Курти соочен со опаѓање на поддршката во Косово - Канал 5

Балкан

Курти соочен со опаѓање на поддршката во Косово

„Ќе ја продолжиме добрата работа што ја започнавме во изминатите четири години и ќе правиме многу други работи, во согласност со нашите ветувања, од едниот до другиот крај на Косово“, рече Курти по прогласувањето на победата.

Курти соочен со опаѓање на поддршката во Косово

РСЕ

На своите поддржувачи им вети ангажман во секое „ќоше“ на Косово, а тие му дадоа доверба. Движењето Самоопределување, предводено од премиерот Албин Курти, победи на парламентарните избори на Косово на 9 февруари со околу 41 отсто од гласовите, според прелиминарните резултати.

„Ќе ја продолжиме добрата работа што ја започнавме во изминатите четири години и ќе правиме многу други работи, во согласност со нашите ветувања, од едниот до другиот крај на Косово“, рече Курти по прогласувањето на победата.

Курти ја водеше владата на Косово четири години, почнувајќи од 2021 година и кратко време во 2020 година. Споредено со изборите пред четири години, поддршката за неговата партија е намалена за околу 10 проценти. И покрај тоа, Курти рече дека Самоопределување ќе ја води владата уште четири години.

Се уште не е јасно со која политичка сила ќе коалицира оваа партија за да обезбеди 61 пратеник во косовското Собрание, ниту пак политиката што ќе ја води.

Кој е Курти?

Курти е лидер кој предизвикува бурни реакции од двете страни на политичкиот спектар. За неговите поддржувачи тој е реформатор и заштитник на интересите на земјата која се соочува со надворешни притисоци. За неговите критичари, тој е ригиден идеолог, чијашто неподготвеност за компромиси не само што ги затегна односите со меѓународните сојузници, туку и го изолира Косово на светската сцена.

Курти стана познат во 1990-тите откако организираше протести против репресијата на поранешниот претседател на Република Србија, Слободан Милошевиќ. Поради неговиот активизам, тој помина две години во српски затвори и беше ослободен дури по меѓународен притисок.

Во 2005 година, заедно со други активисти од Акциска мрежа за Косово тој го основаше Движењето Самоопределување, кое подоцна беше регистрирано како политичка партија. Како нејзин лидер, Курти изгради кариера критикувајќи ги претходните политички елити за корупција и непотизам и спротивставувајќи се на странското влијание.

Некогаш познат по водењето на улични протести, па дури и употребата на солзавец во Парламентот, Курти со текот на времето ја омекна својата реторика. Таа повеќе не се залага за обединување со Албанија, туку се фокусира на понатамошно консолидирање на Косово како независна и суверена држава.

Курти првпат беше избран за премиер во февруари 2020 година. Сепак, таа влада беше најкратката во повоено Косово. Несогласувањата околу управувањето со пандемијата Ковид-19, а особено пристапот кон дијалогот со Србија, ескалираа во политичка борба.

На 25 март, Демократската лига на Косово поднесе барање за недоверба, што доведе до пад на владата на Курти. Помалку од една година подоцна, во февруари 2021 година, беа одржани предвремени парламентарни избори, а Самоопределување освои повеќе од 50 отсто од гласовите.

Како премиер по вторпат, Курти вети дека приоритети на неговата влада ќе бидат здравството, образованието и правдата.

Што го одбележа претходниот мандат на Курти?

Курти вети управување фокусирано на транспарентност и одговорност, нагласувајќи ја важноста од зачувување на националниот суверенитет. И покрај ова, неговата влада е цитирана во извештаите на американскиот Стејт департмент за владина корупција и од Репортери без граници за ограничување на слободата на медиумите. Од 2021 година, невработеноста се намалува, додека економскиот раст е под четири проценти. Платите и пензиите се зголемени, како и странските директни инвестиции.

Сепак, она што најмногу го обележа вториот мандат на Курти беше неговата решеност да ја прошири власта на Косово на северот на земјата, каде мнозинското население се Срби, кои долго време ги отфрлаа одлуките на официјална Приштина. И покрај противењето и протестите, Курти назначи албански градоначалници во општините со мнозинско српско население, откако локалната заедница ги бојкотираше изборите, ги замени српските регистарски таблички со косовски, го отстрани српскиот динар од оптек и ги затвори повеќето српски институции кои работеа од повоениот период и вработија илјадници луѓе. Овие одлуки, иако се клучни за неговата визија за суверено и обединето Косово, беа скапи за меѓународните сојузи.

Во необичен потег, официјални лица од Европската унија и САД остро ја критикуваа косовската влада, опишувајќи ги нејзините постапки како некоординирани и штетни за српската заедница. - Со ваквите потези Курти го доведе во прашање партнерството со САД, изјави поранешниот помошник државен секретар на САД, Џејмс О'Брајан.

Косово може да напредува само со помош на САД и со решавање на нејзините грижи, изјави поранешниот американски амбасадор во Приштина, Џефри Ховениер.

Според поранешниот шеф за надворешна политика на ЕУ, Жозеп Борел, Курти не соработуваше.

Како резултат на тоа, ЕУ воведе неколку казнени мерки против Косово, суспендирајќи ја финансиската помош, која останува во сила, и ограничувајќи ги состаноците на високо ниво со косовските официјални претставници.

Иако Курти ги оправда своите одлуки како легални и во согласност со Уставот на земјата, сојузниците инсистираа на тоа дека сè што се однесува на северот треба да се разговара во рамките на дијалогот со посредство на ЕУ за нормализација на односите меѓу Косово и Србија.

Тој дијалог на високо ниво исто така е прекинат.

Курти и српскиот претседател Александар Вучиќ не се сретнале од септември 2023 година, иако нормализацијата на нивните односи е клучна за европската интеграција и на Косово и на Србија. Неколку дена по тој состанок, вооружени Срби ја нападнаа косовската полиција во селото Бањска во Звечан, при што беше убиен еден полицаец. Во судирот што следеше загинаа и тројца српски напаѓачи.

Курти ја обвини Србија за нападот, но тамошните власти негираат каква било вмешаност.

Тој го услови продолжувањето на дијалогот со екстрадиција на Милан Радоичиќ, поранешен српски политичар од Косово, кој ја призна одговорноста за организирање на нападот во Бањска. Курти и пред тоа одби да одговори на неколку барања на меѓународната заедница за нормализирање на односите со Србија со преземање чекори кон формирање Заедница на општини со мнозинско српско население.

Косово и Србија се договорија за оваа унија во 2013 година, многу пред Курти, а Србија упорно бара нејзино спроведување. Сепак, секоја косовска влада се двоумеше, плашејќи се дека тоа може негативно да влијае на внатрешната функционалност на државата. Слично на тоа, Курти најпрво инсистираше на де факто признавање на Косово од Србија, признавање што не се случи.

На митингот со неговите поддржувачи на 1 февруари, Курти повтори дека „Република Косово, со нашата влада на чело, вели 'не' на Заедницата“, српскиот термин што Самоопределување постојано го користи за Заедницата.

Со овој став, Курти сигнализира продолжување на пркосниот став кој ризикува дополнително да го продлабочи јазот на Косово со неговите западни сојузници.

Но, според Чарлс Купчан, од Советот за надворешни односи на САД, „можеби Курти, по реизборот, ќе биде подготвен да ги ублажи работите“.

„...да се движиме во насока што е помалку етно-националистичка и поконструктивна кога станува збор за односите меѓу Приштина и Белград“, рече Купчан за Радио Слободна Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 15. јули 2026 година

Дневен хороскоп за среда, 15. јули 2026 година. 

Дневен хороскоп за 15. јули 2026 година

Рак 22.6-22.7.

Љубов

Ќе бидете малку поопуштени и пријателски расположени , па ќе се отворите и ќе си го подобрите односот со саканата личност.

Кариера

Вашата работа ќе се развива на најдобар множен начин. Денеска анализирате и некои свои заслуги.

Здравје и совет

Игнорирајте ги провокаторите.

Лав 23.7-22.8.

Љубов

Ќе имате доверба во луѓето и на многумина ќе им дозволите да ви се приближат. За осамените ќе има одлични шанси.

Кариера

Не се двоумете околу сигурноста на вашата работа , но би сакале нешто да смените. Има простор за подобрување.

Здравје и совет

Не чепкајте таму каде што не треба.

Девица 23.8.-23.9.

Љубов

Ќе се засили умереноста кон она што не е видливо. Ќе читате меѓу редови и тука ќе ги наоѓате одговортие на вашите љубовни дилеми.

Кариера

Мало надмудрување со шефовите би можело да даде резултати, не ќе ви ги исцрпи нервите.

Здравје и совет

Опуштете се со она што го сакате.

Вага 24.9.-23.10

Љубов

Љубовните настани на работното место продолжуваат и денеска.Ако уште сте сами , отворете ги добро очите.

Кариера

Многумина ќе го следат вашиот пример зашто ќе препознаат дека вие сте се поставиле најадобро и знаете што работите.

Здравје и совет

Бидете она што сте.

Шкорпија 24.10-22.11.

Љубов

Ако се обидете да објасните нешто шта на вас ви е сосема јасно , нема да успеете , зашто другата страна мора да биде отоврена за такви измени. Добро ви оди и вака.

Кариера

Ќе посакате денеска да прекинете со една соработка , но првин размислете дали тоа е воопшто потребно.

Здравје и совет

Избегнувајте луѓе што сакаат да направат сцена.

Стрелец 23.11.-21.12.

Љубов

Вашиот љубовен живот денеска ќе се развива над очекувањата. Мали недоразбирања се можни само околу вашите фалбаџиски изјави.

Кариера

Ќе продолжите да ги промовирате своите амбиции и планови. ДФругите ќе треба да ве слушаат , но не би бикло лошо понекогаш да биде и обратно.

Здравје и совет

Бидете пореални.

Јарец 22.12.-20.1.

Љубов

Вашите љубовни освојувања ќе продолжат пред публика или пријатели. Тоа ќе ви биде дополнителна мотивација.

Кариера

Може да се впуштите во речиси секоја работа , зашто и ѕвездите ќе го поддржуваат развојот на вашата кариера.

Здравје и совет

Помалку јадете , движете се повеќе.

Водолија 21.1.-19.2.

Љубов

Разиграност , веселба и дружба во добро расположение се на повидок. Ако сте веќе во врска , ќе се подобри.

Кариера

Лекомислено ќа ја сфаќате работата денеска .Ќе бидете повеќе подготвени за забава , отколку за работа.

Здравје и совет

Не си поигрувајте со луѓето.

Риби 20.2.- 20.3.

Љубов

И натаму останува дека треба да се дистанцирате и на мир да чекате да завршат овие денови неповолни за љубов.

Кариера

Со својата ангажираност ќе направите надредените да се посрамотат. Подобри сте од нив, но не мора да им го потенцирате.

Здравје и совет

Не ги земајте работите при срце.

Овен 21.3-20.4.

Љубов

Вашата зборливост ќе ви помогне да ги надминете празнините во личниот живот. Ќе разговарате што недостига во емотивните односи.

Кариера

Денеска ќе водите интензивна кореспонденција со колегите. На повидок се многу меилови , телефонски повизци и пораки.

Здравје и совет

Поработете на својата спретност.

Бик 21.4- 20.5.

Љубов

Колку и да се трудите , денеска нема да добиете емотивно исполнување какво што очекувавте. Треба едноставно да издржите.

Кариера

Не мачете се себеси и другите со вашите сомневања. Постојат правила што треба да ги следите во деловниот живот. Внимавајте на нив.

Здравје и совет

Прошетајте се на свеж воздух.

Близнаци 21.5.-21.6.

Љубов

Сеуште не сте сфатиле дека светот не се врти околу вас и дека треба да покажете способност за почит кон другите. така ќе бидете посреќни.

Кариера

Стравот што понекогаш го чувствувате е последица на вашето его. не е секогаш лесно да се работи со вас. Размислете.

Здравје и совет

Луѓето не се играчки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вечерва во „Само вистина“ гостин ќе биде Гордан Георгиев

Вечерва во „Само вистина“ гостин ќе биде Гордан Георгиев

Вечерва во „Само вистина“ гостин ќе биде Гордан Георгиев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Летување на море или на планина? Кој одмор е подобар?

Изборот помеѓу летен одмор на плажа или на планина е слатка дилема. 

Летување на море или на планина? Кој одмор е подобар?

За полесно да изберете идеално место за бегство од секојдневието, порталот we3travel истражува различни аспекти од одморот на море и планина. На вас е да изберете што најмногу ви одговара.

Звукот на брановите смирува

Малку што може да го надмине чувството на песочна плажа додека ритмичкиот шум на брановите ги смирува сетилата. Звукот на морските плисоци во брегот делува како природен звучен пејзаж поттикнувајќи состојба на длабок мир. Не нè ни чуди што многумина токму бескрајното морско пространство кое дава чувство на слобода и нова перспектива го сметаат за совршено прибежиште од метежот и вревата на секојдневниот живот,

Величествените планински видици

Високо во планините, воздухот е свеж и оживува, а небото изгледа како да ви е на дофат. Неверојатниот поглед од врвот на планината често ве остава без зборови и ве фокусира на сегашниот момент.

Иако качувањето до врвот може да биде предизвик, наградата е неспоредлива со убавината на природата и длабокото чувство дека сте успеале. Планините поттикнуваат саморефлексија и нудат тивко бегство во природата, каде што мислите можат слободно да талкаат.

Опуштање на сонце

Сончањето на плажа е повеќе од забава - тоа е ритуал за релаксација. Топлината на сонцето во комбинација со благиот морски ветар создава совршени услови за одмор.

Ваквите моменти се идеални за размислување или дремење. Додека кожата впива витамин Д, на плажа грижите исчезнуваат на ветрето.

Планинарска авантура

За оние со авантуристички дух, планинарењето нуди неспоредлива возбуда. Патеките низ густите шуми откриваат скриени водопади и овозможуваат неочекувани средби со животинскиот свет. Секој чекор на овие патеки води до нови откритија, како за животната средина, така и за себе.

Физичкиот напор е во рамнотежа со спокојството на недопрената природа. Планинарењето овозможува бегство од дигиталниот свет и повторно поврзување со природата, што го прави идеален избор за оние кои бараат и авантура и мир.

Истражување на брегот и собирање школки

Шетањето по плажа буди љубопитност кај секој од нас. Секоја школка раскажува приказна за богатиот живот на океанот, а нивното собирање е омилен спомен од летниот одмор за многумина. И децата и возрасните се радуваат кога ќе најдат школки.

Удобноста на планинската кабина

Сместени во срцето на планините, колибите се пријатно прибежиште од надворешниот свет. Глетката на огнот во каминот, топлиот напиток во раката и рустичниот шарм на дрвена колиба создаваат посебна атмосфера.

Спортски активности на плажа

Плажата не е само за излежување, туку и вистинско игралиште за саканите активности. Без разлика дали се работи за одбојка на плажа, сурфање или градење кули од песок, секој може да најде нешто за себе.

Духот на заедништво што се раѓа за време на играта го претвора денот на плажа во енергично бегство од рутината, правејќи ја плажата жив центар за дружба и релаксација.

Набљудување на дивиот свет во планините

Планинските области се дом на разновиден животински свет. Од разиграни верверички до величествени елени, гледањето животни во нивната природна средина нуди единствена форма на релаксација.

Вооружени со двоглед, љубителите на природата можат да уживаат во нејзината убавина, а таквите средби поттикнуваат свесност за важноста на зачувувањето на природата.

Читање со звукот на морето

За љубителите на книги, звукот на морските бранови е идеална позадина за читање. Добрата книга и ритмичките звуци на морето создаваат хармонија што го прави читачкото искуство подлабоко и попријатно.

Гледање ѕвезди во планините

Поголемата надморска височина во планините нуди непречен поглед на ноќното небо, претворајќи го гледањето на ѕвездите во магично искуство. Опремени со телескопи, ентузијастите можат да ги истражуваат соѕвездијата и планетите.

Овие вечери придружени со логорски оган, го прават искуството потопло и поинтимно.

Одмор на хамак

Нежното лулање, топлината на сонцето и тивките звуци на морето создаваат оаза за релаксација. Ваквите лежалки обезбедуваат осаменост и одмор подалеку од метежот и вревата, и искуство дека времето забавува овозможувајќи ви да ги цените едноставните животни радости.

Придобивките од термалните извори

Природните термални извори сместени во планините се рај за релаксација. Контрастот топла вода и свеж планински воздух ги оживува телото и умот. Овие извори нудат терапевтски придобивки, ги смируваат мускулите и го смируваат умот, богатите се со минерали и со векови се ценети поради нивните лековити својства.

Пуштање „змеј“ покрај море

Летањето змеј покрај плажа е забавна активност за сите возрасти. Отворениот простор и постојаното ветре ја прават плажата совршено место за летање шарени летала. Ова едноставно задоволство ги зближува семејствата, поттикнувајќи тимска работа и креативност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер