Курти тврди дека нема правни причини поранешните водачи на ОВК да останат во притвор во Хаг - Канал 5

Балкан

Курти тврди дека нема правни причини поранешните водачи на ОВК да останат во притвор во Хаг

Вршителот на должноста премиер на Косово, Албин Курти, смета дека повеќе нема правни причини поранешните водачи на Ослободителната војска на Косово (ОВК), на кои им се суди во Хаг за воени злосторства, да останат во притвор во тој град во Холандија.

Курти тврди дека нема правни причини поранешните водачи на ОВК да останат во притвор во Хаг

По повод петгодишнината од апсењето и притворањето на Хашим Тачи, Кадри Весељи, Јакуп Касниќи и Реџеп Сељими, Курти на Фејсбук напиша: „Обвинителството го заврши случајот. Нема повеќе сведоци. Нема законски или морални причини тие да останат во притвор“.

Курти претходно беше критикуван затоа што јавно не ги поддржувал поранешните водачи на ОВК и затоа што никогаш не ги посетил во Хаг, но денеска рече дека работел „тивко и долго“ за нивно ослободување, пренесе Бета.

- Тоа беше мојата мисла од првиот ден. Долго и напорно работевме на ова прашање, во тишина, бидејќи добрата работа често се прави тивко, напиша Курти.

Курти објави и писмо на Фејсбук од 2022 година, пред почетокот на судењето, во кое бара од претседателката на Специјализираните совети, Екатерина Трендафилова, да ги ослободи обвинетите.

- Ова го објавувам денес само од една причина: Верувам дека е исправно тие да се вратат во своите домови, да бидат со своите семејства и слободни да ја бранат праведната борба за ослободување на Косово, рече Курти.

Тој додаде дека нема одговор на неговото барање.

Во тоа писмо, Курти и понудил на Трендафилова гаранции дека косовските власти ќе го следат домашниот притвор на обвинетите.

Постапката пред Хашкиот трибунал е при крај, се очекува сведочење на уште неколку сведоци на одбраната, вклучувајќи го и поранешниот врховен командант на НАТО, Весли Кларк.

Тагови: Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се финализираат измените на изборниот законик, велат од министерството за правда

Се финализираат измените на изборниот законик, а на вчерашната средба на работната група биле разгледани преостаните отворени прашања, во насока на исполнување на препораките на ОБСЕ и Одихр, информираа од министерството за правда.

Се финализираат измените на изборниот законик, велат од министерството за правда

Членовите на работната група размениле мислења по доставените предлози од политичките партии, при што било констатирано дека значителен дел од решенијата се усогласени и има висок степен на консензус.

Политичките партии во текот на денешниот ден по електронски пат треба да се произјаснат за одредени предлози по што се очекува да се подготви законското решение кое ќе произлегува од усогласените решенија и ќе се достави во понатамошна процедура, информираа од правда.

Тагови: Министерство за правда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

235 жртви, а 4.300 повредени во земјотресите во Венецуела

235 жртви во двата земјотреси што ја погодија Венецуела, а 4.300 луѓе се повредени, потврди министерот за здравство Карлос Алварадо.

235 жртви, а 4.300 повредени во земјотресите во Венецуела

Се уште под урнатитните се трага по преживеани. Надеж во потрагата по преживеани е вадењето на дете од урантините, детето беше извлечено без никави повреди. Земјотреси со јачина од 7,5 и 7,2 степени според Рихтеровата скала ја погодија Венецуела во текот на ноќта помеѓу среда и четврток. Во земјата беше прогласена вонредна состојба, а воздушниот и железничкиот сообраќај беа прекинати, како и наставата во училиштата.

Привремената претседателка на Венецуела, Делси Родригез, ја посети државата Ла Гваира, областа најпогодена од земјотресите. Според соопштението на претседателството, како дел од планот за вонредни ситуации, наредена е мобилизација на тешка механизација и итна дистрибуција на основни потреби, вклучувајќи вода за пиење, храна, душеци и ќебиња.

Тагови: Венецуела земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Со меѓународно поетско читање продолжува програмата на Струшки вечери на поезијата

Со меѓународно поетско читање „Матине“ во предворјето на црквата „Света Богородица Перивлепта“ во Охрид и посета на знаменитостите на градот во петок (26 јуни) продолжува програмата на 65-тите јубилејни Струшки вечери на поезијата.

Со меѓународно поетско читање продолжува програмата на Струшки вечери на поезијата

На прес-конференција ќе биде прогласен добитникот на наградата „Браќа Миладиновци“ за 2026 година. Во потесен избор од пет поетски книги во конкуренција за наградата се „Меко трње“ од Марија Ангеловска (Скопје: ПНВ Публикации, 2026), „Во куќата“ од Николина Андова Шопова (Скопје: Бегемот, 2026), „Длабок простор“ од Зоран Анчевски (Скопје: Арс Ламина, 2026), „Првата ноќ и вториот рај“ од Сузана В. Спасовска (Скопје: Слово, 2026), и „Болна земја“ од Братислав Ташковски (Скопје: Матица македонска, 2026).

На годинешниот конкурс за наградата „Браќа Миладиновци“ 2026 година, организиран од НУМ „Струшки вечери на поезијата“, се пријавија 35 автори со вкупно 37 поетски книги објавени меѓу две фестивалски изданија, во период од 01.06.2025 до 01.05.2026 година.

Манифестацијата ќе продолжи со поетско читање „Плејади“ и поетски портрети, како и меѓународно поетско читање „Кругови 2“ и „Ноќ без интерпункција“ со читање на поети застапени во антологијата приредена од Иван Џепароски - „Камен и земја“ и читање на поетите во конкуренција за наградата ЕНХАЛОН.

НУМ Струшки вечери на поезијата

Тагови: Струшки вечери на поезијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер