекаде низ светот. „Карнеги хол“ во Њујорк, Забранетиот град во Пекинг, „Вигмор хол“ во Лондон се само некои од местата во кои настапиле и кои суштински влијаеле врз нивниот развој како ансамбл.Виолончелистот Јан Левионоа свири на инструмент изработен од Давид Течлер во 1703 година кој му е даден на користење од страна на приватни донатори.

Вчерашниот концерт на квартетот „Хермес“ го проследија претседателката на РС Македонија, Гордана Сиљановска-Давкова која е покровител на фестивалот и заменик-амбасадорот на Франција во земјава, Филип Маршето.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Гвинет Палтроу за врската со Бред Пит: Ми беше срам (ВИДЕО)

Гвинет Палтроу се осврна на својата врска со Бред Пит во 1990-тите и откри како медиумскиот притисок влијаел врз неа по нивното раскинување. 

Гвинет Палтроу за врската со Бред Пит: Ми беше срам (ВИДЕО)

Во гостување во подкастот, таа сподели дека поради фактот што нивната врска била толку јавна, чувствувала дополнителен срам што не успеала.

53-годишната актерка беше гостинка во вторникот во подкастот „Пријателите чуваат тајни“ што го водеа Бени Бланко, Лил Дики и Кристин Баталуко. Зборувајќи за својата кариера и живот во јавноста, таа се осврна и на својата врска со Пит.

Се запознале на снимањето на филмот „Седум“.

Палтроу рече дека таа и Пит, кој денес има 62 години, се запознале на снимањето на филмот „Седум“. Нејзината кариера тогаш само што почнувала да полетува. Таа рече дека врската започнала кога таа имала околу 22 години, а тој 31 година.

„Се запознавме на снимањето и тоа беше речиси љубов на прв поглед“, се присети таа. „Беше прилично неверојатно. Толку многу забавно.“ Таа додаде дека сè што следело ја преплавило и дека луѓето наскоро почнале да ја препознаваат првенствено како девојка на Пит. Двојката се запознала во 1994 година, се свршиле во 1996 година и ја раскинале свршувачката во јуни 1997 година.

По раскинувањето, таа почувствувала дополнителен срам

Еден од водителите ја прашал Палтроу дали нивната врска е повеќе како фантазија отколку реалност. Таа признала дека „еден дел од неа бил многу интензивен“ и додала: „Бев многу млада, а тој беше прекрасна филмска ѕвезда“. Актерката, исто така, открила дека денес се пријатели и рекла дека Пит е „одличен човек кого таа многу го сака“.

По раскинувањето, вели таа, била „навистина депресивна“. „Мислам дека поради медиумскиот притисок и сè друго, целата работа станува многу поголема отколку што е всушност“, рекла таа. „Потоа го носиш на грб товарот на таа вештачки создадена важност што јавноста му ја придава на сето ова, дополнителен притисок и срам затоа што си не успеал“.

YouTube video

„Не бев подготвена за брак“

Палтроу и претходно зборувала за причините за раскинувањето. Во подкастот „Call Her Daddy“ во 2023 година, таа објасни дека ја раскинала свршувачката бидејќи не била подготвена за брак, иако срцето ѝ било скршено. „Тоа беше вистинската одлука во тој момент, но беше многу тешко“, рече таа во тоа време. „Се случија голем број работи. Тој беше девет години постар од мене, знаеше што сака и беше подготвен за тоа, додека јас сè уште не знаев што сакам.“

„Тоа беше еден од оние тешки моменти кога си помислив: „О, Боже, не само што не сум подготвена, туку повторно не ги исполнувам очекувањата.“ Тоа беше тој добро познат внатрешен глас кој често ми кажуваше дека не сум доволно добра“, додаде таа.

По врската со Пит, Палтроу се омажи за фронтменот на Coldplay, Крис Мартин, во 2003 година, со кого има две деца, Епл (22) и Мозес (20). Двојката се раздели пријателски во 2014 година. Од 2018 година, таа е во брак со продуцентот Бред Фалчук.

Тагови: Гвинет Палтроу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Романија е уапсен опасен руски шпион: Целта му биле воздухопловните и приморските бази

Романските власти објавија дека уапсиле руски државјанин обвинет за собирање стратешки информации за саботажни операции во земјата-членка на ЕУ и НАТО од февруари до јули.

Во Романија е уапсен опасен руски шпион: Целта му биле воздухопловните и приморските бази

Романската разузнавачка служба во соопштението наведува дека „во соработка со домашни и меѓународни партнери спречила“ операција „координирана од Русија“, следејќи го моделот што се гледа во Европа.

Четириесетгодишниот шпион е осомничен за фотографирање и снимање опрема во неколку поморски и воздухопловни бази што ги користат сојузниците на Романија, особено во главниот град Букурешт.

Тој ги документирал движењата на персоналот и борбената опрема, вклучувајќи ги и „украинските товарни авиони Антонов“.

Според соопштението од обвинителството, кое побарало негово апсење, рускиот државјанин дејствувал по наредба на друго лице кое ги координирало операциите преку шифрирани услуги за пораки.

Романските власти изјавија дека веќе спречиле слични обиди во 2024 и 2025 година. Европската унија го осуди зголемениот број руски хибридни напади на почетокот на септември. Москва постојано негира вмешаност во овие операции.

Од друга страна, молдавската полиција објави дека 49-годишен маж од азербејџанско потекло е приведен поради сомнение за „неовластено собирање информации во име на претставници на специјалните служби на Руската Федерација“.

Тагови: Романија шпион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Зејнеп има 22 години и стана главен тренер на турски фудбалски клуб (ФОТО)

Турскиот фудбал доби една од поинтересните приказни во последните денови. 

Зејнеп има 22 години и стана главен тренер на турски фудбалски клуб (ФОТО)

Тургутлуспор, клуб од градот Тургутлу во покраината Маниса, ја назначи 22-годишната Зејнеп Местан за тренер на првиот тим. Со тоа, Местан стана првата жена на клупата на сениорскиот тим во историјата на тој клуб.

Иако е клуб кој денес игра во пониските рангови на турскиот фудбал, Тургутлуспор има побогата историја отколку што може да се заклучи од неговиот сегашен статус. Клубот е основан во 1984 година со спојување на Топракспор и Тукашспор, а својот најголем успех го постигна во текот на 90-тите и почетокот на 2000-тите. Во неколку наврати, тој играше во втората лига на турскиот фудбал, тогашната ТФФ 1. Лига, и беше блиску до влегување во највисоката лига.

Тургутлуспор е стабилен член на професионалните лиги со години, но во последните години доживува тежок пад. По испаѓањето од професионалниот фудбал и борбата со финансиски проблеми, клубот заврши во аматерските редови, а минатата сезона доживеа историски пад во Маниса Супер Аматоер Лиг, шестата ранг-лига во турскиот фудбал.

Прва голема тренерска работа

Во обид да се направи нов почеток, клубот одлучи да ѝ даде можност на многу млад тренер. Местан е родена во 2004 година, а пред да ја преземе улогата на тренер, таа беше активна фудбалерка. Настапуваше за неколку женски аматерски клубови во Турција, меѓу другите за тимови од Измир и околината.

„На Зејнеп Местан, која ќе ја предводи новата структура и професионална организација на нашиот клуб, ѝ посакуваме многу успех под нашиот црвено-црн грб. Се надеваме дека овој нов период ќе донесе добро за нашата заедница, клубот и сите наши навивачи“, објави Тургутлуспор по нејзиното назначување.

Ова ќе биде првиот голем тренерски предизвик на Местан, а пред неа е задачата да го врати клубот во професионалните лиги. Тургутлуспор имал неколку познати играчи и тренери во својата историја, вклучувајќи го и поранешниот турски репрезентативец Јусуф Шимшек, кој го водеше клубот како играч-тренер на почетокот на 2010-тите.

Нејзиното назначување привлече внимание бидејќи жените во машкиот фудбал се уште се реткост, особено на позицијата главен тренер на сениорскиот тим.

Тагови: тренер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер