Балкан

Курти со забелешки до Лајчак: Нацртот за ЗСО е понапреден, но не сум задоволен

Премиерот на Косово, Албин Курти денеска изјави дека нацртот на Заедницата на општините со српско мнозинство, предложен од ЕУ и САД, е „значително понапреден“ од претходните.

Но Приштина не е задоволна од содржината и Курти упати забелешки до специјалниот пратеник на ЕУ за дијалогот, Мирослав Лајчак.

Тој пред новинарите во Пеќ изјави дека поради доверливост не може да зборува ниту за нацртот, ниту за забелешките и дека на Лајчак му ги пренел преку главниот преговарач на Приштина, Бесник Бислими, на 24 октомври, два дена пред средбата во Брисел, пренесува Коха. .

„Ова е сосема поинаков нацрт, неспоредливо понапреден, но тоа не значи дека сме задоволни, затоа и јас ги испратив моите забелешки и критики“, рече Курти по посетата на Националниот џудо центар, каде се одржувала обуката на членовите косовските безбедносни сили.

Курти повтори дека понудил да се потпише само како дел од пакетот што ги вклучува Основниот договор, Анексот за спроведување, како и нацртот за кој претходно доставил коментари.

„Бидејќи ни беше кажано во Брисел дека нормализацијата на односите е итна, се согласив да го потпишам, но само како дел од пакетот“, рече Курти, додавајќи дека во него побарал Косово да добие статус на земја кандидат за ЕУ и да започне патот на прием во НАТО.

На прашањето зошто вчера не го примил специјалниот претставник на ЕУ за дијалог Мирослав Лајчак, Курти рече дека немало потреба да се сретне со него, бидејќи имал други обврски.

„Мојот заменик Бесник Бислими се сретна и сѐ е во ред. Кога има потреба излегувам и јас да се сретнам, Бесник Бисљими контактира и комуницира со него. Не е прв пат да имаме средба со европскиот емисар, но е предводен од мојот заменик, кој е одговорен за европската интеграција, развој и дијалог“, рече Курти.

Курти рече дека се уште не разговарал за средбата на Бислими со Лајчак, поради неговиот ангажман на терен, но дека ќе се сретне и ќе разговара вечерва, пренесува РТК на српски јазик, објави српски Телеграф.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

25 години ЕБР – „секогаш и секаде“

ЕБР одбележа 25 години постоење.

Министерот за внатрешни работи Панче Тошковски најави продолжување на модернизацијата и поддршката за единицата.

Денеска во Битола Единицата за брзо распоредување (ЕБР) одбележа 25 години од своето формирање, јубилеј посветен на четврт век служба во функција на безбедноста на граѓаните и државата.

На свеченоста пред офицерскиот дом беа истакнати улогата на единицата во безбедносниот систем, нејзиниот развој од формирањето во 2001 година до денес, како и заложбите за натамошна модернизација, опремување и професионално усовршување на припадниците.

На настанот се обратија министерот за внатрешни работи Панче Тошковски и командантот на ЕБР Стојанче Николов, а во рамки на одбележувањето беше изведена и тактичко-показна вежба, како и изложба на опрема која ја користи единицата.

Тагови: ЕБР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала до умерена локална облачност.

Попладне наместа ќе има зголемена облачност и услови за пороен дожд, грмежи, засилен ветер и изолирано невреме со силен ветер и појава на град. Минималната температура ќе биде во интервал од 13 до 21, а максималната ќе достигне од 32 до 40 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе се спушти до 20, а максималната ќе достигне до 37 степени.

Во текот на новата седмица дневната температура ќе опадне за неколку степени. Во попладневните часови, особено во понеделник ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски суд ја поништи забраната на Трамп за имигрантски визи за 75 земји, вклучително и за македонските граѓани

Забраната за имигрантски визи за граѓани на 75 земји, меѓу кои и Македонија, воведена од администрацијата на претседателот на САД Доналд Трамп, денеска е поништена од федерална судијка како „спротивна на законот“, објави СНН.

Одлуката ја донесе судијката Џенет Варгас од федералниот окружен суд во Менхетен.

Таа оцени дека државниот секретар Марко Рубио ги надминал своите законски овластувања со забраната, донесена со образложение дека ќе го спречи влезот на луѓе кои би користеле социјална помош и јавни бенефиции. Судијката утврди дека американските службеници во пракса биле упатени да ги одбијат барањата за виза од апликантите, дури и од оние кои можеле да се издржуваат сами, единствено врз основа на нивната земја на потекло.

Во јануари, Стејт департментот го суспендираше издавањето имигрантски визи за земји каде што живее речиси 40% од светското население, а меѓу нив од регионот се најдоа и Македонија, Црна Гора, Босна и Херцеговина и Косово.

Тагови: визи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.