Кузеска: „Разоткривање“ – како работат кујните на ДПМНЕ - Канал 5

Кузеска: „Разоткривање“ – како работат кујните на ДПМНЕ

На јавноста, многу сликовито ќе и покажеме како работат кујните на ДПМНЕ за лаги, лажни вести и манипулации.  

Кузеска: „Разоткривање“ – како работат кујните на ДПМНЕ

Како го преплавуваат медиумскиот простор со текстови и манипулации за одвлекување на вниманието на граѓаните и извртување на вистината.

Секогаш кога се фатени во криминал, скандали и предавства како ова со договорните мигранти за пари се вклучуваат кујните на ДПМНЕ!

Ова е нивното разоткривање. Одиме по ред:

Во изминатите две недели, три клучни теми беа доминантни:

1.Бомбите кои ги објави Антикорупцискиот тим на СДСМ за криминалните тендери на ВМРО-ДПМНЕ.

2.Договорот мигранти за пари во Македонија и

3.Нападот на новинарите на Инфомакс.

Професионалните медиуми, известуваа професионално, ги пренсуваа сите засегнати страни, ставовите на СДСМ, ставовите на власта, соодветно застапени.

Но, кујните на ДПМНЕ и нивните медиумски инсталации имаат проблем со вистината. Тие не ги пренесуваат ставовите на опозицијата, не ги пренесуваат „негативните вести“ за власта, не пренесуваат ништо од тоа што го говори СДСМ.

Секогаш кога ќе се објави негативна вест за власта, започнува серија на објавени текстови, полни со полувистини, манипулации и лаги за да се поклопат вестите кои не и одговараат на власта.

Еве еклатантен пример:

Само 10 минути по прес конференцијата на претседателот Филипче на 10.11, во четврток кујните на ДПМНЕ почнаа да работат.

Не се објавува за што е прес конференцијата, но се објавуваа копи-пејст вести дека Филипче имал прес конференција ама не одговорил на прашања.

Курир, Република, Вечер. Еве дел од насловите:

„Храбриот Филипче избега од сопствената прес конференција“

„СДСМ само се глупира со лагите за мигранти од Велика Британија“ и многу други.

На ова се додаваат мултиплицирани копи-пејст објави за да се покријат ставоите на СДСМ.

Ниту збор за кажаното на прес конференицијата, ниту збор за мигрантите, ниту збор за Резолуцијата, ниту збор за осудата на нападот на Инфомакс од страна на претседателот Филипче, ниту збор дека напаѓачот е член на ВМРО-ДПМНЕ.

Резултатот: Над 70 различни објави со напад на СДСМ, Филипче и за дефокусирање во еден ден.

Или сликовито тоа вака изгледа. Погледнете.

Три анализирани денови, на еден агрегат на вести, иста слика.

Вака се одвлекува вниманието на граѓаните, вака власта сака да ја промени реалноста, да ја искриви вистината и да ги лаже граѓаните

Исто како во времето на Никола Груевски.

Лажни вести, манипулации, извртување на вистината, политички прогон, напад на новинари, се е тоа исто, копи-пејст, рече Богданка Кузеска - портпаролка на СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Катастрофа за Баерн. Хари Кејн е сериозно повреден и нема да игра со месеци

Голем шок за германскиот фудбалски шампион  Баерн Минхен. Најдобриот фудбалер во светот според „Франс фудбал“, Хари Кејн , , се здоби со сериозна повреда на глуждот поради која ќе отсуствува најмалку три месеци.

Катастрофа за Баерн. Хари Кејн е сериозно повреден и нема да игра со месеци

Англискиот напаѓач се повреди за време на натпреварот против Келн, кој заврши со резултат 1:1, а по натпреварот спортскиот директор на Баерн, Макс Еберл, ја потврди лошата вест.

Кејн претрпе кинење на лигаментите на синдезмозата и нема повторно да игра годинава.

„Хари Кејн има скинати лигаменти на синдезмозата“, изјави Еберл по натпреварот, а тренерот Венсан Компани потврди дека неговиот напаѓач ќе отсуствува неколку месеци.

Според информациите на германски „Билд“, се очекува Кејн да биде надвор од терените три до четири месеци. Тоа значи дека тој нема да може да се врати сè до февруари или март 2027 година, пропуштајќи голем дел од сезоната, вклучително и голем број важни натпревари во Бундеслигата и во Лигата на шампионите.

Англискиот напаѓач се повреди во 15-тата минута од натпреварот против Келн. По центаршутот на Мајкл Олисе, тој се обиде да стигне до топката во шеснаесетникот, но одбранбениот играч на гостите, Жоел Шмид, се лизна и го закачи за левиот глужд.

Шмид прво ја допре топката, поради што судијата не досуди прекршок. Кејн остана да лежи на теренот со болна гримаса на лицето, а потоа се обиде да продолжи со играта. Сепак, набрзо стана јасно дека тој не може да продолжи. Во 20-тата минута, со помош на медицинскиот тим, тој го напушти теренот, а на негово место влезе Том Бишоф.

По натпреварот беше потврдена сериозноста на повредата.

Баерн остана и без Олисе. Французинот го напушти стадионот на патерици. Повредата на Кејн не беше единствената лоша вест за Баерн. Поради повреда, на полувремето беше заменет Мајкл Олисе, еден од најважните играчи во тимот на Компани. Французинот доби удар во левата нога кон крајот на првото полувреме, а според извештаите на германските медиуми, тој ја напуштил „Алијанц Арена“ на патерици. „Што се однесува до Мајкл, сè уште не знаеме ништо“, изјави Еберл за неговата здравствена состојба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Без струја, денеска и утре делови од Кисела Вода, Аеродром и Катланово

Според најавените прекини, во недела (22 ноември), од 9 до 15 часот, без електрична енергија ќе останат корисниците во делот од трафостаницата „Скопје 4 – МЕПСО“ до новиот кружен тек на патот Драчево – Батинци, во општина Кисела Вода.

Без струја, денеска и утре делови од Кисела Вода, Аеродром и Катланово

Во понеделник (23 ноември) се планирани прекини на две локации.

Во Катланово, од 8 до 15 часот, без електрична енергија ќе останат корисниците на улица „1“. Причина за прекинот е планираната замена на три електрични столбови.

Во Аеродром, прекинот ќе трае од 8:30 до 11 часот и ќе ги опфати куќите помеѓу „Порта Супериум“ и „Алкалоид“ на улицата „Трета македонска бригада“, зад гимназијата „Димитар Влахов“, како и куќите зад Тутунска банка, кон паркиралиштето на Македонски железници и делот зад „Алкалоид“.

Прекините се најавени поради планирани интервенции во електродистрибутивната мрежа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Крпен живот, кошничката се доближи до 71.000 денари - само за храна се потребни 26.000 денари

Животот на граѓаните поскапува, стандардот опаѓа. 

СДСМ: Крпен живот, кошничката се доближи до 71.000 денари - само за храна се потребни 26.000 денари

Вредноста на синдикалната минимална кошница во ноември достигнала 70.827 денари, за 469 денари повеќе од претходниот месец. Со кирија за стан кошничката е дури 90 илјади денари и ниту три минални плати не ја покриваат.

Само за храна и пијалоци на едно семејство му се потребни дури 26.000 денари месечно.

Од почеток на 2027 година се најавуваат и нови поскапувања на струјата и на парното што ќе биде уште еден удар во и така нискиот стандард на граѓаните.

Народот едвај врзвува крај со крај, затоа што платите не ги следат поскапувањата.

Наместо конкретни мерки и решенија за намалување на цените и помош на ранливите, владата на Мицкоски не прави ништо, граѓаните се оставени сами да се справуваат со растечките трошоци и сè потешкиот крпен живот.

Организираната криминална група одбива да ја покачи минималната плата на 600 евра, нема пари за работниците, нема пари за земјоделците, нема пари за поголем студентски оброк. Пари има само за тендери.

Арамиската власт на Мицкоски ги осиромашува граѓаните додека им трупа нови долгови на грбот на наредните генерации. 4 милијарди евра за 2 години и уште 2 милијарди евра нови долгови за 2027 година кои се најавуваат.

Парите одат само за криминални тендери а не за граѓаните кои се со празни паричници и празни фрижидери.

Скопје, 21.11.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер